ਮੀਂਹ ਦੌਰਾਨ ਕਾਰ ਦੇ ਇੰਜਣ ਵਿੱਚ ਵੜਿਆ ਪਾਣੀ ਤਾਂ ਆਵੇਗਾ ਮੋਟਾ ਖਰਚਾ, ਹੁਣੇ ਹੀ ਲਵੋ ਇਹ ਐਡ-ਆਨ ਇੰਸ਼ੋਰੈਂਸ
ਕਾਰ ਬੀਮੇ ਦੀਆਂ ਮੁੱਖ ਤੌਰ 'ਤੇ ਦੋ ਕਿਸਮਾਂ ਹਨ, ਜਿਸ ਵਿੱਚ ਵਿਆਪਕ ਇੰਸ਼ੋਰੈਂਸ ਅਤੇ ਥਰਡ ਪਾਰਟੀ ਇੰਸ਼ੋਰੈਂਸ ਸ਼ਾਮਲ ਹਨ। ਇਸ ਵਿੱਚ ਥਰਡ ਪਾਰਟੀ ਇੰਸ਼ੋਰੈਂਸ ਦੁਰਘਟਨਾ ਦੌਰਾਨ ਸਾਹਮਣੇ ਵਾਲੇ ਵਿਅਕਤੀ ਦੇ ਸਰੀਰਕ ਅਤੇ ਵਾਹਨ ਦੇ ਨੁਕਸਾਨ ਨੂੰ ਕਵਰ ਕਰਦੀ ਹੈ। ਉੱਥੇ ਹੀ ਕੰਪਰਿਹੈਂਸਿਵ ਇੰਸ਼ੋਰੈਂਸ ਹੁੰਦਾ ਹੈ ਜੋ ਦੁਰਘਟਨਾ ਜਾਂ ਕਿਸੇ ਹੋਰ ਕਾਰਨ ਕਰਕੇ ਤੁਹਾਡੇ ਵਾਹਨ ਨੂੰ ਹੋਏ ਨੁਕਸਾਨ ਨੂੰ ਕਵਰ ਕਰਦਾ ਹੈ, ਪਰ ਇਹ ਬੀਮਾ ਤੁਹਾਡੇ ਵਾਹਨ ਦੇ ਇੰਜਣ ਨੂੰ ਕਵਰ ਨਹੀਂ ਕਰਦਾ ਹੈ।
ਕਾਰ ਇੰਸ਼ੋਰੈਂਸ
ਮਾਨਸੂਨ ਤੋਂ ਪਹਿਲਾਂ ਹੋਈ ਬਾਰਸ਼ ਨੇ ਦਿੱਲੀ ਸਮੇਤ ਐਨਸੀਆਰ ਦੇ ਕੁਝ ਹਿੱਸਿਆਂ ਨੂੰ ਜਲ-ਥਲ ਕਰ ਦਿੱਤਾ ਹੈ, ਜਿਸ ਨਾਲ ਲੋਕਾਂ ਨੂੰ ਕੜਾਕੇ ਦੀ ਗਰਮੀ ਤੋਂ ਰਾਹਤ ਮਿਲੀ ਹੈ, ਪਰ ਸੀਜ਼ਨ ਦੀ ਪਹਿਲੀ ਬਾਰਿਸ਼ ਕਾਰਨ ਕਈ ਥਾਵਾਂ ‘ਤੇ ਸੜਕਾਂ ‘ਤੇ ਪਾਣੀ ਵੀ ਭਰ ਗਿਆ ਹੈ। ਅਜਿਹੇ ‘ਚ ਜੇਕਰ ਤੁਸੀਂ ਆਪਣੀ ਕਾਰ ‘ਚ ਸਫਰ ਕਰਦੇ ਹੋ ਤਾਂ ਇਸ ਦਾ ਇੰਜਣ ਸੜਕ ‘ਤੇ ਜਮ੍ਹਾ ਪਾਣੀ ਨਾਲ ਭਰ ਸਕਦਾ ਹੈ।
ਜੇਕਰ ਤੁਹਾਡੇ ਵਾਹਨ ਦੇ ਇੰਜਣ ‘ਚ ਇਕ ਵਾਰ ਪਾਣੀ ਚੱਲਾ ਗਿਆ ਤਾਂ ਸਮਝ ਲਓ ਕਿ ਤੁਹਾਨੂੰ ਇਸ ਦੀ ਮੁਰੰਮਤ ਕਰਵਾਉਣ ਲਈ ਕਾਫੀ ਪੈਸਾ ਖਰਚ ਕਰਨਾ ਪਵੇਗਾ। ਅਸਲ ਵਿੱਚ, ਜਦੋਂ ਅਸੀਂ ਇੱਕ ਕਾਰ ਖਰੀਦਦੇ ਹਾਂ, ਤਾਂ ਇਸਨੂੰ ਜ਼ੀਰੋ ਡੈਪਥ ਇੰਸ਼ੋਰੈਂਸ ਦਿੱਤਾ ਜਾਂਦਾ ਹੈ ਜੋ ਕਾਰ ਦੇ ਭੰਨਤੋੜ ਅਤੇ ਹੋਰ ਨੁਕਸਾਨਾਂ ਨੂੰ ਕਵਰ ਕਰਦਾ ਹੈ। ਅਜਿਹੇ ‘ਚ ਯੂਜ਼ਰਸ ਇਸ ਇੰਸ਼ੋਰੈਂਸ ਨੂੰ ਘੱਟ ਹੀ ਲੈਂਦੇ ਹਨ ਅਤੇ ਜਦੋਂ ਵਾਹਨ ਦੇ ਇੰਜਣ ‘ਚ ਖਰਾਬੀ ਹੁੰਦੀ ਹੈ ਤਾਂ ਤੁਹਾਨੂੰ ਆਪਣੀ ਜੇਬ ‘ਚੋਂ ਇਸ ਨੂੰ ਠੀਕ ਕਰਵਾਉਣਾ ਪੈਂਦਾ ਹੈ।
ਕੰਪਰਿਹੈਂਸਿਵ ਇੰਸ਼ੋਰੈਂਸ ਨੂੰ ਕਰਵਾ ਸਕਦੇ ਹੋ ਐਡ-ਔਨ
ਜੇਕਰ ਤੁਸੀਂ ਆਪਣੇ ਵਾਹਨ ਨੂੰ ਹਮੇਸ਼ਾ ਚੰਗੀ ਹਾਲਤ ‘ਚ ਰੱਖਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਕੰਪਰਿਹੈਂਸਿਵ ਇੰਸ਼ੋਰੈਂਸ ਦੇ ਨਾਲ-ਨਾਲ ਐਡ-ਔਨ ਵੀ ਲੈਣਾ ਚਾਹੀਦਾ ਹੈ। ਜਿਸ ਵਿੱਚ ਤੁਸੀਂ ਜ਼ੀਰੋ ਡੈਪ, ਪਰਸਨਲ ਕਵਰ, ਰੋਡ ਸਾਈਡ ਅਸਿਸਟੈਂਸ, ਇੰਜਨ ਪ੍ਰੋਟੈਕਸ਼ਨ ਕਵਰ, NCB ਪ੍ਰੋਟੈਕਟਰ, ਚਾਬੀ ਅਤੇ ਲਾਕ ਰਿਪਲੇਸਮੈਂਟ ਆਦਿ ਸਮੇਤ ਬੀਮਾ ਸ਼ਾਮਲ ਕਰ ਸਕਦੇ ਹੋ। ਇਸ ਤਰ੍ਹਾਂ ਤੁਸੀਂ ਵਾਹਨ ਦੇ ਇੰਜਣ ਲਈ ਵੱਖਰਾ ਬੀਮਾ ਲੈ ਸਕਦੇ ਹੋ।
ਇਹ ਵੀ ਪੜ੍ਹੋ – ਮੈਨੂਅਲ ਗਿਅਰ ਵਾਲੀ ਕਾਰ ਚ ਨਾ ਕਰੋ ਇਹ ਗਲਤੀ, ਕਾਰ ਨੂੰ ਠੀਕ ਕਰਨਾ ਪਵੇਗਾ ਮਹਿੰਗਾ
ਤੁਹਾਨੂੰ ਦੱਸ ਦੇਈਏ ਕਿ ਜ਼ੀਰੋ ਡੈਪ ਇੰਸ਼ੋਰੈਂਸ ਨੂੰ ਨਵੀਂ ਤੋਂ ਲੈ ਕੇ ਪੰਜ ਤੋਂ ਸੱਤ ਸਾਲ ਪੁਰਾਣੀਆਂ ਕਾਰਾਂ ‘ਤੇ ਬੀਮੇ ਦੇ ਨਾਲ ਐਡ ਔਨ ਵਜੋਂ ਲਿਆ ਜਾ ਸਕਦਾ ਹੈ। ਇਸ ਤੋਂ ਪੁਰਾਣੀਆਂ ਕਾਰਾਂ ਲਈ ਕੰਪਨੀਆਂ ਵੱਲੋਂ ਜ਼ੀਰੋ ਡੈਪ ਕਵਰ ਨਹੀਂ ਦਿੱਤਾ ਜਾਂਦਾ ।