ਕਸਰਤ ਅਤੇ ਡਾਈਟ ਫਾਲੋ ਕਰਨ ਤੋਂ ਬਾਅਦ ਵੀ ਨਹੀਂ ਘੱਟ ਰਿਹਾ ਭਾਰ, ਇਹ ਗਲਤੀਆਂ ਹਨ ਵਜ੍ਹਾ

ਕਿਉਂ ਨਹੀਂ ਘੱਟ ਰਿਹਾ ਭਾਰ, ਜਾਣੋ...

ਅੱਜ ਦੇ ਸਮੇਂ ਵਿੱਚ, ਤੰਦਰੁਸਤ ਅਤੇ ਸਿਹਤਮੰਦ ਰਹਿਣਾ ਹਰ ਕਿਸੇ ਦੀ ਤਰਜੀਹ ਹੈ। ਭਾਰ ਘਟਾਉਣ ਲਈ, ਲੋਕ ਕਸਰਤ ਅਤੇ ਸਿਹਤਮੰਦ ਖੁਰਾਕ ਦਾ ਸਹਾਰਾ ਲੈਂਦੇ ਹਨ। ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਸਖ਼ਤ ਮਿਹਨਤ ਅਤੇ ਡਾਈਟ ਪਲਾਟ ਫਾਲੋ ਕਰਨ ਦੇ ਬਾਵਜੂਦ, ਭਾਰ ਵਿੱਚ ਕੋਈ ਖਾਸ ਬਦਲਾਅ ਨਹੀਂ ਆਉਂਦਾ। ਇਹ ਸਥਿਤੀ ਨਾ ਸਿਰਫ਼ ਨਿਰਾਸ਼ਾਜਨਕ ਹੁੰਦੀ ਹੈ ਸਗੋਂ ਕਈ ਵਾਰ ਸਾਡੇ ਆਤਮਵਿਸ਼ਵਾਸ ਨੂੰ ਵੀ ਕਮਜ਼ੋਰ ਕਰ ਦਿੰਦੀ ਹੈ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹੋ, ਤਾਂ ਇਹ ਸੰਭਵ ਹੈ ਕਿ ਤੁਸੀਂ ਆਪਣੀ ਡੇਲੀ ਲਾਈਫ ਵਿੱਚ ਕੁਝ ਗਲਤੀਆਂ ਕਰ ਰਹੇ ਹੋ, ਜਿਨ੍ਹਾਂ ਬਾਰੇ ਤੁਹਾਨੂੰ ਅੰਦਾਜ਼ਾ ਵੀ ਨਹੀਂ ਹੈ।

ਭਾਰ ਘਟਾਉਣ ਦੀ ਪ੍ਰਕਿਰਿਆ ਸਿਰਫ਼ ਕਸਰਤ ਅਤੇ ਡਾਈਟ ‘ਤੇ ਨਿਰਭਰ ਨਹੀਂ ਕਰਦੀ, ਸਗੋਂ ਇਸ ਵਿੱਚ ਸਹੀ ਆਦਤਾਂ ਜਿਵੇਂ 8 ਘੰਟੇ ਦੀ ਨੀਂਦ ਅਤੇ ਮਾਨਸਿਕ ਸ਼ਾਂਤੀ ਵਰਗੇ ਕਈ ਹੋਰ ਕਾਰਕ ਵੀ ਸ਼ਾਮਲ ਹੁੰਦੇ ਹਨ। ਅੱਜ ਇਸ ਲੇਖ ਵਿੱਚ ਅਸੀਂ ਤੁਹਾਨੂੰ ਉਨ੍ਹਾਂ ਆਮ ਗਲਤੀਆਂ ਬਾਰੇ ਦੱਸਾਂਗੇ ਜੋ ਭਾਰ ਘਟਾਉਣ ਦੀ ਪ੍ਰਕਿਰਿਆ ਨੂੰ ਹੌਲੀ ਕਰ ਰਹੀਆਂ ਹਨ ਅਤੇ ਤੁਸੀਂ ਉਨ੍ਹਾਂ ਨੂੰ ਕਿਵੇਂ ਠੀਕ ਕਰ ਸਕਦੇ ਹੋ।

ਭਾਰ ਘਟਾਉਣ ਦੀ ਪ੍ਰਕਿਰਿਆ ਵਿੱਚ ਕੀਤੀਆਂ ਗਈਆਂ ਆਮ ਗਲਤੀਆਂ

1. ਕੈਲੋਰੀ ਦੀ ਸਹੀ ਗਿਣਤੀ ਨਾ ਕਰਨਾ

ਭਾਰ ਘਟਾਉਣ ਲਈ ਇਹ ਜ਼ਰੂਰੀ ਹੈ ਕਿ ਤੁਸੀਂ ਜਿਨ੍ਹੀ ਕੈਲੋਰੀ ਕੰਨਜ਼ਿਊਮ ਕਰ ਰਹੇ ਹੋ, ਉਸਤੋਂ ਜਿਆਦਾ ਬਰਨ ਕਰੋ। ਪਰ ਕਈ ਵਾਰ ਲੋਕ ਕੈਲੋਰੀ ਕਾਉਂਟ ਵਿੱਚ ਗਲਤੀਆਂ ਕਰ ਦਿੰਦੇ ਹਨ ਜਾਂ ਹੈਲਦੀ ਫੂਡਸ ਦਾ ਜ਼ਿਆਦਾ ਸੇਵਨ ਕਰਦੇ ਹਨ, ਜਿਸ ਨਾਲ ਭਾਰ ਘਟਾਉਣ ਵਿੱਚ ਮਦਦ ਨਹੀਂ ਮਿਲਦੀ। ਇਸ ਲਈ, ਆਪਣੇ ਖਾਣ-ਪੀਣ ਦੀ ਸਹੀ ਮਾਤਰਾ ਵੱਲ ਧਿਆਨ ਦਿਓ। ਕੈਲੋਰੀ ਦੀ ਗਿਣਤੀ ਲਈ ਐਪਸ ਜਾਂ ਡਾਇਰੀ ਦੀ ਵਰਤੋਂ ਕਰੋ, ਤਾਂ ਜੋ ਤੁਸੀਂ ਸਹੀ ਮਾਤਰਾ ਵਿੱਚ ਕੈਲੋਰੀ ਦੀ ਵਰਤੋਂ ਕਰ ਸਕੋ।

2. ਪ੍ਰੋਟੀਨ ਦੀ ਕਮੀ

ਭਾਰ ਘਟਾਉਣ ਵਿੱਚ ਪ੍ਰੋਟੀਨ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਇਹ ਨਾ ਸਿਰਫ਼ ਮਾਸਪੇਸ਼ੀਆਂ ਨੂੰ ਮਜ਼ਬੂਤ ​​ਕਰਦਾ ਹੈ ਬਲਕਿ ਲੰਬੇ ਸਮੇਂ ਤੱਕ ਭੁੱਖ ਲੱਗਣ ਤੋਂ ਵੀ ਰੋਕਦਾ ਹੈ, ਜਿਸ ਨਾਲ ਭਾਰ ਘਟਾਉਣ ਵਿੱਚ ਮਦਦ ਮਿਲਦੀ ਹੈ। ਪਰ ਪ੍ਰੋਟੀਨ ਦੀ ਕਮੀ ਤੁਹਾਡੇ ਭਾਰ ਘਟਾਉਣ ਵਿੱਚ ਵਿਘਨ ਪਾ ਸਕਦੀ ਹੈ। ਜੇ ਸੰਭਵ ਹੋਵੇ, ਤਾਂ ਆਪਣੀ ਖੁਰਾਕ ਵਿੱਚ ਪ੍ਰੋਟੀਨ ਨਾਲ ਭਰਪੂਰ ਭੋਜਨ ਜਿਵੇਂ ਕਿ ਅੰਡੇ, ਦਾਲ, ਮੇਵੇ ਅਤੇ ਦਹੀਂ ਸ਼ਾਮਲ ਕਰੋ। ਇਸ ਦੇ ਨਾਲ, ਦਿਨ ਦੀ ਸ਼ੁਰੂਆਤ ਪ੍ਰੋਟੀਨ ਨਾਲ ਭਰਪੂਰ ਨਾਸ਼ਤੇ ਨਾਲ ਕਰੋ।

3. ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਸੌਣਾ

ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਸੌਣ ਦੀ ਆਦਤ ਭਾਰ ਵਧਣ ਦਾ ਕਾਰਨ ਬਣ ਸਕਦੀ ਹੈ। ਬਹੁਤ ਸਾਰੇ ਲੋਕ ਦੁਪਹਿਰ ਦਾ ਖਾਣਾ ਖਾਣ ਤੋਂ ਬਾਅਦ ਸੌਂ ਜਾਂਦੇ ਹਨ। ਖਾਣਾ ਖਾਣ ਤੋਂ ਬਾਅਦ, ਸਾਡਾ ਸਰੀਰ ਭੋਜਨ ਨੂੰ ਪਚਾਉਣ ਅਤੇ ਇਸਨੂੰ ਊਰਜਾ ਵਿੱਚ ਬਦਲਣ ਦੀ ਪ੍ਰਕਿਰਿਆ ਸ਼ੁਰੂ ਕਰਦਾ ਹੈ। ਜੇਕਰ ਤੁਸੀਂ ਇਸ ਸਮੇਂ ਦੌਰਾਨ ਤੁਰੰਤ ਸੌਂ ਜਾਂਦੇ ਹੋ, ਤਾਂ ਇਹ ਪ੍ਰਕਿਰਿਆ ਹੌਲੀ ਹੋ ਜਾਂਦੀ ਹੈ ਅਤੇ ਸਰੀਰ ਵਿੱਚ ਚਰਬੀ ਦੇ ਰੂਪ ਵਿੱਚ ਵਧੇਰੇ ਕੈਲੋਰੀ ਜਮ੍ਹਾਂ ਹੋਣ ਲੱਗਦੀ ਹੈ।

4. ਘੱਟ ਪਾਣੀ ਪੀਣਾ

ਪਾਣੀ ਦੀ ਕਮੀ ਭਾਰ ਘਟਾਉਣ ਦੀ ਪ੍ਰਕਿਰਿਆ ਨੂੰ ਹੌਲੀ ਕਰ ਸਕਦੀ ਹੈ। ਪਾਣੀ ਦੀ ਕਮੀ ਕਾਰਨ ਸਰੀਰ ਦਾ ਮੈਟਾਬੋਲਿਜ਼ਮ ਸਹੀ ਢੰਗ ਨਾਲ ਕੰਮ ਨਹੀਂ ਕਰਦਾ ਅਤੇ ਭੁੱਖ ਦਾ ਅਹਿਸਾਸ ਵੀ ਵਧ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ, ਦਿਨ ਭਰ ਵਿੱਚ ਘੱਟੋ-ਘੱਟ 8-10 ਗਲਾਸ ਪਾਣੀ ਪੀਓ। ਖਾਣਾ ਖਾਣ ਤੋਂ ਪਹਿਲਾਂ ਇੱਕ ਗਲਾਸ ਪਾਣੀ ਪੀਣ ਦੀ ਆਦਤ ਪਾਓ।

5. ਕਸਰਤਾਂ ਵਿੱਚ ਵੈਰਾਇਟੀ ਦੀ ਘਾਟ

ਹਰ ਰੋਜ਼ ਇੱਕੋ ਜਿਹੀ ਕਸਰਤ ਕਰਨ ਨਾਲ ਸਰੀਰ ਇਸਦੀ ਆਦਤ ਪਾ ਲੈਂਦਾ ਹੈ, ਜਿਸ ਨਾਲ ਕੈਲੋਰੀ ਬਰਨ ਕਰਨ ਦੀ ਸਮਰੱਥਾ ਘੱਟ ਜਾਂਦੀ ਹੈ। ਆਪਣੀ ਕਸਰਤ ਰੁਟੀਨ ਵਿੱਚ ਵੈਰਾਇਟੀ ਲਿਆਓ। ਕਾਰਡੀਓ, ਵੇਟ ਟ੍ਰੇਨਿੰਗ, ਅਤੇ ਯੋਗਾ ਨੂੰ ਮਿਲਾ ਕੇ ਕਸਰਤ ਕਰੋ।

6. ਚੀਟ ਮੀਲ ਦੀ ਬਹੁਤ ਜ਼ਿਆਦਾ ਵਰਤੋਂ

ਡਾਈਟ ਦੌਰਾਨ ਚੀਟ ਮੀਲ ਲੈਣਾ ਠੀਕ ਹੈ, ਪਰ ਇਸਨੂੰ ਬਹੁਤ ਜ਼ਿਆਦਾ ਕਰਨ ਨਾਲ ਭਾਰ ਘਟਾਉਣ ਵਿੱਚ ਰੁਕਾਵਟ ਆ ਸਕਦੀ ਹੈ। ਇਸ ਲਈ, ਹਫ਼ਤੇ ਵਿੱਚ ਸਿਰਫ਼ ਇੱਕ ਵਾਰ ਚੀਟ ਮੀਲ ਦਾ ਪਲਾਨ ਬਣਾਓ। ਹੈਲਦੀ ਆਪਸ਼ਨ ਨੂੰ ਵੀ ਤਰਜੀਹ ਦਿਓ।