Viral Video: ਪਾਰਲੇ ਜੀ ਬਿਸਕੁਟ ਤੋਂ ਔਰਤ ਨੇ ਬਣਾਈ ਬਿਰਯਾਨੀ, ਰੈਸਿਪੀ ਦੇਖ ਭੜਕ ਗਏ ਲੋਕ

ਵਾਇਰਲ ਵੀਡੀਓ (Pic Source: Instagram)

ਨਾਨ-ਵੈਜ ਖਾਣ ਵਾਲੇ ਲੋਕਾਂ ਨੂੰ ਬਿਰਯਾਨੀ ਬਹੁਤ ਪਸੰਦ ਆਉਂਦੀ ਹੈ। ਲੋਕ ਬੜੇ ਚਾਅ ਨਾਲ ਬਿਰਯਾਨੀ ਖਾਂਦੇ ਹਨ। ਇਸ ਨੂੰ ਸਵਾਦ ਬਣਾਉਣ ਲਈ ਵੀ ਕਾਫੀ ਮਿਹਨਤ ਕਰਨੀ ਪੈਂਦੀ ਹੈ। ਕਿਹਾ ਜਾਂਦਾ ਹੈ ਕਿ ਚੰਗੀ ਬਿਰਯਾਨੀ ਬਣਾਉਣ ਲਈ ਮਸਾਲੇ ਬਹੁਤ ਚੰਗੀ ਤਰ੍ਹਾਂ ਮਿਲਾਉਣੇ ਚਾਹੀਦੇ ਹਨ। ਪਰ ਜ਼ਰਾ ਸੋਚੋ, ਜੇਕਰ ਕੋਈ ਇਸ ਬਿਰਯਾਨੀ ਨਾਲ ਪ੍ਰਯੋਗ ਕਰਨ ਲੱਗ ਜਾਵੇ ਤਾਂ ਇਸ ਨੂੰ ਖਾਣ ਦੇ ਸ਼ੌਕੀਨ ਲੋਕਾਂ ‘ਤੇ ਕੀ ਬੀਤਦੀ ਹੋਵੇਗੀ। ਜ਼ਾਹਰ ਹੈ ਕਿ ਲੋਕਾਂ ਦੇ ਦਿਲ ਟੁੱਟੇ ਹੋਣਗੇ। ਅਜਿਹਾ ਹੀ ਕੁਝ ਇਕ ਔਰਤ ਨੇ ਕੀਤਾ, ਜਦੋਂ ਉਸ ਨੇ ਬਿਰਯਾਨੀ ਦਾ ਅਜੀਬ ਪ੍ਰਯੋਗ ਕੀਤਾ। ਜਦੋਂ ਔਰਤ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਤਾਂ ਬਿਰਯਾਨੀ ਪ੍ਰੇਮੀ ਗੁੱਸੇ ‘ਚ ਆ ਗਏ।

ਦਰਅਸਲ, ਔਰਤ ਨੇ ਪਾਰਲੇ-ਜੀ ਬਿਸਕੁਟ ਪਾ ਕੇ ਬਿਰਯਾਨੀ ਤਿਆਰ ਕੀਤੀ ਤੇ ਲੋਕਾਂ ਨੂੰ ਪਰੋਸ ਦਿੱਤੀ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਪਾਰਲੇ ਜੀ ਬਿਸਕੁਟ ਤੋਂ ਬਣੀ ਬਿਰਯਾਨੀ ਪਰੋਸਣ ਲਈ ਤਿਆਰ ਖੜ੍ਹੀ ਹੈ। ਔਰਤ ਦੇ ਸਾਹਮਣੇ ਇੱਕ ਵੱਡਾ ਭਾਂਡਾ ਰੱਖਿਆ ਗਿਆ ਹੈ, ਜਿਸ ਵਿੱਚ ਪਾਰਲੇ ਜੀ ਬਿਸਕੁਟ ਅਤੇ ਇਸ ਦੇ ਕੁਝ ਪੈਕਟ ਬਿਰਯਾਨੀ ਦੇ ਨਾਲ ਪਏ ਦਿਖਾਈ ਦੇ ਰਹੇ ਹਨ। ਵੀਡੀਓ ‘ਚ ਔਰਤ ਦੱਸ ਰਹੀ ਹੈ ਕਿ ਉਸ ਨੇ ਪਾਰਲੇ-ਜੀ ਬਿਸਕੁਟ ਨੂੰ ਬਿਰਯਾਨੀ ਦੇ ਮਸਾਲੇ ‘ਚ ਪੀਸ ਕੇ ਮਿਲਾ ਦਿੱਤਾ ਹੈ। ਔਰਤ ਦੇ ਪਿੱਛੇ ਕੁੱਝ ਲੋਕ ਵੀ ਬੈਠੇ ਹਨ। ਜੋ ਉਸ ਬਿਰਯਾਨੀ ਨੂੰ ਖਾਣ ਲਈ ਬਹੁਤ ਉਤਸੁਕ ਹਨ।

ਇਸ ਬਿਰਯਾਨੀ ਨੂੰ ਤਿਆਰ ਕਰਨ ਵਾਲੀ ਔਰਤ ਦਾ ਨਾਂ ਹਿਨਾ ਕੌਸਰ ਹੈ। ਜਿਸ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ @creamycreationsbyhkr11 ਤੋਂ ਸ਼ੇਅਰ ਕੀਤਾ ਹੈ। ਜਿਸ ਨੂੰ ਹੁਣ ਤੱਕ 1 ਕਰੋੜ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਬਿਰਯਾਨੀ ਦਾ ਇਹ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਲੋਕ ਗੁੱਸੇ ‘ਚ ਆ ਗਏ ਅਤੇ ਔਰਤ ਨੂੰ ਗਾਲ੍ਹਾਂ ਕੱਢ ਕੇ ਪ੍ਰਤੀਕਿਰਿਆ ਦਿੱਤੀ। ਵੀਡੀਓ ‘ਤੇ ਟਿੱਪਣੀ ਕਰਦੇ ਹੋਏ, ਇੱਕ ਯੂਜ਼ਰ ਨੇ ਲਿਖਿਆ – “ਅਗਲੀ ਮਹਾਂਮਾਰੀ ਇਸ ਕਾਰਨ ਹੀ ਆਵੇਗੀ।” ਇਕ ਹੋਰ ਨੇ ਲਿਖਿਆ- ਇਸ ਦੇ ਲਈ ਇਸ ਔਰਤ ਖਿਲਾਫ ਮਾਮਲਾ ਦਰਜ ਹੋਣਾ ਚਾਹੀਦਾ ਹੈ।