Viral Video: ਪਾਣੀ ‘ਚ ਖੜ੍ਹ ਕੇ ਸੈਲਫੀ ਲੈਂਦੇ ਦੇਖੇ ਗਏ ਲੋਕ, ਸਵੀਮਿੰਗ ਪੂਲ ‘ਚ ਵੀ ਘੰਟਿਆਂ ਤੱਕ ਲੈਂਦੇ ਰਹੇ ਸਾਹ, ਦੇਖੋ ਵੀਡੀਓ

ਜ਼ਰੂਰੀ ਨਹੀਂ ਕਿ ਜੋ ਦੇਖਿਆ ਜਾ ਰਿਹਾ ਹੈ ਉਹ ਸਹੀ ਹੈ। ਤੁਸੀਂ ਇਹ ਗੱਲ ਜ਼ਰੂਰ ਸੁਣੀ ਹੋਵੇਗੀ। ਕਈ ਵਾਰ ਸਾਡੀਆਂ ਅੱਖਾਂ ਨਾਲ ਧੋਖਾ ਹੋ ਜਾਂਦਾ ਹੈ ਅਤੇ ਅਸੀਂ ਉਹੀ ਸਮਝਦੇ ਹਾਂ ਜੋ ਸਾਨੂੰ ਦਿਖਾਇਆ ਜਾਂਦਾ ਹੈ। ਅੱਖਾਂ ਨੂੰ ਧੋਖਾ ਦੇਣ ਵਾਲੀ ਅਜਿਹੀ ਹੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਜਿਸ ‘ਚ ਕੁਝ ਲੋਕ ਪਾਣੀ ਦੇ ਹੇਠਾਂ ਖੜ੍ਹੇ ਹੋ ਕੇ ਸੈਲਫੀ ਲੈਂਦੇ ਦੇਖੇ ਜਾ ਸਕਦੇ ਹਨ। ਨਾਲ ਹੀ, ਉਹ ਬਿਨਾਂ ਕਿਸੇ ਆਕਸੀਜਨ ਕਿੱਟ ਦੇ ਲੰਬੇ ਸਮੇਂ ਤੱਕ ਪਾਣੀ ਦੇ ਅੰਦਰ ਸਾਹ ਲੈਂਦੇ ਨਜ਼ਰ ਆ ਰਹੇ ਹਨ। ਹੁਣ ਇਹ ਦ੍ਰਿਸ਼ ਲੋਕਾਂ ਨੂੰ ਕਾਫੀ ਹੈਰਾਨ ਕਰ ਰਿਹਾ ਹੈ। ਲੋਕ ਇਹ ਸੋਚਣ ਵਿਚ ਰੁੱਝੇ ਹੋਏ ਹਨ ਕਿ ਪਾਣੀ ਦੇ ਹੇਠਾਂ ਖੜ੍ਹੇ ਲੋਕ ਇੰਨੀ ਦੇਰ ਤੱਕ ਸਾਹ ਕਿਵੇਂ ਰੋਕ ਸਕਦੇ ਹਨ।

ਪਹਿਲੀ ਨਜ਼ਰੇ ਇਹ ਮਾਮਲਾ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਲੱਗਦਾ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਵੀਡੀਓ ਦੀ ਸ਼ੁਰੂਆਤ ‘ਚ ਜੋ ਵੀ ਨਜ਼ਰ ਆ ਰਿਹਾ ਹੈ। ਇਹ ਸਿਰਫ਼ ਅੱਖਾਂ ਦਾ ਧੋਖਾ ਹੈ। ਇਸ ਨੂੰ ਆਪਟੀਕਲ Illusion ਵੀ ਕਿਹਾ ਜਾਂਦਾ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਵੀਡੀਓ ਦੀ ਸ਼ੁਰੂਆਤ ‘ਚ ਇਕ ਸਵੀਮਿੰਗ ਪੂਲ ਪਾਣੀ ਨਾਲ ਭਰਿਆ ਹੋਇਆ ਹੈ ਅਤੇ ਇਸ ਦੇ ਅੰਦਰ ਲੋਕ ਆਰਾਮ ਨਾਲ ਖੜ੍ਹੇ ਹੋ ਕੇ ਸੈਲਫੀ ਲੈਂਦੇ ਨਜ਼ਰ ਆ ਰਹੇ ਹਨ। ਜਦੋਂ ਕਿ ਉਨ੍ਹਾਂ ਕੋਲ ਨਾ ਤਾਂ ਕੋਈ ਆਕਸੀਜਨ ਸਿਲੰਡਰ ਹੈ ਅਤੇ ਨਾ ਹੀ ਕੁਝ ਹੋਰ। ਫਿਰ ਵੀ ਉਹ ਕਾਫੀ ਦੇਰ ਤੱਕ ਸਵੀਮਿੰਗ ਪੂਲ ਦੇ ਅੰਦਰ ਬੜੇ ਮਸਤੀ ਨਾਲ ਘੁੰਮਦੇ ਨਜ਼ਰ ਆ ਰਹੇ ਹਨ। ਪਰ ਜਿਵੇਂ ਹੀ ਵੀਡੀਓ ਕੁਝ ਸਮੇਂ ਲਈ ਚਲਦੀ ਹੈ ਅਤੇ ਅਸੀਂ ਜੋ ਵੀ ਦੇਖਦੇ ਹਾਂ, ਸਾਰਾ ਦ੍ਰਿਸ਼ ਬਦਲ ਜਾਂਦਾ ਹੈ। ਹੁਣ ਤੁਸੀਂ ਸਮਝ ਜਾਓਗੇ ਕਿ ਇਹ ਚਮਤਕਾਰ ਕਿਵੇਂ ਹੋਇਆ।

ਵੀਡੀਓ ਅੱਗੇ ਸਵੀਮਿੰਗ ਪੂਲ ਦੇ ਹੇਠਾਂ ਦਾ ਦ੍ਰਿਸ਼ ਦਿਖਾਉਂਦੀ ਹੈ। ਇਹ ਦੇਖ ਕੇ ਸਾਨੂੰ ਸਾਰਾ ਮਾਮਲਾ ਸਮਝ ਆਉਂਦਾ ਹੈ। ਦਰਅਸਲ, ਸਵੀਮਿੰਗ ਪੂਲ ਵਿੱਚ ਇੱਕ ਮੋਟਾ ਕੱਚ ਦਾ ਟੈਂਕ ਲਗਾਇਆ ਗਿਆ ਹੈ, ਜੋ ਪਾਣੀ ਨਾਲ ਭਰਿਆ ਹੋਇਆ ਹੈ। ਟੈਂਕੀ ਵਿੱਚ ਪਾਣੀ ਤਾਂ ਭਰਿਆ ਹੀ ਹੈ ਪਰ ਉਸ ਦੇ ਹੇਠਾਂ ਵਾਲੀ ਥਾਂ ਬਿਲਕੁਲ ਖਾਲੀ ਹੈ। ਜਿੱਥੇ ਲੋਕ ਖੜ੍ਹੇ ਹੋ ਕੇ ਉਨ੍ਹਾਂ ਦੀਆਂ ਤਸਵੀਰਾਂ ਖਿੱਚ ਰਹੇ ਹਨ। ਦੱਸ ਦੇਈਏ ਕਿ ਇਹ ਸ਼ਾਨਦਾਰ ਸਵਿਮਿੰਗ ਪੂਲ ਜਾਪਾਨ ਵਿੱਚ ਬਣਾਇਆ ਗਿਆ ਹੈ। ਜੋ ਕਿ ਕਾਨਾਜ਼ਾਵਾ ਵਿੱਚ 21ਵੀਂ ਸਦੀ ਦੀ ਸਮਕਾਲੀ ਕਲਾ ਦੇ ਅੰਦਰ ਸਥਿਤ ਹੈ। ਸਵਿਮਿੰਗ ਪੂਲ ਦਾ ਇਹ ਅਨੋਖਾ ਨਮੂਨਾ ਲਿਏਂਡਰੋ ਏਰਲਿਚ ਨਾਂ ਦੇ ਕਲਾਕਾਰ ਨੇ ਬਣਾਇਆ ਹੈ।

ਇਹ ਵੀ ਪੜ੍ਹੋ- ਅਜਗਰ ਦੀ ਲਪੇਟ ਚ ਆਇਆ ਜੰਗਲ ਦਾ ਰਾਜਾ, ਇਸ ਤਰ੍ਹਾਂ ਦਬੋਚਿਆ ਕਿ ਹਾਲਤ ਹੋ ਗਈ ਖ਼ਰਾਬ

ਸਵਿਮਿੰਗ ਪੂਲ ਦੀ ਇਸ ਵੀਡੀਓ ਨੂੰ @twosometravellers ਨਾਮ ਦੇ ਪੇਜ ਨੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਇਸ ਖਬਰ ਨੂੰ ਲਿਖੇ ਜਾਣ ਤੱਕ 1 ਕਰੋੜ ਤੋਂ ਵੱਧ ਲੋਕ ਇਸ ਨੂੰ ਦੇਖ ਚੁੱਕੇ ਹਨ ਅਤੇ ਕਰੀਬ 2 ਲੱਖ ਲੋਕ ਇਸ ਨੂੰ ਲਾਈਕ ਕਰ ਚੁੱਕੇ ਹਨ। ਕਈ ਲੋਕਾਂ ਨੇ ਵੀਡੀਓ ‘ਤੇ ਕੁਮੈਂਟ ਕਰਕੇ ਹੈਰਾਨੀ ਪ੍ਰਗਟਾਈ ਹੈ ਅਤੇ ਆਪਣੀ-ਆਪਣੀ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।