Hanuman Jayanti 2024: ਤੇਲੰਗਾਨਾ ਦਾ ਅਨੋਖਾ ਮੰਦਰ ਜਿੱਥੇ ਆਪਣੀ ਪਤਨੀ ਨਾਲ ਬਿਰਾਜਮਾਨ ਹਨ ਹਨੂੰਮਾਨ ਜੀ

Hanuman Jayanti 2024: ਰਾਮਾਇਣ ਦੇ ਅਨੁਸਾਰ, ਬਜਰੰਗਬਲੀ ਜਾਨਕੀ ਨੂੰ ਬਹੁਤ ਪਿਆਰੇ ਹਨ। ਬਜਰੰਗਬਲੀ ਵੀ ਇਸ ਧਰਤੀ ‘ਤੇ ਉਨ੍ਹਾਂ ਸੱਤ ਰਿਸ਼ੀਆਂ ਵਿੱਚੋਂ ਹਨ ਜਿਨ੍ਹਾਂ ਨੂੰ ਅਮਰਤਾ ਦੀ ਬਖਸ਼ਿਸ਼ ਹੋਈ ਹੈ। ਸਾਰਾ ਬ੍ਰਹਿਮੰਡ ਹਨੂੰਮਾਨ ਜੀ ਨੂੰ ਬਾਲ ਬ੍ਰਹਮਚਾਰੀ ਮੰਨਦਾ ਹੈ। ਪਰ ਇੱਕ ਅਜਿਹਾ ਮੰਦਰ ਹੈ ਜੋ ਸਾਬਤ ਕਰਦਾ ਹੈ ਕਿ ਹਨੂੰਮਾਨ ਜੀ ਦਾ ਵੀ ਵਿਆਹ ਹੋਇਆ ਸੀ। ਭਾਰਤ ਦੇ ਕੁਝ ਹਿੱਸਿਆਂ ਵਿੱਚ, ਹਨੂੰਮਾਨ ਜੀ ਨੂੰ ਵਿਆਹਿਆ ਮੰਨਿਆ ਜਾਂਦਾ ਹੈ।

ਤੇਲੰਗਾਨਾ ਵਿੱਚ ਇੱਕ ਅਜਿਹਾ ਮੰਦਰ ਹੈ ਜਿੱਥੇ ਹਨੂੰਮਾਨ ਜੀ ਦਾ ਵਿਆਹਾਂ ਹੋਇਆ ਮੰਨਿਆ ਜਾਂਦਾ ਹੈ। ਹੈਦਰਾਬਾਦ ਤੋਂ 220 ਕਿਲੋਮੀਟਰ ਦੂਰ ਖੰਮਮ ਜ਼ਿਲ੍ਹੇ ਵਿੱਚ ਹਨੂੰਮਾਨ ਜੀ ਅਤੇ ਉਨ੍ਹਾਂ ਦੀ ਪਤਨੀ ਸੁਵਰਚਲਾ ਦਾ ਮੰਦਰ ਹੈ। ਇਹ ਇੱਕ ਪ੍ਰਾਚੀਨ ਮੰਦਰ ਹੈ। ਇੱਥੇ ਹਨੂੰਮਾਨ ਜੀ ਅਤੇ ਉਨ੍ਹਾਂ ਦੀ ਪਤਨੀ ਸੁਵਰਚਲਾ ਦੀ ਮੂਰਤੀ ਮੌਜੂਦ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜੋ ਵੀ ਹਨੂੰਮਾਨ ਜੀ ਅਤੇ ਉਨ੍ਹਾਂ ਦੀ ਪਤਨੀ ਦੇ ਦਰਸ਼ਨ ਕਰਦੇ ਹਨ, ਉਨ੍ਹਾਂ ਸ਼ਰਧਾਲੂਆਂ ਦੇ ਵਿਆਹੁਤਾ ਜੀਵਨ ਦੀਆਂ ਸਾਰੀਆਂ ਮੁਸ਼ਕਲਾਂ ਦੂਰ ਹੋ ਜਾਂਦੀਆਂ ਹਨ ਅਤੇ ਪਤੀ-ਪਤਨੀ ਵਿੱਚ ਹਮੇਸ਼ਾ ਪਿਆਰ ਬਣਿਆ ਰਹਿੰਦਾ ਹੈ।

ਜਾਣੋ ਕੌਣ ਹਨ ਹਨੂੰਮਾਨ ਜੀ ਦੀ ਪਤਨੀ

ਇਸ ਇਲਾਕੇ ਵਿੱਚ ਪ੍ਰਚਲਿਤ ਮਾਨਤਾਵਾਂ ਅਨੁਸਾਰ ਹਨੂੰਮਾਨ ਜੀ ਦੀ ਪਤਨੀ ਦਾ ਨਾਮ ਸੁਵਰਚਲਾ ਹੈ ਅਤੇ ਉਹ ਸੂਰਜ ਦੇਵਤਾ ਦੀ ਪੁੱਤਰੀ ਹੈ। ਇੱਥੇ ਹਨੂੰਮਾਨ ਜੀ ਅਤੇ ਸੁਵਰਚਲਾ ਦਾ ਪ੍ਰਾਚੀਨ ਮੰਦਰ ਸਥਿਤ ਹੈ। ਇਸ ਤੋਂ ਇਲਾਵਾ ਪਰਾਸ਼ਰ ਸੰਹਿਤਾ ਵਿਚ ਹਨੂੰਮਾਨ ਜੀ ਅਤੇ ਸੁਵਰਚਲਾ ਦੇ ਵਿਆਹ ਦੀ ਕਹਾਣੀ ਵੀ ਹੈ।

ਇਹ ਵੀ ਪੜ੍ਹੋ- Hanuman Jayanti 2024: ਹਨੂੰਮਾਨ ਜਯੰਤੀ ਤੇ ਇਨ੍ਹਾਂ 5 ਮੰਤਰਾਂ ਦਾ ਕਰੋ ਜਾਪ, ਦੂਰ ਹੋਣਗੇ ਸੰਕਟ!

ਇਸ ਤਰ੍ਹਾਂ ਹੋਇਆ ਸੀ ਹਨੂੰਮਾਨ ਜੀ ਦਾ ਵਿਆਹ

ਕਥਾ ਅਨੁਸਾਰ ਹਨੂੰਮਾਨ ਜੀ ਸੂਰਜ ਦੇਵਤਾ ਤੋਂ ਗਿਆਨ ਪ੍ਰਾਪਤ ਕਰ ਰਹੇ ਸਨ। ਸੂਰਜ ਦੇਵਤਾ ਨੂੰ 9 ਗਿਆਨ ਸਨ। ਸੂਰਜ ਨੇ ਉਸ ਨੂੰ 9 ਵਿਦਿਆ ਵਿਚੋਂ 5 ਵਿਦਿਆ ਸਿਖਾਈਆਂ, ਪਰ ਬਾਕੀ ਵਿਦਿਆ ਹਾਸਲ ਕਰਨ ਲਈ ਉਹਨਾਂ ਦਾ ਵਿਆਹ ਹੋਣਾ ਜ਼ਰੂਰੀ ਸੀ। ਇਸ ਤੋਂ ਬਿਨਾਂ ਉਹ ਇਹ ਗਿਆਨ ਹਾਸਲ ਨਹੀਂ ਕਰ ਸਕਦੇ ਸੀ। ਫਿਰ ਹਨੂੰਮਾਨ ਜੀ ਦੇ ਸਾਹਮਣੇ ਇੱਕ ਸਮੱਸਿਆ ਖੜ੍ਹੀ ਹੋ ਗਈ। ਉਹ ਬਾਲ-ਬ੍ਰਹਮਚਾਰੀ ਸਨ। ਸੂਰਜ ਦੇਵ ਨੇ ਇਸ ਸਮੱਸਿਆ ਦਾ ਹੱਲ ਲੱਭ ਲਿਆ। ਆਪਣੀ ਸ਼ਕਤੀ ਨਾਲ ਉਹਨਾਂ ਇੱਕ ਲੜਕੀ ਨੂੰ ਜਨਮ ਦਿੱਤਾ। ਜਿਸਦਾ ਨਾਮ ਸੁਵਰਚਲਾ ਸੀ। ਸੂਰਜ ਦੇਵ ਨੇ ਬਜਰੰਗਬਲੀ ਨੂੰ ਸੁਵਰਚਲਾ ਨਾਲ ਵਿਆਹ ਕਰਨ ਲਈ ਕਿਹਾ। ਸੂਰਜ ਦੇਵ ਨੇ ਕਿਹਾ ਕਿ ਹਨੂੰਮਾਨ ਸੁਰਵਚਲਾ ਨਾਲ ਵਿਆਹ ਤੋਂ ਬਾਅਦ ਵੀ ਬ੍ਰਹਮਚਾਰੀ ਰਹੇਗਾ, ਕਿਉਂਕਿ ਵਿਆਹ ਤੋਂ ਬਾਅਦ ਸੁਵਰਚਲਾ ਤਪੱਸਿਆ ਵਿੱਚ ਲੀਨ ਹੋ ਜਾਵੇਗੀ। ਪਵਨ ਦੇ ਪੁੱਤਰ ਨਾਲ ਵਿਆਹ ਕਰਨ ਤੋਂ ਬਾਅਦ, ਸੁਵਰਚਲਾ ਤਪੱਸਿਆ ਵਿੱਚ ਚਲੀ ਗਈ। ਇਸ ਤਰ੍ਹਾਂ ਸ਼੍ਰੀ ਰਾਮ ਭਗਤ ਦੇ ਬ੍ਰਹਮਚਾਰੀ ਜੀਵਨ ਵਿੱਚ ਕੋਈ ਰੁਕਾਵਟ ਨਹੀਂ ਸੀ।