Ratan Tata: ਇੰਸਟਾਗ੍ਰਾਮ ‘ਤੇ ਲੋਕ ਦਿਖਾ ਰਹੇ ਹਨ ਪਿਆਰ, 4 ਦਿਨਾਂ ‘ਚ 1 ਮਿਲੀਅਨ ਫਾਲੋਅਰਜ਼ ਵਧੇ

Ratan Tata: ਇੰਸਟਾਗ੍ਰਾਮ 'ਤੇ ਲੋਕ ਦਿਖਾ ਰਹੇ ਹਨ ਪਿਆਰ, 4 ਦਿਨਾਂ 'ਚ 1 ਮਿਲੀਅਨ ਫਾਲੋਅਰਜ਼ ਵਧੇ

ਰਤਨ ਟਾਟਾ ਨੂੰ ਕੌਣ ਪਸੰਦ ਨਹੀਂ ਕਰਦਾ, ਉਨ੍ਹਾਂ ਦੀ ਮੌਤ ਦਾ ਦੁੱਖ ਸਾਰਿਆਂ ਦੇ ਦਿਲਾਂ ‘ਚ ਹੈ। ਟਾਟਾ ਨੂੰ ਗੁਆਉਣ ਦਾ ਦੁੱਖ ਲਗਭਗ ਹਰ ਕਿਸੇ ਦੇ ਚਿਹਰੇ ‘ਤੇ ਦੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਦੀ ਮੌਤ ਤੋਂ ਬਾਅਦ 4 ਦਿਨਾਂ ਵਿੱਚ ਉਨ੍ਹਾਂ ਦੇ ਫਾਲੋਅਰਜ਼ ਵਿੱਚ 10 ਲੱਖ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਰਤਨ ਟਾਟਾ ਦੀਆਂ ਕਈ ਯਾਦਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਜਾ ਰਹੀਆਂ ਹਨ। ਜਿਹੜੇ ਲੋਕ ਰਤਨ ਟਾਟਾ ਨੂੰ ਫਾਲੋ ਨਹੀਂ ਕਰਦੇ ਸਨ, ਉਹ ਵੀ ਹੁਣ ਉਨ੍ਹਾਂ ਨੂੰ ਫਾਲੋ ਕਰ ਰਹੇ ਹਨ ਅਤੇ ਉਨ੍ਹਾਂ ਦੀਆਂ ਪੋਸਟਾਂ ‘ਤੇ ਟਿੱਪਣੀਆਂ ਕਰ ਕੇ ਆਪਣਾ ਦੁੱਖ ਪ੍ਰਗਟ ਕਰ ਰਹੇ ਹਨ।

4 ਦਿਨਾਂ ‘ਚ 1 ਮਿਲੀਅਨ ਫਾਲੋਅਰਜ਼ ਦਾ ਵਾਧਾ

ਜਿਸ ਦਿਨ ਰਤਨ ਟਾਟਾ ਦੀ ਮੌਤ ਹੋਈ, ਉਸ ਦਿਨ ਤੱਕ ਉਨ੍ਹਾਂ ਨੂੰ ਇੰਸਟਾਗ੍ਰਾਮ ‘ਤੇ ਕਰੀਬ 10 ਮਿਲੀਅਨ ਲੋਕ ਫਾਲੋ ਕਰ ਰਹੇ ਸਨ। ਪਰ ਉਨ੍ਹਾਂ ਦੇ ਜਾਣ ਦੇ 4 ਦਿਨਾਂ ਦੇ ਅੰਦਰ ਉਨ੍ਹਾਂ ਦੇ ਫਾਲੋਅਰਜ਼ ਦੀ ਗਿਣਤੀ 10 ਲੱਖ ਵਧ ਗਈ ਹੈ। ਕਰੋੜਾਂ ਫਾਲੋਅਰਜ਼ ਹੋਣ ਦੇ ਬਾਵਜੂਦ ਉਨ੍ਹਾਂ ਨੇ ਇੰਸਟਾਗ੍ਰਾਮ ‘ਤੇ ਸਿਰਫ 67 ਪੋਸਟਾਂ ਹੀ ਸ਼ੇਅਰ ਕੀਤੀਆਂ ਸਨ, ਜਿਨ੍ਹਾਂ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇੰਨੇ ਸਾਰੇ ਫਾਲੋਅਰਜ਼ ‘ਚੋਂ ਰਤਨ ਟਾਟਾ ਸਿਰਫ 2 ਅਕਾਊਂਟ ਫਾਲੋ ਕਰਦੇ ਸਨ, ਪਹਿਲਾ ਸਮਾਲ ਐਨੀਮਲ ਹਸਪਤਾਲ ਦਾ ਹੈ ਜੋ ਕਿ ਮੁੰਬਈ ‘ਚ ਹੈ, ਦੂਜਾ ਟਾਟਾ ਟਰੱਸਟ ਦਾ।

ਸੋਸ਼ਲ ਮੀਡੀਆ ‘ਤੇ ਰਤਨ ਟਾਟਾ ਦੀ ਫੈਨ ਫਾਲੋਇੰਗ

ਜੇਕਰ ਅਸੀਂ ਉਨ੍ਹਾਂ ਦੀ ਪ੍ਰਸਿੱਧੀ ਦੀ ਗੱਲ ਕਰੀਏ ਤਾਂ ਰਤਨ ਟਾਟਾ ਦੇ ਵੀ X ਪਲੇਟਫਾਰਮ ‘ਤੇ ਕਰੋੜਾਂ ਫਾਲੋਅਰਸ ਹਨ। X ਪਲੇਟਫਾਰਮ ‘ਤੇ ਉਨ੍ਹਾਂ ਨੂੰ 13.2 ਮਿਲੀਅਨ ਲੋਕ ਫਾਲੋ ਕਰਦੇ ਹਨ, ਇਹ ਅੰਕੜਾ ਤੇਜ਼ੀ ਨਾਲ ਵਧਦਾ ਨਜ਼ਰ ਆ ਰਿਹਾ ਹੈ। ਜਦੋਂ ਕਿ ਰਤਨ ਟਾਟਾ ਨੇ ਸਿਰਫ 7 ਲੋਕਾਂ ਨੂੰ ਫਾਲੋਬੈਕ ਕੀਤਾ ਹੈ।

ਇੰਸਟਾਗ੍ਰਾਮ ‘ਤੇ ਰਤਨ ਟਾਟਾ ਦੀ ਆਖਰੀ ਪੋਸਟ

ਰਤਨ ਟਾਟਾ ਨੇ 9 ਅਕਤੂਬਰ ਨੂੰ ਇੰਸਟਾਗ੍ਰਾਮ ‘ਤੇ ਆਪਣੀ ਆਖਰੀ ਪੋਸਟ ਸ਼ੇਅਰ ਕੀਤੀ ਸੀ, ਜਿਸ ‘ਚ ਉਨ੍ਹਾਂ ਨੇ ਆਪਣੀ ਸਿਹਤ ਬਾਰੇ ਜਾਣਕਾਰੀ ਦਿੱਤੀ ਸੀ ਅਤੇ ਲੋਕਾਂ ਦਾ ਉਨ੍ਹਾਂ ਦੇ ਬਾਰੇ ਚਿੰਤਾ ਕਰਨ ਲਈ ਧੰਨਵਾਦ ਵੀ ਕੀਤਾ ਸੀ। ਰਤਨ ਟਾਟਾ ਦੀ ਇਸ ਪੋਸਟ ਨੂੰ ਕਰੀਬ 2,664,124 ਲੋਕਾਂ ਨੇ ਲਾਈਕ ਕੀਤਾ ਹੈ ਅਤੇ ਹਜ਼ਾਰਾਂ ਲੋਕਾਂ ਨੇ ਕਮੈਂਟ ਕੀਤੇ ਹਨ।