Chaitra Navratri: ਨੌਰਾਤੇ ਦੇ ਪਹਿਲੇ ਦਿਨ ਇਹ 51 ਮਿੰਟ ਹਨ ਬੇਹੱਦ ਖ਼ਾਸ, ਇਸੇ ਮਹੂਰਤ ਵਿੱਚ ਕਰੋ ਕਲਸ਼ ਸਥਾਪਨਾ

ਕਲਸ਼ ਸਥਾਪਨਾ ਲਈ 51 ਮਿੰਟ ਬੇਹੱਦ ਸ਼ੁਭ, ਜਾਣੋ ਸਹੀ ਸਮਾਂ ਅਤੇ ਵਿਧੀ

ਸਨਾਤਨ ਧਰਮ ਵਿੱਚ ਨੌਰਾਤੇ ਦੇ ਦਿਨ ਬਹੁਤ ਪਵਿੱਤਰ ਅਤੇ ਵਿਸ਼ੇਸ਼ ਮੰਨੇ ਜਾਂਦੇ ਹਨ। ਸਾਲ ਵਿੱਚ ਚਾਰ ਵਾਰ ਨੌਰਾਤੇ ਮਨਾਏ ਜਾਂਦੇ ਹਨ, ਜਿਸ ਵਿੱਚ ਦੋ ਗੁਪਤ ਨੌਰਾਤੇ ਹੁੰਦੇ ਹਨ, ਪਰ ਚੈਤਰ ਅਤੇ ਸ਼ਾਰਦੀਆ ਨੌਰਾਤੇ ਸਭ ਤੋਂ ਵੱਧ ਪ੍ਰਸਿੱਧ ਹਨ। ਚੈਤਰ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪ੍ਰਤਿਪਦਾ ਤਿੱਥੀ ਦੇ ਦਿਨ ਚੈਤਰ ਨੌਰਾਤੇ ਦੀ ਸ਼ੁਰੂਆਤ ਹੁੰਦੀ ਹੈ। ਪਹਿਲੇ ਦਿਨ ਕਲਸ਼ ਸਥਾਪਨਾ ਕੀਤੀ ਜਾਂਦੀ ਹੈ ਅਤੇ ਫਿਰ ਨੌਂ ਦਿਨਾਂ ਤੱਕ ਵਿਧੀ-ਵਿਧਾਨ ਨਾਲ ਮਾਤਾ ਦੇ 9 ਵੱਖ-ਵੱਖ ਰੂਪਾਂ ਦੀ ਪੂਜਾ ਅਤੇ ਵਰਤ ਰੱਖੇ ਜਾਂਦੇ ਹਨ।

ਇਸ ਸਾਲ 19 ਮਾਰਚ ਤੋਂ ਹੋਵੇਗੀ ਸ਼ੁਰੂਆਤ

ਨੌਰਾਤੇ ਦੇ ਦਿਨਾਂ ਵਿੱਚ ਪੂਜਾ-ਪਾਠ ਅਤੇ ਵਰਤ ਰੱਖਣ ਨਾਲ ਜੀਵਨ ਵਿੱਚ ਖੁਸ਼ਹਾਲੀ ਆਉਂਦੀ ਹੈ ਅਤੇ ਮਾਤਾ ਰਾਣੀ ਦੀ ਕਿਰਪਾ ਨਾਲ ਸਾਰੇ ਦੁੱਖ ਦੂਰ ਹੋ ਜਾਂਦੇ ਹਨ। ਇਸ ਸਾਲ ਚੈਤਰ ਨੌਰਾਤੇ ਦੀ ਸ਼ੁਰੂਆਤ 19 ਮਾਰਚ ਤੋਂ ਹੋ ਰਹੀ ਹੈ, ਜਿਸ ਦਾ ਸਮਾਪਨ 27 ਮਾਰਚ ਨੂੰ ਹੋਵੇਗਾ। ਨੌਰਾਤੇ ਵਿੱਚ ਕਲਸ਼ ਸਥਾਪਨਾ ਦਾ ਵਿਸ਼ੇਸ਼ ਮਹੱਤਵ ਹੈ। ਧਾਰਮਿਕ ਮਾਨਤਾ ਹੈ ਕਿ ਸ਼ੁਭ ਮਹੂਰਤ ਵਿੱਚ ਕੀਤੀ ਗਈ ਕਲਸ਼ ਸਥਾਪਨਾ ਨਾਲ ਪੂਰੇ ਨੌਂ ਦਿਨਾਂ ਤੱਕ ਦੇਵੀ ਦੀ ਵਿਸ਼ੇਸ਼ ਕਿਰਪਾ ਬਣੀ ਰਹਿੰਦੀ ਹੈ।

ਕਲਸ਼ ਸਥਾਪਨਾ ਦਾ ਸਭ ਤੋਂ ਸ਼ੁਭ ਮਹੂਰਤ

ਵੈਦਿਕ ਪੰਚਾਂਗ ਅਨੁਸਾਰ, ਇਸ ਸਾਲ ਨੌਰਾਤੇ ਦੇ ਪਹਿਲੇ ਦਿਨ ਕਲਸ਼ ਸਥਾਪਨਾ ਦਾ ਮੁੱਖ ਸ਼ੁਭ ਮਹੂਰਤ ਸਵੇਰੇ 06 ਵੱਜ ਕੇ 52 ਮਿੰਟ ‘ਤੇ ਸ਼ੁਰੂ ਹੋਵੇਗਾ। ਕਲਸ਼ ਸਥਾਪਨਾ ਦਾ ਇਹ ਮਹੂਰਤ 07 ਵੱਜ ਕੇ 43 ਮਿੰਟ ਤੱਕ ਰਹੇਗਾ। ਪੰਡਿਤਾਂ ਅਤੇ ਜੋਤਸ਼ੀਆਂ ਅਨੁਸਾਰ ਇਹ 51 ਮਿੰਟ ਦਾ ਸਮਾਂ ਸਭ ਤੋਂ ਉੱਤਮ ਹੈ। ਜੇਕਰ ਕਿਸੇ ਕਾਰਨ ਸਵੇਰੇ ਕਲਸ਼ ਸਥਾਪਨਾ ਨਾ ਹੋ ਸਕੇ, ਤਾਂ ਦੁਪਹਿਰ ਨੂੰ ਅਭਿਜੀਤ ਮਹੂਰਤ ਵਿੱਚ 12 ਵੱਜ ਕੇ 05 ਮਿੰਟ ਤੋਂ 12 ਵੱਜ ਕੇ 53 ਮਿੰਟ ਤੱਕ ਵੀ ਕਲਸ਼ ਸਥਾਪਨਾ ਕੀਤੀ ਜਾ ਸਕਦੀ ਹੈ।

ਕਿਉਂ ਕੀਤੀ ਜਾਂਦੀ ਹੈ ਕਲਸ਼ ਸਥਾਪਨਾ?

ਨੌਰਾਤੇ ਦੇ ਪਹਿਲੇ ਦਿਨ ਘਟ ਸਥਾਪਨਾ ਕਰਕੇ ਮਾਤਾ ਦੁਰਗਾ ਦਾ ਆਵਾਹਨ ਕੀਤਾ ਜਾਂਦਾ ਹੈ। ਪੂਜਾ ਦੌਰਾਨ ਮਿੱਟੀ ਦੇ ਭਾਂਡੇ ਵਿੱਚ ਜੌਂ ਬੀਜੇ ਜਾਂਦੇ ਹਨ ਅਤੇ ਉਸ ਉੱਤੇ ਜਲ ਨਾਲ ਭਰੇ ਕਲਸ਼ ਦੀ ਸਥਾਪਨਾ ਕੀਤੀ ਜਾਂਦੀ ਹੈ। ਕਲਸ਼ ਵਿੱਚ ਅੰਬ ਦੇ ਪੱਤੇ ਅਤੇ ਨਾਰੀਅਲ ਰੱਖਿਆ ਜਾਂਦਾ ਹੈ। ਇਹ ਕਲਸ਼ ਦੇਵੀ ਦੁਰਗਾ ਦੀ ਸ਼ਕਤੀ ਦੀ ਪ੍ਰਤੀਨਿਧਤਾ ਕਰਦਾ ਹੈ। ਕਲਸ਼ ਸਥਾਪਨਾ ਦੇ ਨਾਲ ਅਖੰਡ ਜੋਤ ਜਗਾ ਕੇ ਨੌਂ ਦਿਨਾਂ ਤੱਕ ਮਾਤਾ ਦੀ ਅਰਾਧਨਾ ਕੀਤੀ ਜਾਂਦੀ ਹੈ।