Jammu Kashmir Exit Poll: ਜੰਮੂ-ਕਸ਼ਮੀਰ ‘ਚ ਨਹੀਂ ਖੁੱਲ੍ਹੇਗਾ ਕਾਂਗਰਸ ਦਾ ਖਾਤਾ, ਭਾਜਪਾ ਨੂੰ ਵੀ ਹੋਵੇਗਾ ਨੁਕਸਾਨ
Exit Poll: ਜੰਮੂ-ਕਸ਼ਮੀਰ ਵਿੱਚ ਕੁੱਲ 5 ਲੋਕ ਸਭਾ ਸੀਟਾਂ ਹਨ ਅਤੇ ਸਾਰੀਆਂ 'ਤੇ ਵੋਟਿੰਗ ਪੂਰੀ ਹੋ ਚੁੱਕੀ ਹੈ। ਹੁਣ ਸੂਬੇ ਦੇ ਸਾਰੇ ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ 4 ਜੂਨ ਨੂੰ ਹੋਵੇਗਾ। ਧਾਰਾ 370 ਹਟਾਏ ਜਾਣ ਤੋਂ ਬਾਅਦ ਇੱਥੇ ਪਹਿਲੀ ਵਾਰ ਚੋਣਾਂ ਹੋਈਆਂ ਹਨ। ਅਜਿਹੇ 'ਚ 2024 ਦੀਆਂ ਲੋਕ ਸਭਾ ਚੋਣਾਂ ਨੂੰ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ। ਅਜਿਹੇ 'ਚ ਆਖਰੀ ਫੈਸਲੇ ਤੋਂ ਪਹਿਲਾਂ TV9 ਭਾਰਤਵਰਸ਼, POLSTRAT और PEOPLE'S INSIGHT ਦੇ ਨਾਲ ਐਗਜ਼ਿਟ ਪੋਲ ਲੈ ਕੇ ਆਇਆ ਹੈ। ਜਾਣੋ ਇਸ ਸੂਬੇ 'ਚ ਕਿਸ ਪਾਰਟੀ ਦਾ ਦਬਦਬਾ ਹੋਵੇਗਾ?
Jammu Kashmir Exit Poll: ਜੰਮੂ-ਕਸ਼ਮੀਰ 'ਚ ਨਹੀਂ ਖੁੱਲ੍ਹੇਗਾ ਕਾਂਗਰਸ ਦਾ ਖਾਤਾ, ਭਾਜਪਾ ਨੂੰ ਵੀ ਹੋਵੇਗਾ ਨੁਕਸਾਨ
ਦੇਸ਼ ਵਿੱਚ 18ਵੀਆਂ ਲੋਕ ਸਭਾ ਚੋਣਾਂ ਲਈ ਵੋਟਿੰਗ ਮੁਕੰਮਲ ਹੋ ਗਈ ਹੈ। ਦੇਸ਼ ਹੁਣ 1 ਜੂਨ ਨੂੰ ਹੋਣ ਵਾਲੀ ਸੱਤਵੇਂ ਅਤੇ ਆਖਰੀ ਪੜਾਅ ਦੀ ਵੋਟਿੰਗ ਦੇ ਅੰਤਿਮ ਫੈਸਲੇ ਦੀ ਉਡੀਕ ਕਰ ਰਿਹਾ ਹੈ। ਅਜਿਹੇ ‘ਚ ਸਭ ਦੀਆਂ ਨਜ਼ਰਾਂ ਕੇਂਦਰ ਸ਼ਾਸਤ ਪ੍ਰਦੇਸ਼ ਜੰਮੂ-ਕਸ਼ਮੀਰ ਦੀਆਂ ਪੰਜ ਲੋਕ ਸਭਾ ਸੀਟਾਂ ‘ਤੇ ਹਨ ਕਿਉਂਕਿ ਧਾਰਾ 370 ਹਟਾਏ ਜਾਣ ਤੋਂ ਬਾਅਦ ਇੱਥੇ ਪਹਿਲੀ ਵਾਰ ਚੋਣਾਂ ਹੋਈਆਂ ਹਨ। ਹੁਣ ਜਨਤਾ ਜਾਣਨਾ ਚਾਹੁੰਦੀ ਹੈ ਕਿ ਇੱਥੇ ਕਿਸ ਪਾਰਟੀ ਨੇ ਲੋਕਾਂ ਦਾ ਦਿਲ ਜਿੱਤਿਆ ਹੈ। ਟੀਵੀ9 ਭਾਰਤਵਰਸ਼, ਪੋਲਸਟਰੈਟ ਅਤੇ ਪੀਪਲਜ਼ ਇਨਸਾਈਟ ਦੇ ਐਗਜ਼ਿਟ ਪੋਲ ਦੇ ਅਨੁਸਾਰ, 4 ਜੂਨ ਨੂੰ ਇੰਡੀਆ ਬਲਾਕ ਅਤੇ ਐਨਡੀਏ ਗੱਠਜੋੜ ਵਿਚਕਾਰ ਬਰਾਬਰੀ ਦਾ ਮੁਕਾਬਲਾ ਹੋਵੇਗਾ। ਐਗਜ਼ਿਟ ਪੋਲ ‘ਚ ਇੰਡੀਆ ਬਲਾਕ ਅਤੇ ਐਨਡੀਏ ਗਠਜੋੜ ਨੂੰ 2-2 ਸੀਟਾਂ ਮਿਲੀਆਂ ਹਨ, ਜਦਕਿ ਇਕ ਸੀਟ ਹੋਰ ਦੇ ਖਾਤੇ ‘ਚ ਜਾ ਸਕਦੀ ਹੈ।
ਜੰਮੂ-ਕਸ਼ਮੀਰ ਵਿੱਚ ਕੀ ਹੈ ਸਮੀਕਰਨ?
ਜੰਮੂ-ਕਸ਼ਮੀਰ ਵਿੱਚ ਲੋਕ ਸਭਾ ਦੀਆਂ ਕੁੱਲ ਪੰਜ ਸੀਟਾਂ ਹਨ। ਇਨ੍ਹਾਂ ਸਾਰੀਆਂ ਸੀਟਾਂ ‘ਤੇ ਭਾਰੀ ਵੋਟਿੰਗ ਹੋਈ ਹੈ। ਹੁਣ ਟੀਵੀ9 ਭਾਰਤਵਰਸ਼, ਪੋਲਸਟਰੈਟ ਅਤੇ ਪੀਪਲਜ਼ ਇਨਸਾਈਟ ਦੇ ਐਗਜ਼ਿਟ ਪੋਲ ਦੇ ਅਨੁਸਾਰ, ਇੱਥੇ ਭਾਜਪਾ ਨੂੰ 2 ਸੀਟਾਂ ਮਿਲਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਪੀਡੀਪੀ ਅਤੇ ਨੈਸ਼ਨਲ ਕਾਨਫਰੰਸ ਨੂੰ 1-1 ਸੀਟ ਮਿਲ ਸਕਦੀ ਹੈ, ਜਦਕਿ ਕਾਂਗਰਸ ਦਾ ਖਾਤਾ ਵੀ ਨਹੀਂ ਖੁੱਲ੍ਹੇਗਾ। ਮਹਿਬੂਬਾ ਮੁਫਤੀ ਦੀ ਪਾਰਟੀ ਪੀਡੀਪੀ ਅਤੇ ਫਾਰੂਕ ਅਬਦੁੱਲਾ ਦੀ ਪਾਰਟੀ ਨੈਸ਼ਨਲ ਕਾਨਫਰੰਸ ਰਾਸ਼ਟਰੀ ਪੱਧਰ ‘ਤੇ ਇੰਡੀਆ ਬਲਾਕ ਦਾ ਸਮਰਥਨ ਕਰ ਰਹੀਆਂ ਹਨ। ਭਾਜਪਾ ਨੇ ਸ਼੍ਰੀਨਗਰ, ਅਨੰਤਨਾਗ-ਰਾਜੌਰੀ ਅਤੇ ਬਾਰਾਮੂਲਾ ਦੀਆਂ ਲੋਕ ਸਭਾ ਸੀਟਾਂ ‘ਤੇ ਆਪਣੇ ਉਮੀਦਵਾਰ ਨਹੀਂ ਉਤਾਰੇ। ਇਸ ‘ਚ ਮਹਿਬੂਬਾ ਮੁਫਤੀ ਅਨੰਤਨਾਗ-ਰਾਜੌਰੀ ਅਤੇ ਉਮਰ ਅਬਦੁੱਲਾ ਬਾਰਾਮੂਲਾ ਤੋਂ ਚੋਣ ਲੜ ਰਹੇ ਸਨ।
ਭਾਜਪਾ ਅਤੇ ਨੈਸ਼ਨਲ ਕਾਨਫਰੰਸ ਨੂੰ ਨੁਕਸਾਨ
ਅਗਸਤ 2019 ਵਿੱਚ, ਮੋਦੀ ਸਰਕਾਰ ਨੇ ਜੰਮੂ-ਕਸ਼ਮੀਰ ਤੋਂ ਵਿਸ਼ੇਸ਼ ਰਾਜ ਦਾ ਦਰਜਾ ਖੋਹ ਲਿਆ ਸੀ ਅਤੇ ਇਸਨੂੰ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਤਬਦੀਲ ਕਰ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਅਪ੍ਰੈਲ ਵਿੱਚ ਹੋਈਆਂ ਲੋਕ ਸਭਾ ਚੋਣਾਂ ਵਿੱਚ ਭਾਜਪਾ ਅਤੇ ਨੈਸ਼ਨਲ ਕਾਨਫਰੰਸ ਨੇ ਆਪਣਾ ਦਬਦਬਾ ਕਾਇਮ ਕੀਤਾ ਸੀ। ਦੋਵਾਂ ਪਾਰਟੀਆਂ ਨੇ 3-3 ਸੀਟਾਂ ਜਿੱਤੀਆਂ ਸਨ। ਜਦੋਂਕਿ ਪੀਡੀਪੀ ਅਤੇ ਕਾਂਗਰਸ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੀ। ਇਸ ਵਾਰ ਭਾਜਪਾ ਨੂੰ 1 ਸੀਟ ਅਤੇ ਨੈਸ਼ਨਲ ਕਾਨਫਰੰਸ ਨੂੰ 2 ਸੀਟਾਂ ਦਾ ਨੁਕਸਾਨ ਹੋ ਸਕਦਾ ਹੈ। TV9 ਭਾਰਤਵਰਸ਼, ਪੋਲਸਟਰੈਟ ਅਤੇ ਪੀਪਲਜ਼ ਇਨਸਾਈਟ ਦੇ ਐਗਜ਼ਿਟ ਪੋਲ ਵਿੱਚ ਕਾਂਗਰਸ ਇਸ ਵਾਰ ਆਪਣਾ ਖਾਤਾ ਖੋਲ੍ਹਦੀ ਨਜ਼ਰ ਨਹੀਂ ਆ ਰਹੀ ਹੈ।
ਪੰਜ ਸਾਲ ਬਾਅਦ ਹੋਈਆਂ ਚੋਣਾਂ ਵਿੱਚ ਇਨ੍ਹਾਂ ਸਾਰੀਆਂ ਸੀਟਾਂ ਤੇ ਭਾਰੀ ਵੋਟਿੰਗ ਹੋਈ। ਵੋਟਿੰਗ ਦੇ ਮਾਮਲੇ ‘ਚ ਜੰਮੂ 69.1 ਫੀਸਦੀ ਨਾਲ ਸਭ ਤੋਂ ਅੱਗੇ ਰਿਹਾ। ਊਧਮਪੁਰ ‘ਚ 68 ਫੀਸਦੀ, ਬਾਰਾਮੂਲਾ ‘ਚ 58 ਫੀਸਦੀ, ਅਨੰਤਨਾਗ-ਰਾਜੋਰੀ ‘ਚ 53 ਫੀਸਦੀ, ਸ੍ਰੀਨਗਰ ‘ਚ ਸਭ ਤੋਂ ਘੱਟ 38 ਫੀਸਦੀ ਵੋਟਿੰਗ ਹੋਈ।
ਚਾਰ ਧਿਰਾਂ ਵਿਚਕਾਰ ਮੁਕਾਬਲਾ
ਜੰਮੂ-ਕਸ਼ਮੀਰ ‘ਚ ਭਾਜਪਾ ਨੇ ਪੰਜ ‘ਚੋਂ ਤਿੰਨ ਸੀਟਾਂ, ਸ਼੍ਰੀਨਗਰ, ਅਨੰਤਨਾਗ-ਰਾਜੌਰੀ ਅਤੇ ਬਾਰਾਮੂਲਾ ‘ਤੇ ਆਪਣੇ ਉਮੀਦਵਾਰ ਨਹੀਂ ਉਤਾਰੇ। ਇਸ ਵਿੱਚ ਅਨੰਤਨਾਗ-ਰਾਜੌਰੀ ਤੋਂ ਮਹਿਬੂਬਾ ਮੁਫਤੀ ਅਤੇ ਬਾਰਾਮੂਲਾ ਤੋਂ ਉਮਰ ਅਬਦੁੱਲਾ ਚੋਣ ਲੜ ਰਹੇ ਸਨ। ਜਦੋਂਕਿ ਊਧਮਪੁਰ ਵਿੱਚ ਕਾਂਗਰਸ ਦੇ ਚੌਧਰੀ ਲਾਲ ਸਿੰਘ ਭਾਜਪਾ ਦੇ ਜਤਿੰਦਰ ਸਿੰਘ ਨੂੰ ਚੁਣੌਤੀ ਦੇ ਰਹੇ ਸਨ। ਇਸ ਤੋਂ ਇਲਾਵਾ ਜੰਮੂ ਸੀਟ ਤੋਂ ਕਾਂਗਰਸ ਵੱਲੋਂ ਰਮਨ ਭੱਲਾ ਅਤੇ ਭਾਜਪਾ ਵੱਲੋਂ ਜੁਗਲ ਕਿਸ਼ੋਰ ਸ਼ਰਮਾ ਚੋਣ ਮੈਦਾਨ ਵਿੱਚ ਸਨ।
ਇਹ ਵੀ ਪੜ੍ਹੋ
ਚੋਣਾਂ ਦੌਰਾਨ ਇੰਡੀਆ ਬਲਾਕ ਅਤੇ ਨੈਸ਼ਨਲ ਕਾਨਫਰੰਸ ਦੀ ਹਮਾਇਤ ਕਰਨ ਵਾਲੀ ਪੀਡੀਪੀ ਵਿਚਾਲੇ ਤਕਰਾਰ ਹੋ ਗਈ। ਤਿੰਨ-ਤਿੰਨ ਸੀਟਾਂ ‘ਤੇ ਲੜ ਰਹੀਆਂ ਦੋਵੇਂ ਪਾਰਟੀਆਂ ਨੇ ਇੰਡੀਆ ਬਲਾਕ ‘ਚ ਇਕ-ਦੂਜੇ ਵਿਰੁੱਧ ਆਪਣੇ ਉਮੀਦਵਾਰ ਖੜ੍ਹੇ ਕੀਤੇ ਸਨ। ਸ੍ਰੀਨਗਰ ਵਿੱਚ ਨੈਸ਼ਨਲ ਕਾਨਫਰੰਸ ਦੇ ਆਗਾ ਸਈਅਦ ਰੁਹੁੱਲਾ ਮੇਹਦੀ ਅਤੇ ਪੀਡੀਪੀ ਦੇ ਵਹੀਦ ਉਰ ਰਹਿਮਾਨ ਪਾਰਾ ਆਹਮੋ-ਸਾਹਮਣੇ ਸਨ। ਅਨੰਤਨਾਗ-ਰਾਜੌਰੀ ‘ਚ ਮਹਿਬੂਬਾ ਮੁਫਤੀ ਨੂੰ ਨੈਸ਼ਨਲ ਕਾਨਫਰੰਸ ਦੇ ਮੀਆਂ ਅਲਤਾਫ ਅਹਿਮਦ ਨੇ ਚੁਣੌਤੀ ਦਿੱਤੀ ਸੀ, ਜਦਕਿ ਪੀਡੀਪੀ ਨੇ ਵੀ ਉਮਰ ਅਬਦੁੱਲਾ ਖਿਲਾਫ ਮੀਰ ਮੁਹੰਮਦ ਫਯਾਜ਼ ਨੂੰ ਮੈਦਾਨ ‘ਚ ਉਤਾਰਿਆ ਸੀ।