ਸਮ੍ਰਿਤੀ ਮੰਧਾਨਾ ਅਤੇ ਦੀਪਤੀ ਸ਼ਰਮਾ ਨੇ ਭਾਰਤੀ ਮਹਿਲਾ ਟੀਮ ਨੂੰ ਪਹਿਲੇ ਵਨਡੇ ‘ਚ ਦੱਖਣੀ ਅਫਰੀਕਾ ‘ਤੇ ਵੱਡੀ ਜਿੱਤ ਦਿਵਾਈ

ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ ਐਤਵਾਰ, 16 ਜੂਨ ਨੂੰ ਬੈਂਗਲੁਰੂ ‘ਚ ਪਹਿਲੇ ਵਨਡੇ ਮੈਚ ‘ਚ ਦੱਖਣੀ ਅਫਰੀਕਾ ‘ਤੇ 143 ਦੌੜਾਂ ਦੀ ਵੱਡੀ ਜਿੱਤ ਦਰਜ ਕੀਤੀ। ਸਟਾਰ ਬੱਲੇਬਾਜ਼ ਸਮਰਿਤ ਮੰਧਾਨਾ ਨੇ ਸ਼ਾਨਦਾਰ ਸੈਂਕੜਾ ਜੜਿਆ ਅਤੇ ਹਰਫਨਮੌਲਾ ਦੀਪਤੀ ਸ਼ਰਮਾ ਨੇ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਭਾਰਤ ਨੂੰ ਘਰੇਲੂ ਮੈਦਾਨ ‘ਤੇ ਤਿੰਨ ਮੈਚਾਂ ਦੀ ਸੀਰੀਜ਼ ‘ਚ 1-0 ਦੀ ਬੜ੍ਹਤ ਦਿਵਾਈ।

ਮੰਧਾਨਾ ਨੇ 127 ਗੇਂਦਾਂ ‘ਤੇ 117 ਦੌੜਾਂ ਬਣਾ ਕੇ ਦੋ ਸਾਲਾਂ ਬਾਅਦ ਆਪਣੇ ਅੰਤਰਰਾਸ਼ਟਰੀ ਸੈਂਕੜੇ ਦੇ ਸੋਕੇ ਨੂੰ ਖਤਮ ਕੀਤਾ ਜਦੋਂ ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 265/8 ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ। ਡੈਬਿਊ ਕਰਨ ਵਾਲੀ ਸਪਿਨਰ ਆਸ਼ਾ ਸੋਭਨਾ ਨੇ ਫਿਰ ਚਾਰ ਵਿਕਟਾਂ ਅਤੇ ਦੀਪਤੀ ਨੇ ਦੋ ਵਿਕਟਾਂ ਲਈਆਂ ਅਤੇ ਪ੍ਰੋਟੀਜ਼ ਮਹਿਲਾ ਟੀਮ ਨੂੰ 37.4 ਓਵਰਾਂ ਵਿੱਚ 122 ਦੌੜਾਂ ‘ਤੇ ਆਊਟ ਕਰ ਦਿੱਤਾ।

𝙒𝙃𝘼𝙏. 𝘼. 𝙒𝙄𝙉! 🙌 🙌

A dominating show from #TeamIndia to seal a 1⃣4⃣3⃣-run victory in the ODI series opener 👍 👍

Scorecard ▶️ https://t.co/EbYe44lVao #INDvSA | @IDFCFIRSTBank pic.twitter.com/6IjdeP1cvF

— BCCI Women (@BCCIWomen) June 16, 2024

ਗੇਂਦਬਾਜ਼ੀ ਨੇ ਕੀਤਾ ਕਮਾਲ

ਇਹ ਜਿੱਤ ਭਾਰਤ ਦੀ ਦੌੜਾਂ ਦੇ ਫਰਕ ਨਾਲ ਦੂਜੀ ਸਭ ਤੋਂ ਵੱਡੀ ਅਤੇ ਘਰੇਲੂ ਧਰਤੀ ‘ਤੇ ਸਭ ਤੋਂ ਵੱਡੀ ਜਿੱਤ ਵਜੋਂ ਵੀ ਉਭਰੀ। ਟਾਸ ਜਿੱਤਣ ਤੋਂ ਬਾਅਦ, ਭਾਰਤ ਨੇ ਲੈੱਗ ਸਪਿਨਰ ਆਸ਼ਾ ਸੋਭਾਨਾ ਨੂੰ ਵਨਡੇ ਡੈਬਿਊ ਦਿੱਤਾ ਜਿਸ ਨੇ ਸਿਰਫ 21 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ।

ਦੱਖਣੀ ਅਫਰੀਕਾ ਮਹਿਲਾ ਪਲੇਇੰਗ ਇਲੈਵਨ: ਲੌਰਾ ਵੋਲਵਾਰਡਟ (C), ਤਾਜ਼ਮਿਨ ਬ੍ਰਿਟਸ, ਐਨੇਕੇ ਬੋਸ਼, ਸੁਨੇ ਲੁਅਸ, ਮਾਰੀਜ਼ਾਨੇ ਕਪ, ਐਨੇਰੀ ਡੇਰਕਸਨ, ਨੋਂਦੁਮੀਸੋ ਸ਼ਾਂਗਸੇ, ਸਿਨਾਲੋ ਜਾਫਟਾ (WK), ਮਸਾਬਾਟਾ ਕਲਾਸ, ਨਨਕੁਲੁਲੇਕੋ ਮਲਾਬਾ, ਅਯਾਬੋਂਗ ਖਾਕਾ।

ਇੰਡੀਆ ਵੂਮੈਨ ਪਲੇਇੰਗ ਇਲੈਵਨ: ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਹਰਮਨਪ੍ਰੀਤ ਕੌਰ (C), ਦਿਆਲਨ ਹੇਮਲਤਾ, ਜੇਮਿਮਾ ਰੌਡਰਿਗਜ਼, ਰਿਚਾ ਘੋਸ਼ (WK), ਦੀਪਤੀ ਸ਼ਰਮਾ, ਪੂਜਾ ਵਸਤਰਕਾਰ, ਰਾਧਾ ਯਾਦਵ, ਆਸ਼ਾ ਸੋਭਨਾ, ਰੇਣੁਕਾ ਠਾਕੁਰ ਸਿੰਘ।