Viral Video: Thar ‘ਤੇ ਹੁੱਲੜਬਾਜ਼ੀ ਕਰਨਾ ਪਿਆ ਮਹਿੰਗਾ, ਪੁਲਿਸ ਨੇ ਘਰ ਲੱਭ ਕੇ ਕੱਟਿਆ ਚਲਾਨ

Viral Video: Thar 'ਤੇ ਹੁੱਲੜਬਾਜ਼ੀ ਕਰਨਾ ਪਿਆ ਮਹਿੰਗਾ, ਪੁਲਿਸ ਨੇ ਘਰ ਲੱਭ ਕੇ ਕੱਟਿਆ ਚਲਾਨ

ਲੁਧਿਆਣਾ ਦੇ ਕੁੱਝ ਨੌਜਵਾਨਾਂ ਨੂੰ ਸਾਊਥ ਸਿਟੀ ਰੋਡ ‘ਤੇ ਹੁੱਲੜਬਾਜ਼ੀ ਕਰਨਾ ਮਹਿੰਗਾ ਪੈ ਗਿਆ। ਇਸ ਦੀ ਇੱਕ ਵੀਡੀਓ ਵਾਇਰਲ ਹੋਈ, ਜਿਸ ‘ਚ ਨਜ਼ਰ ਆ ਰਿਹਾ ਹੈ ਕਿ ਕੁੱਝ ਨੌਜਵਾਨ ਥਾਰ ਕਾਰ ‘ਤੇ ਚੜ੍ਹ ਕੇ ਟ੍ਰੈਫ਼ਿਕ ਨਿਯਮਾਂ ਦੀ ਉਲੰਘਣਾ ਕਰ ਰਹੇ ਹਨ। ਹੁਣ ਪੁਲਿਸ ਨੇ ਇਸ ਮਾਮਲੇ ‘ਚ ਕਾਰਵਾਈ ਕੀਤੀ ਹੈ ਤੇ ਥਾਰ ਮਾਲਿਕ ਦਾ ਘਰ ਲੱਭ ਕੇ ਉਸਦਾ ਚਲਾਨ ਕੱਟਿਆ ਹੈ।

ਨੌਜਵਾਨਾਂ ਦਾ ਹੁੱਲੜਬਾਜ਼ੀ ਦਾ ਵੀਡੀਓ ਜਦੋਂ ਪੁਲਿਸ ਸਾਹਮਣੇ ਆਇਆਂ ਤਾਂ ਇਸ ‘ਤੇ ਕਾਰਵਾਈ ਕੀਤੀ ਗਈ। ਵੀਡੀਓ ਕੁੱਝ ਦਿਨ ਪੁਰਾਣੀ ਦੱਸੀ ਜਾ ਰਹੀ ਹੈ, ਜਿਸ ‘ਚ ਕੁੱਝ ਨੌਜਵਾਨ ਥਾਰ ‘ਤੇ ਚੜ੍ਹ ਕੇ ਹੁੱਲੜਬਾਜ਼ੀ ਕਰ ਰਹੇ ਹਨ ਤੇ ਆਪਣੇ ਮੋਬਾਇਲ ‘ਤੇ ਇਸ ਦੀ ਰਿਕਾਰਡਿੰਗ ਵੀ ਕਰ ਰਹੇ ਹਨ।

ਟ੍ਰੈਫ਼ਿਕ ਪੁਲਿਸ ਦੇ ਜ਼ੋਨ ਇੰਚਾਰਜ਼ ਸਬ ਇੰਸਪੈਕਟਰ ਰੁਪਿੰਦਰ ਸਿੰਘ ਨੇ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਥਾਰ ਦੇ ਨੰਬਰ ਨਾਲ ਮਾਲਿਕ ਦੇ ਘਰ ਦਾ ਪਤਾ ਲਗਵਾਇਆ ਤੇ ਬਿਨਾਂ ਸੀਟ ਬੈਲਟ ਤੇ ਬਿਨਾਂ ਡਰਾਈਵਿੰਗ ਲਾਇਸੈਂਸ ਦਾ ਚਲਾਨ ਕੱਟਿਆ। ਜਾਣਕਾਰੀ ਮੁਤਾਬਕ ਥਾਰ ਮਾਲਕ ਨੌਜਵਾਨ ਹੈਬੋਵਾਲ ਦਾ ਰਹਿਣ ਵਾਲਾ ਹੈ। ਪੁਲਿਸ ਨੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਇਸ ਦੀ ਵੀਡੀਓ ਵੀ ਸਾਂਝਾ ਕੀਤੀ ਹੈ।