ਨਾਮ-ਓ-ਨਿਸ਼ਾਨ ਮਿਟਾ ਦੇਵਾਂਗੇ! ਭਾਰਤ ਵਿੱਚ ਪਾਕਿਸਤਾਨੀ ਸਿਤਾਰਿਆਂ ਦਾ ਨਹੀਂ ਦਿਖੇਗਾ ਚਿਹਰਾ, ਚੁੱਕਿਆ ਗਿਆ ਇਹ ਵੱਡਾ ਕਦਮ
13 May 2025 13:48 PM
Pakistani Stars Out From Bollywood:: ਭਾਰਤ ਦੇ ਆਪ੍ਰੇਸ਼ਨ ਸਿੰਦੂਰ ਖਿਲਾਫ ਪਾਕਿਸਤਾਨੀ ਸਿਤਾਰਿਆਂ ਦੇ ਬਿਆਨ ਹੁਣ ਉਨ੍ਹਾਂ ਲਈ ਮਹਿੰਗੇ ਸਾਬਤ ਹੋ ਰਹੇ ਹਨ। ਭਾਰਤੀ ਫਿਲਮਾਂ ਵਿੱਚ ਕੰਮ ਕਰ ਚੁੱਕੇ ਫਵਾਦ ਖਾਨ, ਮਾਹਿਰਾ ਖਾਨ ਅਤੇ ਮਾਵਰਾ ਹੁਸੈਨ ਦੇ ਚਿਹਰੇ ਹੁਣ ਫਿਲਮੀ ਗੀਤਾਂ ਦੇ ਪੋਸਟਰਾਂ ਤੋਂ ਹਟਾ ਦਿੱਤੇ ਗਏ ਹਨ। ਇਨ੍ਹਾਂ ਪਾਕਿਸਤਾਨੀ ਸਿਤਾਰਿਆਂ ਦੇ ਗੀਤਾਂ ਅਤੇ ਫਿਲਮਾਂ 'ਤੇ ਹੋਰ ਵੀ ਵੱਡੇ ਕਦਮ ਚੁੱਕੇ ਜਾ ਸਕਦੇ ਹਨ।
ਭਾਰਤ 'ਚ PAK ਸਿਤਾਰਿਆਂ ਦ ਨਹੀਂ ਦਿਖੇਗਾ ਚਿਹਰਾ
ਪਾਕਿਸਤਾਨੀ ਸਟਾਰ ਮਾਹਿਰਾ ਖਾਨ ਅਤੇ ਫਵਾਦ ਖਾਨ ਨੂੰ ਹਾਲ ਹੀ ਵਿੱਚ ਭਾਰਤ ਖਿਲਾਫ਼ ਕਾਫੀ ਜੁਬਾਨ ਚਲਾਉਂਦਿਆਂ ਦੇਖਿਆ ਗਿਆ ਹੈ। ਭਾਰਤੀ ਸਿਤਾਰਿਆਂ ਨੇ ਮਾਹਿਰਾ ਅਤੇ ਫਵਾਦ ਨੂੰ ਢੁਕਵਾਂ ਜਵਾਬ ਦਿੱਤਾ ਸੀ, ਪਰ ਹੁਣ ਉਨ੍ਹਾਂ ਵਿਰੁੱਧ ਜੋ ਐਕਸ਼ਨ ਲਿਆ ਗਿਆ ਹੈ, ਉਸਨੂੰ ਇਹ ਪਾਕਿਸਤਾਨੀ ਸਿਤਾਰੇ ਆਪਣੀ ਬਾਕੀ ਦੀ ਜ਼ਿੰਦਗੀ ਲਈ ਯਾਦ ਰੱਖਣਗੇ। ਦਰਅਸਲ, ਫਵਾਦ ਖਾਨ ਅਤੇ ਮਾਹਿਰਾ ਖਾਨ ਦੀਆਂ ਤਸਵੀਰਾਂ ਉਨ੍ਹਾਂ ਦੀਆਂ ਹਿੰਦੀ ਫਿਲਮਾਂ ਦੇ ਗੀਤਾਂ ਦੇ ਪੋਸਟਰਾਂ ਤੋਂ ਹਟਾ ਦਿੱਤੀਆਂ ਗਈਆਂ ਹਨ।
‘ਕਪੂਰ ਐਂਡ ਸੰਨਜ਼’ ਅਤੇ ‘ਰਈਸ’ ਵਿੱਚ ਕੰਮ ਕਰ ਚੁੱਕੇ ਫਵਾਦ ਅਤੇ ਮਾਹਿਰਾ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਚੱਲ ਰਹੇ ਵਿਵਾਦ ਦੇ ਵਿਚਕਾਰ ਭਾਰਤ ਸਰਕਾਰ ਅਤੇ ਫੌਜ ਵਿਰੁੱਧ ਅਪਮਾਨਜਨਕ ਟਿੱਪਣੀਆਂ ਕਰਦੇ ਦੇਖਿਆ ਗਿਆ। ਇਨ੍ਹਾਂ ਦੋਵਾਂ ਸਿਤਾਰਿਆਂ ਨੂੰ ਸਖ਼ਤ ਜਵਾਬ ਦਿੰਦੇ ਹੋਏ, ਮਿਊਜ਼ਿਕ ਐਪਸ ‘ਤੇ ਗੀਤਾਂ ਦੇ ਪੋਸਟਰਾਂ ਤੋਂ ਉਨ੍ਹਾਂ ਦੀਆਂ ਤਸਵੀਰਾਂ ਹਟਾ ਦਿੱਤੀਆਂ ਗਈਆਂ ਹਨ। ਕੱਲ੍ਹ ਸਪੋਟੀਫਾਈ ਅਤੇ ਯੂਟਿਊਬ ਮਿਊਜ਼ਿਕ ‘ਤੇ ‘ਸਨਮ ਤੇਰੀ ਕਸਮ’ ਐਲਬਮ ਦੇ ਕਵਰ ਤੋਂ ਮਾਵਰਾ ਹੁਸੈਨ ਦੀ ਮੌਜੂਦਗੀ ਗਾਇਬ ਸੀ।
‘ਰਈਸ’ ਦੇ ਗਾਣੇ ਦੇ ਪੋਸਟਰ ‘ਚ ਨਹੀਂ ਦਿਖਾਈ ਦੇਵੇਗੀ ਮਾਹਿਰਾ
ਮਾਵਰਾ ਤੋਂ ਬਾਅਦ ਹੁਣ ਸ਼ਾਹਰੁਖ ਖਾਨ ਦੀ ਫਿਲਮ ‘ਰਈਸ’ ਦੇ ਐਲਬਮ ਕਵਰ ਤੋਂ ਮਾਹਿਰਾ ਖਾਨ ਦੀ ਫੋਟੋ ਹਟਾ ਦਿੱਤੀ ਗਈ ਹੈ। ਪਹਿਲਾਂ ਮਾਹਿਰਾ ਅਤੇ ਸ਼ਾਹਰੁਖ ਦੋਵੇਂ ਪੋਸਟਰ ‘ਤੇ ਸਨ, ਪਰ ਹੁਣ ਐਲਬਮ ਦੇ ਕਵਰ ‘ਤੇ ਸਿਰਫ਼ ਕਿੰਗ ਖਾਨ ਹੀ ਨਜ਼ਰ ਆ ਰਹੇ ਹਨ। ਮਾਵਰਾ ਅਤੇ ਮਾਹਿਰਾ ਤੋਂ ਇਲਾਵਾ ਫਵਾਦ ਖਾਨ ‘ਤੇ ਫਿਲਮਾਇਆ ਗਿਆ ‘ਕਪੂਰ ਐਂਡ ਸੰਨਜ਼’ ਦਾ ਗੀਤ “ਬੁੱਧੂ ਸਾ ਮਨ” ਇਸ ਸਮੇਂ ਭਾਰਤ ਵਿੱਚ ਉਪਲਬਧ ਨਹੀਂ ਹੈ ਕਿਉਂਕਿ ਸੋਨੀ ਮਿਊਜ਼ਿਕ ਇੰਡੀਆ ਐਪ ‘ਤੇ ਇਸਦਾ ਪੋਸਟਰ ਬਦਲ ਦਿੱਤਾ ਗਿਆ ਹੈ। ਹਾਲਾਂਕਿ, ਹਾਲੇ ਵੀ ਇਹ ਸਿਤਾਰੇ ਹੁਣ ਕੁਝ ਗੀਤਾਂ ਵਿੱਚ ਦਿਖਾਈ ਦੇ ਰਹੇ ਹਨ। ਇਹ ਸੰਭਵ ਹੈ ਕਿ ਮਾਹਿਰਾ ਅਤੇ ਫਵਾਦ ਨੂੰ ਹੌਲੀ-ਹੌਲੀ ਹੋਰ ਗੀਤਾਂ ਦੇ ਪੋਸਟਰਾਂ ਤੋਂ ਵੀ ਹਟਾ ਦਿੱਤਾ ਜਾਵੇ।
ਆਪ੍ਰੇਸ਼ਨ ਸਿੰਦੂਰ ਵਿਰੁੱਧ ਬੋਲਣਾ ਪਿਆ ਮਹਿੰਗਾ
ਹਾਲਾਂਕਿ, ਸੋਨਮ ਕਪੂਰ ਦੀ ਫਿਲਮ ‘ਖੁਬਸੂਰਤ’ ਦੇ ਪੋਸਟਰ ਤੋਂ ਫਵਾਦ ਦਾ ਚਿਹਰਾ ਅਜੇ ਤੱਕ ਨਹੀਂ ਹਟਾਇਆ ਗਿਆ ਹੈ। ਇਹ ਕਦਮ AICWA ਵੱਲੋਂ ਫਵਾਦ ਖਾਨ ਅਤੇ ਮਾਹਿਰਾ ਖਾਨ ਦੁਆਰਾ ਆਪ੍ਰੇਸ਼ਨ ਸਿੰਦੂਰ ਤੋਂ ਬਾਅਦ ਕੀਤੀਆਂ ਗਈਆਂ ‘ਭਾਰਤ ਵਿਰੋਧੀ’ ਟਿੱਪਣੀਆਂ ਦੀ ਨਿੰਦਾ ਕਰਨ ਅਤੇ ਪਾਕਿਸਤਾਨੀ ਸਿਤਾਰਿਆਂ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾਉਣ ਦੀ ਮੰਗ ਕਰਨ ਤੋਂ ਕੁਝ ਦਿਨ ਬਾਅਦ ਆਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਾਹਿਰਾ ਖਾਨ ਨੇ ਭਾਰਤ ਵਿਰੁੱਧ ਬਹੁਤ ਜ਼ਹਿਰ ਉਗਲਿਆ ਹੈ। ਉਨ੍ਹਾਂ ਨੇ ਅੱਤਵਾਦ ਦੀ ਨਿੰਦਾ ਨਾ ਕਰਦੇ ਹੋਏ ਭਾਰਤ ਖਿਲਾਫ ਬਿਆਨ ਦਿੱਤੇ।