ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਦੋ ਬਦਮਾਸ਼ ਗ੍ਰਿਫਤਾਰ: ਪਟਿਆਲਾ ‘ਚ ਸਾਥੀ ਦੇ ਕਤਲ ਦਾ ਲੈਣਾ ਚਾਹੁੰਦੇ ਸਨ ਬਦਲਾ, ਹਥਿਆਰ ਬਰਾਮਦ

ਪਟਿਆਲਾ ਤੋਂ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਅਤੇ ਰਾਜੀਵ ਰਾਜਾ ਗੈਂਗ ਦੇ ਦੋ ਬਦਮਾਸ਼ਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇਹ ਦੋਵੇਂ ਅਪਰਾਧੀ ਪਟਿਆਲਾ ਵਿੱਚ ਕੋਈ ਵਾਰਦਾਤ ਕਰਨ ਵਾਲੇ ਸਨ। ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਅਤੇ ਰਾਜੀਵ ਰਾਜਾ ਗੈਂਗ ਦੇ ਦੋ ਸਾਥੀਆਂ ਨੂੰ ਪਟਿਆਲਾ ਪੁਲਿਸ ਨੇ ਹਥਿਆਰਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਰੋਹਿਤ ਕੁਮਾਰ ਉਰਫ਼ ਚੀਕੂ ਵਾਸੀ ਨਿਊ ਮਾਲਵਾ ਕਲੋਨੀ, ਸਨੌਰੀ ਅੱਡਾ, ਪਟਿਆਲਾ ਅਤੇ ਸੁਖਪਾਲ ਸਿੰਘ ਵਾਸੀ ਪਿੰਡ ਹਰਿਆਊ, ਜ਼ਿਲ੍ਹਾ ਸੰਗਰੂਰ ਵਜੋਂ ਹੋਈ ਹੈ। ਮੁਲਜ਼ਮਾਂ ਨੂੰ ਸਨੌਰ ਤੋਂ ਰਿਸ਼ੀ ਕਲੋਨੀ ਮੋੜ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਕੋਲੋਂ 32 ਬੋਰ ਦੇ ਦੋ ਪਿਸਤੌਲ ਅਤੇ 12 ਕਾਰਤੂਸ ਬਰਾਮਦ ਹੋਏ ਹਨ।

ਐਸਐਸਪੀ ਨਾਨਕ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਰੋਹਿਤ ਕੁਮਾਰ ਉਰਫ਼ ਚੀਕੂ ਖ਼ਿਲਾਫ਼ ਪਹਿਲਾਂ ਹੀ ਕਤਲ, ਇਰਾਦਾ ਕਤਲ ਆਦਿ ਦੇ ਸੱਤ ਅਤੇ ਸੁਖਪਾਲ ਸਿੰਘ ਖ਼ਿਲਾਫ਼ ਤਿੰਨ ਕੇਸ ਦਰਜ ਹਨ। ਰੋਹਿਤ ਕੁਮਾਰ ਅਤੇ ਸੁਖਪਾਲ ਸਿੰਘ ਜੇਲ੍ਹ ਵਿੱਚ ਇੱਕ ਦੂਜੇ ਨੂੰ ਮਿਲੇ ਸਨ। ਰੋਹਿਤ ਕੁਮਾਰ 2020 ਤੋਂ 2023 ਤੱਕ ਵੱਖ-ਵੱਖ ਜੇਲ੍ਹਾਂ ਵਿੱਚ ਰਿਹਾ ਹੈ। ਇਸ ਦੌਰਾਨ ਉਹ ਸਾਲ 2022 ਵਿੱਚ ਲਾਰੈਂਸ ਬਿਸ਼ਨੋਈ ਗੈਂਗ ਦੇ ਨਵਪ੍ਰੀਤ ਸਿੰਘ ਉਰਫ ਨਵ ਲਾਹੌਰੀਆਂ ਦੇ ਨੇੜੇ ਆਇਆ। ਨਵ ਲਾਹੌਰੀਆਂ ਅਤੇ ਰੋਹਿਤ ਕੁਮਾਰ ਚੀਕੂ ਖ਼ਿਲਾਫ਼ ਤ੍ਰਿਪੜੀ ਥਾਣੇ ਵਿੱਚ ਜੇਲ੍ਹ ਵਿੱਚ ਲੜਾਈ-ਝਗੜੇ ਅਤੇ ਕਤਲ ਦੀ ਕੋਸ਼ਿਸ਼ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਗਿਆ ਸੀ। ਰੋਹਿਤ ਕੁਮਾਰ ਤੇਜਪਾਲ ਦਾ ਪੁਰਾਣਾ ਦੋਸਤ ਰਿਹਾ ਹੈ।

ਤੇਜਪਾਲ ਦਾ ਕਤਲ 3 ਅਪ੍ਰੈਲ 2024 ਨੂੰ ਉਸ ਦੇ ਵਿਰੋਧੀ ਗੈਂਗ ਪੁਨੀਤ ਸਿੰਘ ਗੋਲਾ ਨੇ ਸਨੌਰੀ ਬੇਸ ‘ਤੇ ਕਰ ਦਿੱਤਾ ਸੀ। ਸਾਲ 2021 ਤੋਂ ਰੋਹਿਤ ਅਤੇ ਤੇਜਪਾਲ ਆਪਣੇ ਵਿਰੋਧੀ ਗਰੁੱਪ ਪੁਨੀਤ ਸਿੰਘ ਗੋਲਾ ਨਾਲ ਲੜ ਰਹੇ ਹਨ। ਰੋਹਿਤ ਕੁਮਾਰ ਅਤੇ ਸੁਖਪਾਲ ਸਿੰਘ ਪਟਿਆਲਾ ਜੇਲ੍ਹ ਵਿੱਚ ਇਕੱਠੇ ਬੰਦ ਹਨ। ਮੁਲਜ਼ਮ ਸੁਖਪਾਲ ਸਿੰਘ ਭੁਨਰਹੇੜੀ ਵਿੱਚ ਕਿਰਪਾਨਾਂ ਨਾਲ ਔਰਤਾਂ ਦਾ ਗਲਾ ਵੱਢਣ ਦੇ ਦੋਹਰੇ ਕਤਲ ਕੇਸ ਵਿੱਚ ਪਟਿਆਲਾ ਜੇਲ੍ਹ ਵਿੱਚ ਬੰਦ ਹੈ।

ਪੁਲਿਸ ਮੁਤਾਬਕ ਮੁਲਜ਼ਮ ਰੋਹਿਤ ਕੁਮਾਰ ਚੀਕੂ ਹੁਣ ਆਪਣੇ ਸਾਥੀ ਤੇਜਪਾਲ ਦੇ ਕਤਲ ਦਾ ਬਦਲਾ ਲੈਣ ਲਈ ਆਪਣੇ ਵਿਰੋਧੀ ਗਰੋਹ ਦੇ ਇੱਕ ਮੈਂਬਰ ਤੇ ਹਥਿਆਰਾਂ ਨਾਲ ਗੋਲੀਆਂ ਚਲਾਉਣ ਵਾਲਾ ਸੀ। ਇਨ੍ਹਾਂ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਅਤੇ ਹਥਿਆਰਾਂ ਦੀ ਬਰਾਮਦਗੀ ਕਾਰਨ ਇਹ ਘਟਨਾ ਪਟਿਆਲਾ ਵਿੱਚ ਵਾਪਰਨ ਤੋਂ ਟਲ ਗਈ ਹੈ।

ਵਿਰੋਧੀ ਗਰੋਹ ਦਾ ਮੈਂਬਰ ਵੀ ਹਥਿਆਰਾਂ ਸਮੇਤ ਫੜਿਆ

ਪੁਲਿਸ ਨੇ ਪੁਨੀਤ ਸਿੰਘ ਗੋਲਾ ਵਾਸੀ ਪਟਿਆਲਾ ਦੇ ਕਰੀਬੀ ਸਾਥੀ ਯਸ਼ਰਾਜ ਉਰਫ਼ ਕਾਕਾ ਨੂੰ ਡਕਾਲਾ ਰੋਡ ਨੇੜਿਓਂ ਡੀਅਰ ਪਾਰਕ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਉਸ ਕੋਲੋਂ ਦੋ ਪਿਸਤੌਲ ਅਤੇ 14 ਕਾਰਤੂਸ ਬਰਾਮਦ ਹੋਏ ਹਨ। ਪੁਲਿਸ ਅਨੁਸਾਰ ਯਸ਼ਰਾਜ ਖ਼ਿਲਾਫ਼ ਕਤਲ ਅਤੇ ਯੋਜਨਾਬੱਧ ਕਤਲ ਦੇ ਚਾਰ ਕੇਸ ਦਰਜ ਹਨ। ਜ਼ਿਕਰਯੋਗ ਹੈ ਕਿ ਪੁਨੀਤ ਸਿੰਘ ਗੋਲਾ ਨੂੰ ਪੁਲਿਸ ਨੇ 1 ਅਗਸਤ 2024 ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਮੁਲਜ਼ਮ ਯਸ਼ਰਾਜ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ 12 ਜੂਨ 2024 ਨੂੰ ਅਵਤਾਰ ਤਾਰੀ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਸੀ। ਤਾਰੀ ਦਾ ਅਪਰਾਧਿਕ ਰਿਕਾਰਡ ਵੀ ਸੀ।

ਇਹ ਵੀ ਪੜ੍ਹੋ

ਦਿੱਲੀ 'ਚ ਰੌਕੀ ਦਾ ਐਨਕਾਊਂਟਰ, ਡਿਊਟੀ 'ਤੇ ਤਾਇਨਾਤ ਕਾਂਸਟੇਬਲ ਦਾ ਕੀਤਾ ਸੀ ਕਤਲ

ਜਲਾਲਾਬਾਦ 'ਚ ਸਾਬਕਾ ਸਰਪੰਚ ਦੇ ਘਰ ਫਾਇਰਿੰਗ, ਕਾਰ ਨੂੰ ਵੀ ਲਗਾਈ ਅੱਗ

ਘਰ ਲਿਆਂਦੀ ਗਈ ਦਿਲਪ੍ਰੀਤ ਸਿੰਘ ਦੀ ਲਾਸ਼, ਸਿਹਰਾ ਬੰਨ੍ਹ ਕੀਤਾ ਸਸਕਾਰ

ਇਸ ਮਾਮਲੇ ਵਿੱਚ ਯਸ਼ਰਾਜ ਭਗੌੜਾ ਸੀ। ਐਸਐਸਪੀ ਨੇ ਦੱਸਿਆ ਕਿ ਹੁਣ ਤੱਕ ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਫੜੇ ਗਏ ਤਿੰਨ ਮੁਲਜ਼ਮ ਮੱਧ ਪ੍ਰਦੇਸ਼ ਤੋਂ ਬਰਾਮਦ ਹਥਿਆਰ ਲੈ ਕੇ ਆਏ ਸਨ। ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ। ਜਿਸ ਕਾਰਨ ਜਾਂਚ ‘ਚ ਹੋਰ ਵੀ ਅਹਿਮ ਖੁਲਾਸੇ ਹੋ ਸਕਦੇ ਹਨ।

ਇਹ ਵੀ ਪੜ੍ਹੋ: ਲੁਧਿਆਣਾ ਚ ਨਿਹੰਗਾਂ ਵੱਲੋਂ ਹਮਲਾ: ਪਲਾਟ ਤੇ ਕਬਜ਼ਾ ਕਰਨ ਗਏ ਸਨ, ਪੁਲਿਸ ਤੇ ਵੀ ਹਮਲੇ ਦੀ ਕੋਸ਼ਿਸ਼