Emotional Love Story: ਕੁੜੀ ਨੇ ਸੋਚਿਆ ਛੱਡ ਗਿਆ ਹੈ ਬੁਆਏਫ੍ਰੈਂਡ, ਪਰ ਸੱਚਾਈ ਜਾਣ ਕੇ ਰਹਿ ਗਈ ਹੈਰਾਨ, ਵਾਇਰਲ ਹੋ ਰਹੀ ਅਨੋਖੀ ਪ੍ਰੇਮ ਕਹਾਣੀ
Emotional Love Story: ਇੱਕ ਅਮਰੀਕੀ ਕਪਲ ਦੀ ਲਵ ਸਟੋਰੀ ਇਨ੍ਹੀਂ ਦਿਨੀਂ ਕਾਫੀ ਵਾਇਰਲ ਹੋ ਰਹੀ ਹੈ। ਦਰਅਸਲ, ਪ੍ਰੇਮਿਕਾ ਨੂੰ ਨਹੀਂ ਪਤਾ ਸੀ ਕਿ ਉਸਦਾ ਬੁਆਏਫ੍ਰੈਂਡ ਹਾਦਸੇ ਕਾਰਨ ਕੋਮਾ ਵਿੱਚ ਚਲਾ ਗਿਆ ਹੈ। ਅਜਿਹੇ 'ਚ ਜਦੋਂ ਅਚਾਨਕ ਉਸ ਦੇ ਬੁਆਏਫ੍ਰੈਂਡ ਤੋਂ ਮੈਸੇਜ ਆਉਣੇ ਅਤੇ ਗੱਲਬਾਤ ਬੰਦ ਹੋ ਗਈ ਤਾਂ ਉਸ ਨੇ ਸੋਚਿਆ ਕਿ ਉਸ ਨੇ ਉਸ ਨੂੰ ਛੱਡ ਦਿੱਤਾ ਹੈ ਪਰ ਜਿਵੇਂ ਹੀ ਉਸ ਨੂੰ ਸੱਚਾਈ ਦਾ ਪਤਾ ਲੱਗਾ ਤਾਂ ਉਹ ਹੈਰਾਨ ਰਹਿ ਗਈ।
ਔਰਤ ਨੂੰ ਲਗਿਆ ਬੁਆਏਫ੍ਰੈਂਡ ਨੇ ਛੱਡ ਦਿੱਤਾ ਪਰ ਸੱਚਾਈ ਜਾਣਦੇ ਹੀ ਹੋਈ ਹੈਰਾਨ
ਅੱਜ-ਕੱਲ੍ਹ ਪ੍ਰੇਮ ਕਹਾਣੀਆਂ ਅਜਿਹੀਆਂ ਬਣ ਗਈਆਂ ਹਨ ਜੋ ਜ਼ਿਆਦਾ ਦੇਰ ਤੱਕ ਨਹੀਂ ਚੱਲ ਸਕਦੀਆਂ। ਕੁਝ ਲੋਕ ਕੁਝ ਮਹੀਨਿਆਂ ‘ਚ ਹੀ ਬ੍ਰੇਕਅੱਪ ਕਰ ਦਿੰਦੇ ਹਨ, ਜਦੋਂ ਕਿ ਕਈਆਂ ਦੇ ਰਿਸ਼ਤੇ ਕੁਝ ਦਿਨ ਹੀ ਚੱਲਦੇ ਹਨ ਪਰ ਅੱਜਕਲ ਸੋਸ਼ਲ ਮੀਡੀਆ ‘ਤੇ ਇਕ ਕਪਲ ਦੀ ਅਜਿਹੀ ਪ੍ਰੇਮ ਕਹਾਣੀ ਵਾਇਰਲ ਹੋ ਰਹੀ ਹੈ, ਜੋ ਕਿਸੇ ਫਿਲਮ ਦੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਇਸ ਕਪਲ ਦਾ ਨਾਂ ਕੋਡੀ ਬ੍ਰਾਇਨਟ ਅਤੇ ਹੇਲੀ ਵਲੋਸ਼ਨ ਹੈ। ਦੋਵੇਂ ਇੱਕ ਦੂਜੇ ਨੂੰ ਬਹੁਤ ਪਿਆਰ ਕਰਦੇ ਸਨ, ਉਨ੍ਹਾਂ ਵਿਚਕਾਰ ਸਭ ਕੁਝ ਠੀਕ ਚੱਲ ਰਿਹਾ ਸੀ ਪਰ ਇੱਕ ਦਿਨ ਕੋਡੀ ਨੇ ਅਚਾਨਕ ਹੈਲੀ ਨਾਲ ਗੱਲ ਕਰਨੀ ਬੰਦ ਕਰ ਦਿੱਤੀ। ਹੁਣ ਹੇਲੀ ਨੇ ਸੋਚਿਆ ਕਿ ਸ਼ਾਇਦ ਉਸ ਦਾ ਬੁਆਏਫ੍ਰੈਂਡ ਉਸ ਨੂੰ ਛੱਡ ਗਿਆ ਹੈ ਪਰ ਜਦੋਂ ਉਸ ਨੂੰ ਸੱਚਾਈ ਦਾ ਪਤਾ ਲੱਗਾ ਤਾਂ ਉਹ ਹੈਰਾਨ ਰਹਿ ਗਈ।
ਦਰਅਸਲ, ਹੇਲੀ ਨੇ ਕੋਡੀ ਬਾਰੇ ਜੋ ਵੀ ਸੋਚਿਆ ਸੀ, ਉਹ ਸਭ ਗਲਤ ਸਾਬਤ ਹੋਇਆ ਸੀ। ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਉਨ੍ਹਾਂ ਦੀ ਲਵ ਸਟੋਰੀ ਸਾਲ 2022 ‘ਚ ਸ਼ੁਰੂ ਹੋਈ ਸੀ। ਉਦੋਂ ਉਹ ਆਪਣੇ-ਆਪਣੇ ਪਰਿਵਾਰਾਂ ਨਾਲ ਹਵਾਈ ਵਿੱਚ ਛੁੱਟੀਆਂ ਮਨਾ ਰਹੇ ਸਨ। ਦੋਵਾਂ ਦੀ ਮੁਲਾਕਾਤ ਹੋਈ ਅਤੇ ਫਿਰ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ। ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਸਭ ਕੁਝ ਠੀਕ ਸੀ, ਪਰ ਉਨ੍ਹਾਂ ਦੇ ਰਿਸ਼ਤੇ ਨੇ ਅਚਾਨਕ ਮੋੜ ਲੈ ਲਿਆ ਜਦੋਂ ਕੋਡੀ ਨੇ ਅਚਾਨਕ ਹੇਲੀ ਨਾਲ ਗੱਲ ਕਰਨੀ ਬੰਦ ਕਰ ਦਿੱਤੀ। ਅਜਿਹੇ ‘ਚ ਹੈਲੀ ਨੇ ਸੋਚਿਆ ਕਿ ਸ਼ਾਇਦ ਕੋਡੀ ਉਸ ਨੂੰ ਭੁੱਲ ਗਿਆ ਹੈ ਪਰ ਫਿਰ ਇਕ ਦਿਨ ਉਸ ਨੇ ਸੋਸ਼ਲ ਮੀਡੀਆ ‘ਤੇ ਕੁਝ ਅਜਿਹਾ ਦੇਖਿਆ, ਜਿਸ ਨੇ ਉਸ ਨੂੰ ਹੈਰਾਨ ਕਰ ਦਿੱਤਾ।
ਇਹ ਵੀ ਪੜ੍ਹੋ- ਬਾਰਿਸ਼ ਚ ਸਰਫਿੰਗ ਕਰਨ ਲਈ ਮੁੰਡੇ ਨੇ ਲਗਾਇਆ ਜੁਗਾੜ, ਵੀਡੀਓ ਦੇਖ ਕੇ ਲੋਕਾਂ ਨੇ ਲਏ ਮਜ਼ੇ
ਸੋਸ਼ਲ ਮੀਡੀਆ ਰਾਹੀਂ ਸਾਹਮਣੇ ਆਇਆ ਸੱਚ
ਹੇਲੀ ਨੂੰ ਕੋਡੀ ਲਈ ਉਸਦੇ ਪਰਿਵਾਰ ਦੁਆਰਾ ਸ਼ੁਰੂ ਕੀਤੀ ਗਈ ਇੱਕ GoFundMe ਕੈਂਪੇਨ ਮਿਲੀ, ਜਿਸ ਨੇ ਦੱਸਿਆ ਕਿ ਉਸਨੂੰ ਇਬੀਜ਼ਾ, ਸਪੇਨ ਵਿੱਚ ਇੱਕ ਮੋਪੇਡ ਦੀ ਸਵਾਰੀ ਕਰਦੇ ਸਮੇਂ ਇੱਕ ਕਾਰ ਨੇ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਅਤੇ ਕੋਮਾ ਵਿੱਚ ਚਲਾ ਗਿਆ ਕਿਉਂਕਿ ਉਸਦੇ ਦਿਮਾਗ ਤੇ ਡੁੰਘੀ ਸੱਟ ਲੱਗ ਗਈ ਸੀ। ਹਾਲਾਂਕਿ ਕੁਝ ਸਮੇਂ ਬਾਅਦ ਕੋਡੀ ਕੋਮਾ ਤੋਂ ਬਾਹਰ ਆ ਗਏ, ਪਰ ਉਸ ਨੂੰ ਹੇਲੀ ਨਾਲ ਆਪਣੇ ਰਿਸ਼ਤੇ ਬਾਰੇ ਕੁਝ ਯਾਦ ਨਹੀਂ ਸੀ, ਪਰ ਉਹ ਕਹਿੰਦੇ ਹਨ ਕਿ ਸੱਚਾ ਪਿਆਰ ਕਦੇ ਅਸਫਲ ਨਹੀਂ ਹੁੰਦਾ, ਤਾਂ ਲਈ ਹੈਲੀ ਅਤੇ ਕੋਡੀ ਦੇ ਰਿਸ਼ਤੇ ਵਿੱਚ ਕੁਝ ਅਜਿਹਾ ਹੋਇਆ ਸੀ। ਕੋਡੀ ਫਿਰ ਤੋਂ ਹੈਲੀ ਨਾਲ ਜਜ਼ਬਾਤੀ ਤੌਰ ‘ਤੇ ਜੁੜਣ ਲੱਗੇ।
ਕਿਉਂਕਿ ਕੋਡੀ ਹਾਦਸੇ ਕਾਰਨ ਅੰਸ਼ਕ ਤੌਰ ‘ਤੇ ਅਧਰੰਗੀ ਹੋ ਗਿਆ ਸੀ, ਹੇਲੀ ਨੇ ਫਿਰ ਵੀ ਉਸ ਦਾ ਸਾਥ ਨਹੀਂ ਛੱਡਿਆ। ਉਹ ਭਿਆਨਕ ਹਾਲਾਤਾਂ ਵਿੱਚ ਵੀ ਕੋਡੀ ਦੇ ਨਾਲ ਖੜ੍ਹੀ ਰਹੀ, ਜਿਸ ਕਾਰਨ ਹੁਣ ਉਹ ਠੀਕ ਹੋਣ ਲੱਗ ਗਏ ਹਨ। ਜਿੱਥੋਂ ਤੱਕ ਉਨ੍ਹਾਂ ਦੇ ਰਿਸ਼ਤੇ ਦੀ ਗੱਲ ਹੈ, ਉਹ ਇੱਕ ਸਾਲ ਤੋਂ ਵੱਧ ਸਮੇਂ ਤੋਂ ਇਕੱਠੇ ਰਹਿ ਰਹੇ ਹਨ ਅਤੇ ਉਹ ਇੱਕ ਦੂਜੇ ਨਾਲ ਬਹੁਤ ਖੁਸ਼ ਹਨ।