ਮੁੰਡੇ ਨੇ ਇੰਸਟਾਗ੍ਰਾਮ ‘ਤੇ ਦਿੱਤੀ ‘ਬਲੈਕਮੇਲਰ’ ਦੀ ਸੁਪਾਰੀ, 4000 ਰੁਪਏ ਅਤੇ ਮੋਬਾਇਲ ‘ਚ ਹੋਈ ਡੀਲ
Moga Boy Hire Contract Killer on Instagram: ਮੋਗਾ ਦੇ ਇੱਕ 19 ਸਾਲਾ ਨੌਜਵਾਨ ਨੇ ਕਥਿਤ ਤੌਰ 'ਤੇ ਸੋਸ਼ਲ ਮੀਡੀਆ ਐਪ ਇੰਸਟਾਗ੍ਰਾਮ 'ਤੇ ਇੱਕ ਸ਼ਖਸ ਦੀ ਸੁਪਾਰੀ ਦਿੱਤੀ। ਉਸਨੂੰ ਖਤਮ ਕਰਨ ਲਈ ਉਸਨੇ ਕਾਂਟਰੈਕਟ ਕਿਲਰ ਹਾਇਰ ਕੀਤਾ। ਕਾਂਟਰੈਕਟ ਕਿਲਰ ਆਪਣੇ ਨਾਲ ਇੱਕ ਹੋਰ ਮੁੰਡੇ ਨੂੰ ਲੈ ਕੇ ਆਇਆ ਸੀ, ਜਿਸਤੋਂ ਬਾਅਦ ਤਿੰਨਾਂ ਨੇ ਮਿਲਕੇ ਇਸ ਖੌਫਨਾਕ ਅਪਰਾਧ ਨੂੰ ਅੰਜਾਮ ਦਿੱਤਾ। ਪੁਲਿਸ ਨੇਤਿੰਨੋਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਮੁੰਡੇ ਨੇ ਇੰਸਟਾਗ੍ਰਾਮ 'ਤੇ ਦਿੱਤੀ ਬਲੈਕਮੇਲਰ ਦੀ ਸੁਪਾਰੀ
ਮੋਗਾ ਦੇ ਇੱਕ 19 ਸਾਲਾ ਨੌਜਵਾਨ ਨੇ ਕਥਿਤ ਤੌਰ ‘ਤੇ ਸੋਸ਼ਲ ਮੀਡੀਆ ਐਪ ਇੰਸਟਾਗ੍ਰਾਮ ‘ਤੇ ਇੱਕ ਸ਼ਖਸ ਦੀ ਸੁਪਾਰੀ ਦਿੱਤੀ। ਉਸਨੂੰ ਖਤਮ ਕਰਨ ਲਈ ਉਸਨੇ ਕੰਟਰੈਕਟ ਕਿਲਰ ਨੂੰ ਹਾਇਰ ਕੀਤਾ। ਦਰਅਸਲ, ਜਿਸ ਸ਼ਖਸ ਦੀ ਇਸ ਮੁੰਡੇ ਨੇ ਸੁਪਾਰੀ ਦਿੱਤੀ, ਉਸ ਕੋਲ ਉਸਦੀ ਗਰਲਫ੍ਰੈਂਡ ਦੇ ਨਾਲ ਕੁਝ ਇਤਰਾਜ਼ਯੋਗ ਵੀਡੀਓ ਸਨ ਅਤੇ ਉਹ ਉਸਨੂੰ ਕਥਿਤ ਤੌਰ ਤੇ “ਬਲੈਕਮੇਲ” ਕਰ ਰਿਹਾ ਸੀ। ਮੁੰਡੇ ਨੇ ਇਸ ਬਲੈਕਮੇਲਰ ਨੂੰ ਖਤਮ ਕਰਨ ਦਾ ਖੌਫਨਾਕ ਪਲਾਨ ਬਣਾ ਲਿਆ ਅਤੇ ਇਸ ਲਈ ਉਸਦਾ ‘ਕਾਂਟਰੈਕਟ ਕਿਲਰ’ 4,000 ਰੁਪਏ ਨਕਦ ਅਤੇ ਇੱਕ ਮੋਬਾਈਲ ਫ਼ੋਨ ਦੇਣ ਦਾ ਸੌਦਾ ਹੋਇਆ ਸੀ।
ਐਸਐਸਪੀ ਅੰਕੁਰ ਗੁਪਤਾ ਨੇ ਦੱਸਿਆ ਕਿ ਮੋਗਾ ਦੇ ਪਿੰਡ ਸਿੰਘਾਵਾਲਾ ਦੇ ਗੁਰਮੁੱਖ ਸਿੰਘ ਉਰਫ਼ ਸੁਨੀਲ (22) ਦੀ ਲਾਸ਼ 16 ਸਤੰਬਰ ਦੀ ਰਾਤ ਨੂੰ ਬੁੱਕਣਵਾਲਾ ਨੇੜੇ ਇੱਕ ਡਰੇਨ ‘ਚੋਂ ਮਿਲੀ ਸੀ, ਜਿਸ ਦਾ ਪਹਿਲਾਂ ਕੱਪੜੇ ਦੇ ਇੱਕ ਟੁਕੜੇ ਨਾਲ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ ਸੀ ਅਤੇ ਉਸਤੋਂ ਬਾਅਦ ਚਾਕੂ ਨਾਲ ਉਸ ਦਾ ਗਲਾ ਵੱਢਿਆ ਗਿਆ ਸੀ।
ਇਤਰਾਜ਼ਯੋਗ ਵੀਡੀਓ ਜਨਤਕ ਕਰਨ ਦੀ ਧਮਕੀ ਦੇ ਰਿਹਾ ਸੀ ਬਲੈਕਮੇਲਰ
ਐਸਐਸਪੀ ਅੰਕੁਰ ਗੁਪਤਾ ਨੇ ਦੱਸਿਆ ਕਿ ਜਾਂਚ ਦੌਰਾਨ ਪਤਾ ਲੱਗਾ ਹੈ ਕਿ ਮ੍ਰਿਤਕ ਗੁਰਮੁਖ ਸਿੰਘ ਕੋਲ 19 ਸਾਲਾ ਮੁਲਜ਼ਮ ਦੀਆਂ ਕੁਝ ਇਤਰਾਜ਼ਯੋਗ ਵੀਡੀਓਜ਼ ਸਨ। ਗੁਰਮੁਖ ਕਥਿਤ ਤੌਰ ‘ਤੇ ਇਨ੍ਹਾਂ ਵੀਡੀਓਜ਼ ਦੇ ਆਧਾਰ ‘ਤੇ ਨੌਜਵਾਨ ਨੂੰ ਬਲੈਕਮੇਲ ਕਰ ਰਿਹਾ ਸੀ ਅਤੇ ਉਨ੍ਹਾਂ ਨੂੰ ਜਨਤਕ ਕਰਨ ਦੀ ਧਮਕੀ ਦੇ ਰਿਹਾ ਸੀ।
ਐਸਐਸਪੀ ਗੁਪਤਾ ਨੇ ਦੱਸਿਆ ਕਿ ਮੁਲਜ਼ਮ ਨੇ ਤਰਨਤਾਰਨ ਜ਼ਿਲ੍ਹੇ ਦੇ ਪਿੰਡ ਸੈਦੋ ਦੇ ਗੁਰਲਾਲ ਸਿੰਘ (22) ਨਾਲ ਇੰਸਟਾਗ੍ਰਾਮ ਤੇ ਸੰਪਰਕ ਕੀਤਾ ਅਤੇ ਉਸ ਨੂੰ ਗੁਰਮੁਖ ਨੂੰ ਖ਼ਤਮ ਕਰਨ ਲਈ ਸੁਪਾਰੀ ਦਿੱਤੀ। ਪੁਲਿਸ ਨੇ ਦੱਸਿਆ ਕਿ ਪੂਰੀ ਡੀਲ 15,000 ਰੁਪਏ ਵਿੱਚ ਤੈਅ ਹੋਈ ਸੀ।
15 ਸਤੰਬਰ ਨੂੰ ਗੁਰਲਾਲ ਅਤੇ ਉਸ ਦਾ ਇੱਕ ਸਾਥੀ ਓਂਕਾਰ ਸਿੰਘ (20) ਬੱਸ ਰਾਹੀਂ ਸਿੰਘਾਵਾਲਾ ਤੋਂ ਪਹਿਲਾਂ ਤੋਂ ਤੈਅ ਕੀਤੀ ਥਾਂ ‘ਤੇ ਪਹੁੰਚੇ। ਇਸੇ ਦੌਰਾਨ 19 ਸਾਲਾ ਨੌਜਵਾਨ ਨੇ ਗੁਰਮੁਖ ਨੂੰ ਸ਼ਰਾਬ ਪੀਣ ਦੇ ਬਹਾਨੇ ਬੁੱਕਣਵਾਲਾ ਨੇੜੇ ਡਰੇਨ ਕੋਲ ਬੁਲਾ ਲਿਆ। ਇਨ੍ਹਾਂ ਸਾਰਿਆਂ ਨੇ ਮਿਲ ਕੇ ਸ਼ਰਾਬ ਪੀਤੀ। ਥੋੜੀ ਦੇਰ ਬਾਅਦ ਹੀ ਓਂਕਾਰ ਨੇ ਗੁਰਮੁਖ ਦੀਆਂ ਅੱਖਾਂ ਵਿੱਚ ਮਿਰਚਾਂ ਦਾ ਪਾਊਡਰ ਸੁੱਟ ਦਿੱਤਾ ਅਤੇ ਕੱਪੜੇ ਦੇ ਟੁਕੜੇ ਨਾਲ ਉਸਦਾ ਗਲਾ ਘੁੱਟ ਦਿੱਤਾ। ਪੁਲਿਸ ਨੇ ਦੱਸਿਆ ਕਿ ਫਿਰ ਗੁਰਲਾਲ ਨੇ ਚਾਕੂ ਨਾਲ ਉਸਦਾ ਗਲਾ ਵੱਢ ਦਿੱਤਾ।
ਇਹ ਵੀ ਪੜ੍ਹੋ
ਫਿਰ ਉਨ੍ਹਾਂ ਨੇ ਲਾਸ਼ ਨੂੰ ਨਾਲੇ ਵਿੱਚ ਸੁੱਟ ਦਿੱਤਾ। ਗੁਰਲਾਲ ਅਤੇ ਓਂਕਾਰ ਮ੍ਰਿਤਕ ਦਾ ਸਾਈਕਲ ਲੈ ਕੇ ਤਰਨਤਾਰਨ ਲਈ ਰਵਾਨਾ ਹੋ ਗਏ। ਪੁਲਿਸ ਨੇ ਦੱਸਿਆ ਕਿ ਕਤਲ ਨੂੰ ਅੰਜਾਮ ਦੇਣ ਲਈ 19 ਸਾਲਾ ਨੌਜਵਾਨ ਵੱਲੋਂ ਉਨ੍ਹਾਂ ਨੂੰ 4,000 ਰੁਪਏ ਨਕਦ ਅਤੇ ਇੱਕ ਮੋਬਾਈਲ ਫ਼ੋਨ ਦਿੱਤਾ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਤਿੰਨੋਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਥਾਣਾ ਸਿਟੀ ਸਾਊਥ ਮੋਗਾ ਵਿਖੇ ਬੀਐੱਨਐੱਸ ਦੀ ਧਾਰਾ 103, 238, 3 (5) ਤਹਿਤ ਕਤਲ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।