Live Updates: ਚੋਣਾਂ ਦੀ ਨਿਰਪੱਖਤਾ ਤੇ ਪਾਰਦਰਸ਼ਤਾ ‘ਤੇ ਸਵਾਲ: ਮੁੱਖ ਮੰਤਰੀ ਮਮਤਾ

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਹਾ ਕਿ ਇਹ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ ਕਿ ਵੋਟਰ ਸੂਚੀਆਂ ਤੋਂ ਅਸਲੀ ਵੋਟਰਾਂ ਦੇ ਨਾਮ ਹਟਾ ਦਿੱਤੇ ਗਏ ਹਨ। ਇਹ ਚੋਣ ਪ੍ਰਕਿਰਿਆ ਦੀ ਨਿਰਪੱਖਤਾ ਤੇ ਪਾਰਦਰਸ਼ਤਾ ‘ਤੇ ਸਵਾਲ ਉਠਾਉਂਦਾ ਹੈ। ਇਸ ਤੋਂ ਇਲਾਵਾ, ਪਛਾਣ ਤੇ ਨਾਗਰਿਕਤਾ ਬਾਰੇ ਵੀ ਸਵਾਲ ਉਠਾਏ ਜਾ ਰਹੇ ਹਨ – ਖਾਸ ਕਰਕੇ, ਕਿਸ ਨੂੰ ਇੱਕ ਅਸਲੀ ਭਾਰਤੀ ਵੋਟਰ ਵਜੋਂ ਮਾਨਤਾ ਦਿੱਤੀ ਜਾ ਰਹੀ ਹੈ, ਤੇ ਕਿਸ ਆਧਾਰ ‘ਤੇ? ਭਾਜਪਾ ਨੂੰ ਇਸ ਮਾਮਲੇ ਬਾਰੇ ਜਵਾਬ ਦੇਣ ਲਈ ਕਿਹਾ ਗਿਆ ਹੈ।

ਹੋਸ਼ਿਆਰਪੁਰ ਦੇ ਗੜ੍ਹਦੀਵਾਲਾ ‘ਚ ਪੁਲਿਸ ਵੱਲੋਂ ਗਸ਼ਤ ਤੇ ਚੇਕਿੰਗ ਦੌਰਾਨ 7 ਨੌਜਵਾਨਾਂ ਨੂੰ ਹਥਿਆਰਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਜਾਣਕਾਰੀ ਮੁਤਾਬਕ ਇਹ ਨੌਜਵਾਨ ਗੜ੍ਹਦੀਵਾਲਾ ਵਿਖੇ ਇਕ ਦੁਕਾਨ ‘ਤੇ ਡਾਕੇ ਦੀ ਯੋਜਨਾ ਬਣਾ ਰਹੇ ਸਨ। 7 ਵਿਅਕਤੀਆ ਨੂੰ ਅਸਲਾ ਅਤੇ ਹਥਿਆਰਾ ਸਮੇਤ ਗਿਰਫ਼ਤਾਰ ਕੀਤਾ ਗਿਆ ਹੈਂ। ਇਨ੍ਹਾਂ ਕੋਲੋਂ ਇੱਕ 32 ਬੋਰ ਦਾ ਪਿਸਟਲ, ਲੋਹੇ ਦਾ ਖੰਡਾ, ਗੰਡਾਸੀ, ਕਿਰਪਾਨਾਂਅਤੇ ਕਿਰਚਾਂ ਆਦਿ ਹਥਿਆਰਾ ਬਰਾਮਦ ਕੀਤੇ ਗਏ ਹਨ।

ਗੈਸ ਸਪਲਾਈ ‘ਚ ਆ ਰਹੀਆਂ ਮੁਸ਼ਕਲਾਂ ਦੇ ਮੱਦੇਨਜ਼ਰ, ਰੀਫਿਲ ਬੁੱਕ ਕਰਨ ਲਈ ਉਡੀਕ ਸਮਾਂ 25 ਦਿਨਾਂ ਤੋਂ ਵਧਾ ਕੇ 35 ਦਿਨ ਕਰ ਦਿੱਤਾ ਗਿਆ ਹੈ। ਨਤੀਜੇ ਵਜੋਂ, ਜਿਨ੍ਹਾਂ ਗਾਹਕਾਂ ਕੋਲ ਦੋ ਸਿਲੰਡਰ ਹਨ, ਉਨ੍ਹਾਂ ਨੂੰ ਹੁਣ ਰੀਫਿਲ ਬੁੱਕ ਕਰਨ ਤੋਂ ਪਹਿਲਾਂ ਆਪਣੀ ਪਿਛਲੀ ਡਿਲੀਵਰੀ ਤੋਂ 35 ਦਿਨ ਬਾਅਦ ਉਡੀਕ ਕਰਨੀ ਪਵੇਗੀ। ਪਹਿਲਾਂ, ਇਹ ਅੰਤਰਾਲ 25 ਦਿਨ ਸੀ।

ਅੱਜ ਪੰਜਾਬ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦਾ ਵਫ਼ਦ ਪੰਜਾਬ ਦੇ ਗਵਰਨਰ ਗੁਲਾਬ ਚੰਦ ਕਟਾਰੀਆ ਨਾਲ ਮੁਲਾਕਾਤ ਕਰੇਗਾ। ਭਾਜਪਾ ਦਾ ਵਫ਼ਦ ਗਵਰਨਰ ਨੂੰ ਡੀਐਮ ਗਗਨਦੀਪ ਸਿੰਘ ਸੁਸਾਇਡ ਕੇਸ ‘ਚ ਸੀਬੀਆਈ ਜਾਂਚ ਕਰਵਾਉਣ ਦੀ ਮੰਗ ਕਰੇਗਾ।