Shocking News: YouTuber ਨੇ ਦਿੱਤੀ ਮੌਤ ਨੂੰ ਚੁਣੌਤੀ, ਤੇਜ਼ ਰਫਤਾਰ ਕਾਰ ਤੋਂ ਮਾਰੀ ਛਾਲ; ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ

YouTuber ਨੇ ਦਿੱਤੀ ਮੌਤ ਨੂੰ ਚੁਣੌਤੀ, ਤੇਜ਼ ਰਫਤਾਰ ਕਾਰ ਤੋਂ ਮਾਰੀ ਛਾਲ

ਦੁਨੀਆ ‘ਚ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜਿਨ੍ਹਾਂ ‘ਤੇ ਸਟੰਟ ਕਰਨ ਦਾ ਅਜਿਹਾ ਭੂਤ ਸਵਾਰ ਰਹਿੰਦਾ ਹੈ ਕਿ ਉਹ ਕਿਸੇ ਵੀ ਹੱਦ ਤੱਕ ਜਾਣ ਲਈ ਤਿਆਰ ਰਹਿੰਦੇ ਹਨ। ਕਈ ਵਾਰ ਉਹ ਆਪਣੀ ਜਾਨ ਵੀ ਦਾਅ ‘ਤੇ ਲਗਾ ਦਿੰਦੇ ਹਨ। ਅਜਿਹਾ ਹੀ ਇੱਕ ਵਿਅਕਤੀ ਹੈ ਡੈਰੇਨ ਜੇਸਨ ਵਾਟਕਿੰਸ ਜੂਨੀਅਰ, ਜੋ ਇੱਕ ਮਸ਼ਹੂਰ ਯੂਟਿਊਬਰ ਹੈ। ਉਹ ਸੋਸ਼ਲ ਮੀਡੀਆ ‘ਤੇ IShowSpeed ​​ਦੇ ਨਾਂ ਨਾਲ ਮਸ਼ਹੂਰ ਹੈ। ਹਾਲ ਹੀ ‘ਚ ਉਨ੍ਹਾਂ ਦਾ ਇਕ ਵੀਡੀਓ ਵਾਇਰਲ ਹੋਇਆ ਹੈ, ਜਿਸ ‘ਚ ਉਹ ਅਜਿਹੇ ਖਤਰਨਾਕ ਸਟੰਟ ਕਰਦੇ ਨਜ਼ਰ ਆ ਰਹੇ ਹਨ, ਜਿਸ ਨੂੰ ਦੇਖ ਕੇ ਕੋਈ ਵੀ ਹੈਰਾਨ ਰਹਿ ਜਾਵੇਗਾ।

ਅਮਰੀਕਾ ਦੇ ਓਹੀਓ ਦਾ ਰਹਿਣ ਵਾਲਾ ਇਹ 19 ਸਾਲਾ ਯੂਟਿਊਬਰ ਨਾ ਸਿਰਫ ਆਪਣੀ ਗੇਮਿੰਗ ਕੰਟੈਂਟ ਲਈ ਜਾਣਿਆ ਜਾਂਦਾ ਹੈ, ਸਗੋਂ ਆਪਣੇ ਦਲੇਰ ਅਤੇ ਖਤਰਨਾਕ ਸਟੰਟ ਲਈ ਵੀ ਜਾਣਿਆ ਜਾਂਦਾ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ ਯੂਟਿਊਬ ‘ਤੇ ਉਸ ਦੇ 27 ਮਿਲੀਅਨ ਯਾਨੀ 2.7 ਕਰੋੜ ਤੋਂ ਜ਼ਿਆਦਾ ਸਬਸਕ੍ਰਾਈਬਰ ਹਨ। ਇਸ ਤੋਂ ਇਲਾਵਾ ਟਵਿਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ ਉਨ੍ਹਾਂ ਦੇ ਕਰੋੜਾਂ ਫਾਲੋਅਰਜ਼ ਹਨ। ਫਿਲਹਾਲ ਵਾਇਰਲ ਹੋ ਰਹੀ ਉਨ੍ਹਾਂ ਦੀ ਵੀਡੀਓ ‘ਚ ਉਹ ਜਾਨਲੇਵਾ ਸਟੰਟ ਕਰਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਤੇਜ਼ ਰਫਤਾਰ ਕਾਰ ‘ਤੇ ਇਸ ਤਰ੍ਹਾਂ ਛਾਲ ਮਾਰ ਦਿੱਤੀ ਕਿ ਲੋਕ ਦੇਖ ਕੇ ਹੈਰਾਨ ਰਹਿ ਗਏ। ਉਨ੍ਹਾਂ ਨੂੰ ਅਜਿਹਾ ਖਤਰਨਾਕ ਸਟੰਟ ਕਰਨ ਵਾਲਾ ‘ਦੁਨੀਆ ਦਾ ਪਹਿਲਾ ਵਿਅਕਤੀ’ ਕਿਹਾ ਜਾ ਰਿਹਾ ਹੈ।

ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਲੈਂਬੋਰਗਿਨੀ ਕਾਰ ਤੇਜ਼ ਰਫਤਾਰ ਨਾਲ ਯੂਟਿਊਬਰ ਵੱਲ ਆਉਂਦੀ ਹੈ। ਜਿਵੇਂ ਹੀ ਉਹ ਨੇੜੇ ਆਉਂਦੀ ਹੈ, ਡੈਰੇਨ ਹਵਾ ਵਿੱਚ ਛਾਲ ਮਾਰਦੇ ਹਨ। ਉਨ੍ਹਾਂ ਦੀ ਟਾਈਮਿੰਗ ਇੰਨੀ ਵਧੀਆ ਹੈ ਕਿ ਕਾਰ ਨਾਲ ਉਨ੍ਹਾਂ ਦਾ ਸਰੀਰ ਬਿਲਕੁਲ ਵੀ ਟੱਚ ਨਹੀਂ ਹੁੰਦਾ, ਉਹ ਸਮਾਂ ਆਉਣ ‘ਤੇ ਹਵਾ ਵਿਚ ਛਾਲ ਮਾਰਦੇ ਹਨ। ਲੋਕਾਂ ਨੂੰ ਇਹ ਖਤਰਨਾਕ ਸਟੰਟ ਨਾ ਕਰਨ ਦੀ ਸਲਾਹ ਦਿੱਤੀ ਗਈ ਹੈ, ਕਿਉਂਕਿ ਇਹ ਜਾਨਲੇਵਾ ਹੈ।

ਇਹ ਵੀ ਪੜ੍ਹੋ- ਲਾੜੀ ਦੀ ਵਿਦਾਈ ਤੋਂ ਪਹਿਲਾਂ ਦੀ ਇਹ ਵੀਡੀਓ ਤੁਹਾਨੂੰ ਵੀ ਕਰ ਦੇਵੇਗੀ ਭਾਵੁਕ, ਯੂਜ਼ਰਸ ਬੋਲੇ- ਦਿਲ ਨੂੰ ਛੂਹ ਲਿਆ

ਇਸ ਖਤਰਨਾਕ ਸਟੰਟ ਦੀ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @gharkekalesh ਨਾਮ ਦੀ ਆਈਡੀ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਸਿਰਫ 30 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 5 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਹਜ਼ਾਰਾਂ ਲੋਕ ਇਸ ਵੀਡੀਓ ਨੂੰ ਲਾਈਕ ਵੀ ਕਰ ਚੁੱਕੇ ਹਨ ਅਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਦੇ ਚੁੱਕੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਭਰਾ ਸੱਚਮੁੱਚ ਕੰਟੈਂਟ ਲਈ ਆਪਣੀ ਜਾਨ ਖਤਰੇ ‘ਚ ਪਾ ਰਿਹਾ ਹੈ’, ਜਦਕਿ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਇਹ ਸੱਚ ਨਹੀਂ ਹੋ ਸਕਦਾ’।