ਅਧਿਕਾਰੀਆਂ ਨੇ ਮੰਗੀ ਰਿਸ਼ਵਤ… ਕੁੜੀ ਨੇ ਸ਼ੁਰੂ ਕੀਤੀ UPSC ਦੀ ਤਿਆਰੀ, ਪਹਿਲਾਂ IPS ਤੇ ਫਿਰ ਬਣੀ IAS ਅਫਸਰ
17 Apr 2025 16:32 PM
IAS Garima Singh Success Story: ਉੱਤਰ ਪ੍ਰਦੇਸ਼ ਦੇ ਬਲੀਆ ਦੀ ਰਹਿਣ ਵਾਲੀ ਗਰਿਮਾ ਸਿੰਘ ਦੇ ਜੀਵਨ ਦੀ ਇੱਕ ਘਟਨਾ ਨੇ ਉਨ੍ਹਾਂ ਨੂੰ ਸਿਵਲ ਸੇਵਾ ਵਿੱਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕੀਤਾ। ਫਿਰ ਉਨ੍ਹਾਂ ਨੇ UPSC ਦੀ ਪ੍ਰੀਖਿਆ ਦਿੱਤੀ ਅਤੇ ਪਹਿਲਾਂ IPS ਅਫਸਰ ਬਣੀ ਅਤੇ ਕੁਝ ਸਾਲਾਂ ਬਾਅਦ, ਉਹ ਆਪਣੇ ਪਿਤਾ ਦੇ ਸੁਪਨੇ ਨੂੰ ਪੂਰਾ ਕਰਨ ਲਈ IAS ਅਫਸਰ ਬਣ ਗਈ।
ਗਰਿਮਾ ਸਿੰਘ ਦੀ Sucess Story
ਕਈ ਵਾਰ ਕਿਸੇ ਵਿਅਕਤੀ ਦੇ ਜੀਵਨ ਵਿੱਚ ਇੱਕ ਛੋਟੀ ਜਿਹੀ ਘਟਨਾ ਵੀ ਉਸਦੀ ਪੂਰੀ ਜ਼ਿੰਦਗੀ ਬਦਲਣ ਲਈ ਕਾਫ਼ੀ ਹੁੰਦੀ ਹੈ। ਇਸ ਦੁਨੀਆਂ ਵਿੱਚ ਬਹੁਤ ਸਾਰੇ ਲੋਕ ਹਨ ਜਿਨ੍ਹਾਂ ਦੀ ਜ਼ਿੰਦਗੀ ਵਿੱਚ ਇੱਕ ਘਟਨਾ ਨੇ ਉਨ੍ਹਾਂ ਨੂੰ ਅਰਸ਼ ਤੋਂ ਫਰਸ਼ ਤੇ ਪਹੁੰਚਾ ਦਿੱਤਾ। ਗਰਿਮਾ ਸਿੰਘ ਵੀ ਉਨ੍ਹਾਂ ਲੋਕਾਂ ਵਿੱਚੋਂ ਇੱਕ ਹਨ। ਉਨ੍ਹਾਂ ਦੀ ਕਹਾਣੀ ਸਾਨੂੰ ਦੱਸਦੀ ਹੈ ਕਿ ਕਿਵੇਂ ਜ਼ਿੰਦਗੀ ਕਿਸੇ ਵੀ ਸਮੇਂ ਅਚਾਨਕ ਮੋੜ ਲੈ ਸਕਦੀ ਹੈ ਅਤੇ ਇਨਸਾਨ ਨੂੰ ਕੁਝ ਵੀ ਬਣਾ ਸਕਦੀ ਹੈ। ਇੱਕ ਸਮਾਂ ਸੀ ਜਦੋਂ ਗਰਿਮਾ ਡਾਕਟਰ ਬਣਨ ਦਾ ਸੁਪਨਾ ਦੇਖਦੀ ਸੀ, ਪਰ ਉਨ੍ਹਾਂ ਦੇ ਕਾਲਜ ਦੇ ਦਿਨਾਂ ਦੌਰਾਨ ਵਾਪਰੀ ਇੱਕ ਘਟਨਾ ਨੇ ਉਨ੍ਹਾਂ ਨੂੰ ਡਾਕਰਟਰ ਤੋਂ ਕੁਝ ਵੱਖਰਾ ਸੋਚਣ ਅਤੇ ਇੱਕ ਵੱਖਰਾ ਰਸਤਾ ਚੁਣਨ ਲਈ ਪ੍ਰੇਰਿਤ ਕੀਤਾ, ਜਿਸਨੇ ਉਨ੍ਹਾਂ ਨੂੰ ਸਿਵਲ ਸੇਵਾਵਾਂ ਵੱਲ ਪਹੁੰਚਾ ਦਿੱਤਾ।
ਉੱਤਰ ਪ੍ਰਦੇਸ਼ ਦੇ ਬਲੀਆ ਵਿੱਚ ਜੰਮੀ ਅਤੇ ਪਲੀ, ਗਰਿਮਾ ਨੇ ਦਿੱਲੀ ਯੂਨੀਵਰਸਿਟੀ ਦੇ ਮਸ਼ਹੂਰ ਸੇਂਟ ਸਟੀਫਨ ਕਾਲਜ ਤੋਂ ਆਪਣੀ ਪੜ੍ਹਾਈ ਪੂਰੀ ਕੀਤੀ ਅਤੇ ਇੱਥੋਂ ਹੀ ਉਨ੍ਹਾਂਨੇ ਆਪਣੀ ਅਸਲ ਮੰਜ਼ਿਲ ਦੀ ਭਾਲ ਸ਼ੁਰੂ ਕੀਤੀ। ਮੀਡੀਆ ਰਿਪੋਰਟਾਂ ਅਨੁਸਾਰ, ਇੱਕ ਵਾਰ ਉਹ ਕਿਤੇ ਯਾਤਰਾ ਕਰ ਰਹੇ ਸਨ, ਇਸ ਦੌਰਾਨ ਉਨ੍ਹਾਂਨੂੰ ਇੱਕ ਚੌਕੀ ‘ਤੇ ਰੋਕਿਆ ਗਿਆ, ਜਿੱਥੇ ਅਧਿਕਾਰੀਆਂ ਨੇ ਉਨ੍ਹਾਂ ਤੋਂ ਰਿਸ਼ਵਤ ਮੰਗੀ, ਪਰ ਗਰਿਮਾ ਨੇ ਇਸ ਰਿਸ਼ਵਤਖੋਰੀ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ ਅਤੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਹ ਉਹ ਪਲ ਸੀ ਜਦੋਂ ਗਰਿਮਾ ਦਾ ਨਜ਼ਰੀਆ ਪੂਰੀ ਤਰ੍ਹਾਂ ਬਦਲ ਗਿਆ। ਉਨ੍ਹਾਂਨੂੰ ਅਹਿਸਾਸ ਹੋਇਆ ਕਿ ਜੇਕਰ ਬਦਲਾਅ ਲਿਆਉਣਾ ਹੈ ਤਾਂ ਉਨ੍ਹਾਂ ਨੂੰ ਸਿਸਟਮ ਦੇ ਅੰਦਰੋ ਲਿਆਉਣਾ ਹੋਵੇਗਾ।
IPS ਛੱਡ ਕੇ ਬਣੀ IAS ਅਧਿਕਾਰੀ
ਉਸ ਘਟਨਾ ਤੋਂ ਬਾਅਦ, ਗਰਿਮਾ ਨੇ ਭਾਰਤੀ ਪੁਲਿਸ ਸੇਵਾ ਵਿੱਚ ਸ਼ਾਮਲ ਹੋਣ ਦਾ ਫੈਸਲਾ ਕੀਤਾ ਅਤੇ UPSC ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ। ਫਿਰ 2012 ਵਿੱਚ, ਉਨ੍ਹਾਂਨੇ ਆਖਰਕਾਰ UPSC ਪਾਸ ਕੀਤੀ ਅਤੇ ਇੱਕ IPS ਅਧਿਕਾਰੀ ਬਣ ਗਈ। ਉਨ੍ਹਾਂਦੀ ਤਾਇਨਾਤੀ ਉੱਤਰ ਪ੍ਰਦੇਸ਼ ਵਿੱਚ ਹੋ ਗਈ, ਜਿੱਥੇ ਉਨ੍ਹਾਂਨੇ ਕੁਝ ਸਾਲ ਕੰਮ ਕੀਤਾ। ਹਾਲਾਂਕਿ, ਬਾਅਦ ਵਿੱਚ ਉਨ੍ਹਾਂ ਨੇ ਆਪਣੇ ਪਿਤਾ ਦੇ ਸੁਪਨੇ ਨੂੰ ਪੂਰਾ ਕਰਨ ਲਈ ਆਈਏਐਸ ਅਫਸਰ ਬਣਨ ਦਾ ਫੈਸਲਾ ਕੀਤਾ। ਇਸ ਲਈ ਉਨ੍ਹਾਂ ਨੇ ਸੈਲਫ ਸਟਡੀ ਕੀਤੀ ਅਤੇ ਦੁਬਾਰਾ UPSC ਪ੍ਰੀਖਿਆ ਵਿੱਚ ਬੈਠੀ ਅਤੇ ਸਾਲ 2016 ਵਿੱਚ ਆਲ ਇੰਡੀਆ 55ਵਾਂ ਰੈਂਕ ਪ੍ਰਾਪਤ ਕਰਕੇ IAS ਅਧਿਕਾਰੀ ਬਣ ਗਈ।
ਝਾਰਖੰਡ ਵਿੱਚ ਮਿਲੀ ਪੋਸਟਿੰਗ
ਆਈਏਐਸ ਗਰਿਮਾ ਸਿੰਘ ਇਸ ਸਮੇਂ ਝਾਰਖੰਡ ਵਿੱਚ ਤਾਇਨਾਤ ਹਨ। ਉਨ੍ਹਾਂ ਨੇ ਕਈ ਵਿਭਾਗਾਂ ਵਿੱਚ ਵੱਖ-ਵੱਖ ਜ਼ਿੰਮੇਵਾਰੀਆਂ ਨਿਭਾਈਆਂ ਹਨ। ਰਿਪੋਰਟਾਂ ਦੇ ਅਨੁਸਾਰ, ਗਰਿਮਾ ਨੇ ਯੂਪੀਐਸਸੀ ਦੀ ਤਿਆਰੀ ਕਰਦੇ ਸਮੇਂ ਸੋਸ਼ਲ ਮੀਡੀਆ ਛੱਡ ਦਿੱਤਾ ਸੀ ਅਤੇ ਆਪਣੇ ਦੋਸਤਾਂ ਤੋਂ ਵੀ ਦੂਰੀ ਬਣਾ ਲਈ ਸੀ। ਆਪਣੇ ਅਨੁਸ਼ਾਸਨ ਅਤੇ ਜਨੂੰਨ ਨਾਲ, ਉਨ੍ਹਾਂ ਨੇ ਉਹ ਪ੍ਰਾਪਤ ਕੀਤਾ ਜੋ ਬਹੁਤ ਸਾਰੇ ਲੋਕਾਂ ਲਈ ਇੱਕ ਸੁਪਨਾ ਹੁੰਦਾ ਹੈ। ਆਪਣੇ ਦ੍ਰਿੜ ਇਰਾਦੇ ਨਾਲ, ਉਨ੍ਹਾਂ ਨੇ ਦਿਖਾਇਆ ਕਿ ਜੇ ਕੋਈ ਚਾਹੇ ਤਾਂ ਉਹ ਦੁਨੀਆ ਬਦਲ ਸਕਦਾ ਹੈ।