Ramayan Unknown Facts: ਰਾਮਾਇਣ ਦੇ ਸ਼ੂਟਿੰਗ ਵੇਲੇ ਸਾਰਾ ਦਿਨ ਭੁੱਖਾ ਰਹਿੰਦਾ ਸੀ ਇਹ ਅਦਾਕਾਰ, ਅਰੁਣ ਗੋਵਿਲ ਨੂੰ ਉਮਰ ਭਰ ਮੰਨਿਆ ਪ੍ਰਭੂ

ਭਾਰਤੀ ਮਨੋਰੰਜਨ ਜਗਤ ਵਿੱਚ ਕਈ ਅਜਿਹੇ ਸ਼ੋਅ ਅਤੇ ਫ਼ਿਲਮਾਂ ਬਣਦੀਆਂ ਹਨ, ਜੋ ਦਹਾਕਿਆਂ ਤੱਕ ਲੋਕਾਂ ਦੇ ਦਿਲਾਂ ‘ਤੇ ਆਪਣੀ ਖ਼ਾਸ ਛਾਪ ਛੱਡਦੀਆਂ ਹਨ। ਅਜਿਹਾ ਹੀ ਇੱਕ ਇਤਿਹਾਸਕ ਸ਼ੋਅ ਰਾਮਾਨੰਦ ਸਾਗਰ ਦੀ ‘ਰਾਮਾਇਣ’ ਹੈ। ਇਹ ਸ਼ੋਅ ਸਾਲ 1987 ਵਿੱਚ ਪਹਿਲੀ ਵਾਰ ਟੈਲੀਕਾਸਟ ਹੋਇਆ ਸੀ, ਪਰ ਅੱਜ ਵੀ ਇਸ ਨੂੰ ਲੈ ਕੇ ਲੋਕਾਂ ਵਿੱਚ ਭਾਰੀ ਕ੍ਰੇਜ਼ ਦੇਖਣ ਨੂੰ ਮਿਲਦਾ ਹੈ।

ਇਸ ਲੜੀਵਾਰ ਦੇ ਹਰ ਕਿਰਦਾਰ ਨੂੰ ਦਰਸ਼ਕਾਂ ਨੇ ਬਹੁਤ ਪਿਆਰ ਦਿੱਤਾ। ਪੁਰਾਣੇ ਸਮੇਂ ਵਿੱਚ ਤਕਨੀਕਾਂ ਦੀ ਘਾਟ ਕਾਰਨ ਕਈ ਦ੍ਰਿਸ਼ ਫ਼ਿਲਮਾਉਣ ਵਿੱਚ ਮੁਸ਼ਕਲਾਂ ਆਉਂਦੀਆਂ ਸਨ, ਪਰ ਕਲਾਕਾਰਾਂ ਦੇ ਸਮਰਪਣ ਨੇ ਇਸ ਨੂੰ ਅਮਰ ਕਰ ਦਿੱਤਾ। ਇਸ ਦੌਰਾਨ ਇੱਕ ਦਿਲਚਸਪ ਗੱਲ ਸਾਹਮਣੇ ਆਈ ਹੈ ਕਿ ਸ਼ੋਅ ਦਾ ਇੱਕ ਅਹਿਮ ਅਦਾਕਾਰ ਸ਼ੂਟਿੰਗ ਦੌਰਾਨ ਵਰਤ ਰੱਖਿਆ ਕਰਦਾ ਸੀ।

ਰਾਮਾਨੰਦ ਸਾਗਰ ਦੀ ‘ਰਾਮਾਇਣ’ ਨਾਲ ਜੁੜੇ ਕਿੱਸੇ ਜਦੋਂ ਵੀ ਸਾਹਮਣੇ ਆਉਂਦੇ ਹਨ, ਤਾਂ ਇਹ ਸੀਰੀਅਲ ਹੋਰ ਵੀ ਦਿਲਚਸਪ ਲੱਗਣ ਲੱਗਦਾ ਹੈ। ਇਸ ਧਾਰਾਵਾਹਿਕ ਦੇ ਸਾਰੇ ਕਿਰਦਾਰਾਂ ਨੂੰ ਲੋਕਾਂ ਨੇ ਭਗਵਾਨ ਦਾ ਦਰਜਾ ਦਿੱਤਾ ਹੋਇਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਕਲਾਕਾਰਾਂ ਨੇ ਵੀ ਸ਼ੋਅ ਦੀ ਮਰਿਆਦਾ ਅਤੇ ਸਤਿਕਾਰ ਨੂੰ ਬਰਕਰਾਰ ਰੱਖਿਆ। ਸੀਰੀਅਲ ਵਿੱਚ ‘ਰਾਵਣ’ ਦਾ ਦਮਦਾਰ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਅਰਵਿੰਦ ਤ੍ਰਿਵੇਦੀ ਨੇ ਇੱਕ ਪੁਰਾਣੇ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਉਹ ਅਸਲ ਜ਼ਿੰਦਗੀ ਵਿੱਚ ਭਗਵਾਨ ਰਾਮ ਅਤੇ ਸ਼ਿਵ ਦੇ ਪਰਮ ਭਗਤ ਹਨ, ਜਿਸ ਕਾਰਨ ਉਹ ਸ਼ੂਟਿੰਗ ਦੇ ਸਮੇਂ ਵਰਤ ਰੱਖਦੇ ਸਨ।

ਸ਼ੂਟਿੰਗ ਦੇ ਸਮੇਂ ਕਿਉਂ ਰੱਖਦੇ ਸਨ ਵਰਤ?

ਅਦਾਕਾਰ ਅਰਵਿੰਦ ਤ੍ਰਿਵੇਦੀ ਨੇ ਗੱਲਬਾਤ ਦੌਰਾਨ ਦੱਸਿਆ ਸੀ ਕਿ ਸ਼ੋਅ ਵਿੱਚ ਰਾਵਣ ਦਾ ਕਿਰਦਾਰ ਨਿਭਾਉਣ ਕਾਰਨ ਉਨ੍ਹਾਂ ਨੂੰ ਭਗਵਾਨ ਰਾਮ ਬਾਰੇ ਕਈ ਵਾਰ ਅਪਸ਼ਬਦ ਜਾਂ ਉਲਟੀਆਂ ਗੱਲਾਂ ਕਹਿਣੀਆਂ ਪੈਂਦੀਆਂ ਸਨ। ਇਸੇ ਪਛਤਾਵੇ ਕਾਰਨ ਉਹ ਪੂਰਾ ਦਿਨ ਵਰਤ ਰੱਖਦੇ ਸਨ ਅਤੇ ਸ਼ੂਟਿੰਗ ਖ਼ਤਮ ਹੋਣ ਤੋਂ ਬਾਅਦ ਪਹਿਲਾਂ ਭਗਵਾਨ ਦੀ ਪੂਜਾ ਕਰਦੇ ਸਨ ਅਤੇ ਫਿਰ ਹੀ ਕੁਝ ਖਾਂਦੇ ਸਨ।

ਅਦਾਕਾਰ ਨੇ ਕਿਹਾ ਸੀ, “ਮੈਂ ਅਸਲ ਜ਼ਿੰਦਗੀ ਵਿੱਚ ਵੀ ਰਾਮ ਭਗਤ ਅਤੇ ਸ਼ਿਵ ਭਗਤ ਹਾਂ, ਇਸ ਲਈ ਜਦੋਂ ਵੀ ਸ਼ੂਟਿੰਗ ‘ਤੇ ਜਾਂਦਾ ਸੀ ਤਾਂ ਪੂਰਾ ਦਿਨ ਉਪਵਾਸ ਰੱਖਦਾ ਸੀ। ਮੈਨੂੰ ਇਸ ਗੱਲ ਦਾ ਬਹੁਤ ਦੁੱਖ ਹੁੰਦਾ ਸੀ ਕਿ ਸਕ੍ਰਿਪਟ ਦੇ ਹਿਸਾਬ ਨਾਲ ਮੈਨੂੰ ਸ਼੍ਰੀਰਾਮ ਨੂੰ ਬੁਰੇ ਸ਼ਬਦ ਬੋਲਣੇ ਪੈਂਦੇ ਸਨ।”

ਅੱਜ ਵੀ ਕਹਿੰਦੇ ਹਨ ਪ੍ਰਭੂ

ਇਸ ਸ਼ੋਅ ਤੋਂ ਅਰਵਿੰਦ ਤ੍ਰਿਵੇਦੀ ਨੂੰ ਬਹੁਤ ਜ਼ਿਆਦਾ ਪ੍ਰਸਿੱਧੀ ਮਿਲੀ। ਅਦਾਕਾਰ ਨੇ ਇਹ ਵੀ ਖੁਲਾਸਾ ਕੀਤਾ ਸੀ ਕਿ ਉਹ ਅੱਜ ਵੀ ਅਰੁਣ ਗੋਵਿਲ (ਜਿਨ੍ਹਾਂ ਨੇ ਰਾਮ ਦਾ ਕਿਰਦਾਰ ਨਿਭਾਇਆ) ਨੂੰ ‘ਪ੍ਰਭੂ’ ਕਹਿ ਕੇ ਹੀ ਬੁਲਾਉਂਦੇ ਹਨ। ਆਪਣੇ ਕਿਰਦਾਰ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਸੀ ਕਿ ਉਨ੍ਹਾਂ ਨੂੰ ਕਦੇ ਨਹੀਂ ਲੱਗਿਆ ਸੀ ਕਿ ਲੋਕਾਂ ਵਿੱਚ ਇਹ ਕਿਰਦਾਰ ਇੰਨਾ ਮਸ਼ਹੂਰ ਹੋ ਜਾਵੇਗਾ ਕਿ ਦੇਸ਼ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿੱਚ ਵੀ ਲੋਕ ਉਨ੍ਹਾਂ ਨੂੰ ਪਛਾਣਨ ਲੱਗ ਜਾਣਗੇ। ਦਿਲਚਸਪ ਗੱਲ ਇਹ ਹੈ ਕਿ ਅਰਵਿੰਦ ਤ੍ਰਿਵੇਦੀ ਅਸਲ ਵਿੱਚ ‘ਕੇਵਟ’ ਦਾ ਰੋਲ ਨਿਭਾਉਣ ਲਈ ਆਡੀਸ਼ਨ ਦੇਣ ਆਏ ਸਨ, ਪਰ ਉਨ੍ਹਾਂ ਦੀ ਸ਼ਖਸੀਅਤ ਨੂੰ ਦੇਖ ਕੇ ਰਾਮਾਨੰਦ ਸਾਗਰ ਨੇ ਤੁਰੰਤ ਕਿਹਾ ਕਿ, “ਮੈਨੂੰ ਮੇਰਾ ਰਾਵਣ ਮਿਲ ਗਿਆ ਹੈ।”