Video Viral: ਡਰੋਨ ਫੁਟੇਜ ‘ਚ ਦੇਖੋ ਕਿਵੇਂ ‘ਗੈਸ ਚੈਂਬਰ’ ‘ਚ ਬਦਲ ਗਈ ਦਿੱਲੀ, ਕਈ ਖੇਤਰਾਂ ‘ਚ AQI ਖਤਰਨਾਕ ਪੱਧਰ ‘ਤੇ ਪਹੁੰਚਿਆ

ਦਿੱਲੀ ਦੀ ਹਵਾ ਦਿਨੋਂ ਦਿਨ ਜ਼ਹਿਰੀਲੀ ਹੁੰਦੀ ਜਾ ਰਹੀ ਹੈ। ਹਾਲਾਤ ਇਹ ਹਨ ਕਿ ਵਧਦੇ ਹਵਾ ਪ੍ਰਦੂਸ਼ਣ ਕਾਰਨ ਲੋਕਾਂ ਨੂੰ ਸਾਹ ਲੈਣ ‘ਚ ਭਾਰੀ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜੇਕਰ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਕਿ ਸ਼ੁੱਕਰਵਾਰ ਤੋਂ ਸੂਬੇ ‘ਚ GRAP-3 ਲਾਗੂ ਹੋ ਗਿਆ ਹੈ। ਇਹ ਉਸ ਸਮੇਂ ਲਾਗੂ ਹੁੰਦਾ ਹੈ। ਜਦੋਂ AQI 401-450 ਦੀ ਰੇਂਜ ਵਿੱਚ ਗੰਭੀਰ ਹੋ ਜਾਂਦਾ ਹੈ। ਜੇਕਰ ਦਿੱਲੀ ਦੇ ਏਅਰ ਕੁਆਲਿਟੀ ਇੰਡੈਕਸ ਦੀ ਗੱਲ ਕਰੀਏ ਤਾਂ ਵੀਰਵਾਰ ਸਵੇਰੇ ਇਹ ਔਸਤਨ 426 ਸੀ।

ਹੁਣ ਹਰ ਸਾਲ ਪ੍ਰਦੂਸ਼ਣ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਅਗਾਊਂ ਯੋਜਨਾਵਾਂ ਕਾਗਜ਼ਾਂ ‘ਤੇ ਬਣ ਜਾਂਦੀਆਂ ਹਨ। ਇਸ ਨੂੰ ਕੰਟਰੋਲ ਕਰਨ ਦੇ ਨਾਂ ‘ਤੇ ਸਰਕਾਰੀ ਸੰਸਥਾਵਾਂ ਵੱਲੋਂ ਵੱਡੇ-ਵੱਡੇ ਐਲਾਨ ਕੀਤੇ ਜਾਂਦੇ ਹਨ ਪਰ ਜ਼ਮੀਨੀ ਪੱਧਰ ‘ਤੇ ਸੱਚਾਈ ਦੇਖੀਏ ਤਾਂ ਸਮਝ ਜਾਓਗੇ ਕਿ ਪੂਰੇ 4 ਮਹੀਨੇ ਦਿੱਲੀ-ਐੱਨ.ਸੀ.ਆਰ. ਦਾ ਅਸਮਾਨ ਧੁੰਦਲਾ ਰਹਿਣ ਵਾਲਾ ਹੈ। ਵੈਸੇ ਜੇਕਰ ਦਿੱਲੀ ਦੀ ਹਵਾ ਨੂੰ ਸਮਝਣਾ ਹੋਵੇ ਤਾਂ ਇਸ ਨਾਲ ਜੁੜਿਆ ਇਕ ਵੀਡੀਓ ਇਨ੍ਹੀਂ ਦਿਨੀਂ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਸੜਕਾਂ ‘ਤੇ ਜ਼ੀਰੋ ਵਿਜ਼ੀਬਿਲਟੀ ਰਿਕਾਰਡ ਕੀਤੀ ਜਾ ਰਹੀ ਹੈ। ਟ੍ਰੈਫਿਕ ਦੀ ਰਫ਼ਤਾਰ ਮੱਠੀ ਹੋ ਗਈ ਹੈ ਅਤੇ ਲੋਕ ਲੰਬੀਆਂ ਕਤਾਰਾਂ ਵਿੱਚ ਉਲਝੇ ਨਜ਼ਰ ਆ ਰਹੇ ਹਨ। ਇਸ ਕਲਿੱਪ ਨੂੰ ਨਿਊਜ਼ ਏਜੰਸੀ ਏਐਨਆਈ ਨੇ ਸ਼ੇਅਰ ਕੀਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਆਨੰਦ ਵਿਹਾਰ ਦਾ ਕੁਝ ਇਲਾਕਾ ਹੈ। ਜਿੱਥੇ ਪ੍ਰਦੂਸ਼ਣ ਕਾਰਨ ਸੰਘਣੀ ਧੁੰਦ ਦਿਖਾਈ ਦੇ ਰਹੀ ਹੈ, ਜਿਸ ਦੀ ਫੁਟੇਜ ਸਵੇਰੇ ਸਾਢੇ 9 ਵਜੇ ਦੇ ਕਰੀਬ ਲਈ ਗਈ ਹੈ।

ਇਹ ਵੀ ਪੜ੍ਹੋ- ਕੋਬਰਾ ਨੂੰ ਮੂੰਹ ਚ ਦਬੋਚ ਕੇ ਛਿਪਕਲੀ ਨੇ ਕੀਤਾ ਬੁਰਾ ਹਾਲ, ਵੀਡੀਓ ਦੇਖ ਕੇ ਦੰਗ ਰਹਿ ਜਾਓਗੇ

ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ, ਉਨ੍ਹਾਂ ਨੇ ਲਿਖਿਆ ਕਿ ਆਨੰਦ ਵਿਹਾਰ ਖੇਤਰ ਤੋਂ ਡਰੋਨ ਦ੍ਰਿਸ਼ ਹਵਾ ਵਿੱਚ ਧੂੰਧ ਦੀ ਇੱਕ ਮੋਟੀ ਪਰਤ ਦਿੱਖ ਰਹੀ ਹੈ, ਜੋ ਦਿੱਲੀ ਵਿੱਚ ਚੱਲ ਰਹੇ ਪ੍ਰਦੂਸ਼ਣ ਦੇ ਗੰਭੀਰ ਸੰਕਟ ਦੀ ਹੱਦ ਨੂੰ ਦਰਸਾ ਰਿਹਾ ਹੈ। ਇਸ ਵੀਡੀਓ ਨੂੰ 17 ਹਜ਼ਾਰ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ ਅਤੇ ਇਸ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਕਹਿ ਰਹੇ ਹਨ ਕਿ ਦਿੱਲੀ ਵਿੱਚ ਹੁਣ ਸਾਹ ਲੈਣਾ ਵੀ ਔਖਾ ਹੋ ਗਿਆ ਹੈ। ਇੱਥੇ 24 ਘੰਟਿਆਂ ਵਿੱਚ 14 ਸਟੇਸ਼ਨਾਂ ਦਾ ਔਸਤ AQI ਗੰਭੀਰ + (450 ਤੋਂ ਉੱਪਰ) ਸ਼੍ਰੇਣੀ ਵਿੱਚ ਹੈ, ਜੋ ਚਿੰਤਾ ਦਾ ਵਿਸ਼ਾ ਹੈ।