ਗੁਰੂ ਦੀ ਪ੍ਰਾਪਤੀ ਲਈ ਛੱਡ ਦਿੱਤਾ ਸੀ ਰਾਜਭਾਗ, ਜਾਣੋ ਭਗਤ ਪੀਪਾ ਜੀ ਦੇ ਜੀਵਨ ਬਾਰੇ

ਭਗਤ ਪੀਪਾ ਜੀ ਭਗਤੀ ਲਹਿਰ ਦੇ ਪ੍ਰਮੁੱਖ ਸੰਤਾਂ ਵਿੱਚੋਂ ਹੋਏ ਹਨ। ਭਗਤ ਪੀਪਾ ਜੀ ਰਾਜਕੁਮਾਰ ਸਨ ਉਹਨਾਂ ਦਾ ਜਨਮ ਰਾਜਸਥਾਨ ਵਿੱਚ ਸਾਲ 1408 ਈਸਵੀ ਨੂੰ ਹੋਇਆ ਮੰਨਿਆ ਜਾਂਦਾ ਹੈ। ਪ੍ਰਚੱਲਤ ਕਥਾਵਾਂ ਅਨੁਸਾਰ ਭਗਤ ਪੀਪਾ ਜੀ ਸ਼ੁਰੂਆਤ ਵਿੱਚ ਦੁਰਗਾ ਦੇ ਪੁਜਾਰੀ ਸਨ। ਉਹ ਸ਼ਾਨੋ ਸੌਕਤ ਦੀ ਜਿੰਦਗੀ ਬਤੀਤ ਕਰਦੇ ਸਨ ਪਰ ਉਹਨਾਂ ਦਾ ਧਿਆਨ ਅਧਿਆਤਮਕ ਵੱਲ ਸੀ। ਉਹ ਅਕਸਰ ਸਾਧੂ ਸੰਤਾਂ ਦੀ ਸੇਵਾ ਕਰਿਆ ਕਰਦੇ ਸਨ। ਇੱਕ ਵਾਰ ਇੱਕ ਸਾਧੂਆਂ ਦਾ ਜੱਥਾ ਉਹਨਾਂ ਦੀ ਰਿਆਸਤ ਵਿੱਚ ਆਇਆ ਅਤੇ ਉਹ ਸਾਧੂ ਕੋਈ ਸ਼ਬਦ ਦਾ ਗਾਇਨ ਕਰ ਰਹੇ ਸਨ। ਸਾਧੂਆਂ ਦੇ ਚਿਹਰਿਆਂ ਦਾ ਨੂਰ ਦੇਖ ਕੇ ਪੀਪਾ ਜੀ ਹੈਰਾਨ ਰਹਿ ਗਏ ਉਹਨਾਂ ਨੇ ਸਾਧੂਆਂ ਤੋਂ ਪੁੱਛਿਆ ਕਿ ਸੰਤੋਂ ਮੈਂ ਸਾਰੀਆਂ ਸੁੱਖ ਸੁਵਿਧਾਵਾਂ ਹੋਣ ਦੇ ਬਾਵਜੂਦ ਅਸ਼ਾਂਤ ਅਤੇ ਦੁਖੀ ਹਾਂ। ਪਰ ਤੁਸੀਂ ਕੁੱਝ ਨਾ ਹੋਣ ਦੇ ਬਾਵਜ਼ੂਦ ਵੀ ਖੁਸ਼ ਹੋ ਅਤੇ ਤੁਹਾਡੇ ਚਿਹਰਿਆਂ ਤੇ ਨੂਰ ਹੈ ਅਤੇ ਜੋ ਤੁਸੀਂ ਸ਼ਬਦ ਗਾ ਰਹੇ ਹਨ ਉਹ ਕੀ ਹੈ। ਇਸ ਨੂੰ ਸੁਣ ਬਹੁਤ ਅਨੰਦ ਆ ਰਿਹਾ ਹੈ। ਤਾਂ ਸਾਧੂਆਂ ਨੇ ਉਹਨਾਂ ਨੂੰ ਸੰਤ ਰਾਮਾਨੰਦ ਜੀ ਦੀ ਦੱਸ ਪਾਈ

ਰਾਮਾਨੰਦ ਜੀ ਵੱਲ ਰਵਾਨਾ ਹੋਏ ਪੀਪਾ ਜੀ

ਸਾਧੂਆਂ ਦੀ ਗੱਲ ਸੁਣਕੇ ਭਗਤ ਪੀਪਾ ਜੀ ਆਪਣੀਆਂ ਰਾਣੀਆਂ, ਰਥ, ਘੋੜੇ, ਹਾਥੀ ਅਤੇ ਨੌਕਰ ਚਾਕਰ ਲੈਕੇ ਸੰਤਾਂ ਦੇ ਦਰਸ਼ਨਾਂ ਲਈ ਰਵਾਨਾ ਹੋ ਗਏ। ਰਾਮਾਨੰਦ ਜੀ ਦੀ ਕੁਟੀਆਂ ਵਿੱਚ ਪਹੁੰਚ ਕੇ ਉਹਨਾਂ ਨੇ ਸੇਵਕ ਰਾਹੀਂ ਰਾਮਾਨੰਦ ਜੀ ਤੱਕ ਸੁਨੇਹਾ ਪਹੁੰਚਾਇਆ ਕਿ ਪੀਪਾ ਜੀ ਤੁਹਾਨੂੰ ਮਿਲਣ ਚਾਹੁੰਦੇ ਹਨ। ਪਰ ਰਾਮਾਨੰਦ ਜੀ ਨੇ ਇਹ ਕਹਿੰਦਿਆਂ ਮਨ੍ਹਾਂ ਕਰ ਦਿੱਤਾ ਕਿ ਫਕੀਰਾਂ ਦਾ ਰਾਜੇ ਮਹਾਰਾਜਿਆਂ ਨਾਲ ਕੀ ਕੰਮ, ਜਾਓ ਉਹਨਾਂ ਨੂੰ ਕਹੋ ਕੀ ਜਾਕੇ ਖੂਹ ਵਿੱਚ ਛਾਲ ਮਾਰੋ। ਸੇਵਕ ਨੇ ਆਕੇ ਗੱਲ ਪੀਪਾ ਜੀ ਨੂੰ ਦੱਸੀ ਕਿ ਰਾਮਾਨੰਦ ਜੀ ਤੁਹਾਨੂੰ ਨਹੀਂ ਮਿਲਣਗੇ। ਨਾਲ ਹੀ ਉਹਨਾਂ ਨੇ ਖੂਹ ਵਿੱਚ ਛਾਲ ਮਾਰਨ ਵਾਲੀ ਗੱਲ ਵੀ ਦੱਸੀ। ਇਸ ਮਗਰੋਂ ਪੀਪਾ ਜੀ ਨੇ ਸਾਰੇ ਨੌਕਰਾਂ ਚਾਕਰਾਂ ਨੂੰ ਵਾਪਿਸ ਜਾਣ ਦਾ ਹੁਕਮ ਦਿੱਤਾ। ਉਹਨਾਂ ਦੀਆਂ ਪਤਨੀ ਵੀ ਵਾਪਿਸ ਚਲੀਆਂ ਗਈਆਂ। ਪਰ ਇੱਕ ਬਹੁਤ ਕਹਿਣ ਤੇ ਵੀ ਵਾਪਿਸ ਨਾ ਗਈ। ਉਹ ਸਾਰੀ ਜਿੰਦਗੀ ਭਗਤ ਜੀ ਦੇ ਨਾਲ ਰਹੀ।

ਖੂਹ ਵਿੱਚ ਛਾਲ ਮਾਰਨ ਗਏ ਭਗਤ ਜੀ

ਰਾਮਾਨੰਦ ਜੀ ਦਾ ਹੁਕਮ ਮੰਨਦਿਆਂ ਭਗਤ ਜੀ ਖੂਹ ਵਿੱਚ ਛਾਲ ਮਾਰਨ ਚਲੇ ਗਏ। ਪਰ ਧਿਆਨ ਲਗਾਕੇ ਸੰਤ ਪਰਮਾਨੰਦ ਸਭ ਦੇਖ ਰਹੇ ਸਨ। ਉਹਨਾਂ ਨੇ ਭਗਤ ਜੀ ਨੂੰ ਛਾਲ ਮਾਰਨ ਤੋਂ ਰੋਕ ਦਿੱਤਾ ਅਥੇ ਆਪਣਾ ਸੇਵਕ ਬਣਾ ਲਿਆ। ਇਸ ਮਗਰੋਂ ਭਗਤ ਜੀ ਰਾਜ ਭਾਗ ਛੱਡ ਦਿੱਤਾ ਅਤੇ ਤੀਰਥ ਯਾਤਰਾਵਾਂ ਤੇ ਨਿਕਲ ਗਏ।

ਸ੍ਰੀ ਗੁਰੂ ਨਾਨਕ ਜੀ ਨੇ ਲਈ ਬਾਣੀ

ਪਹਿਲੀ ਪਾਤਸ਼ਾਹੀ ਸਾਹਿਬ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਆਪਣੀ ਉਦਾਸੀਆਂ ਦੇ ਸਮੇਂ ਭਗਤ ਜੀ ਦੇ ਪੋਤਰੇ ਅਨੰਤਦਾਸ ਜੀ ਕੋਲੋਂ ਬਾਣੀ ਨੂੰ ਟੋਡਾਨਗਰ ਵਿੱਚ ਇਕੱਤਰ ਕੀਤਾ। ਇਸ ਤੋਂ ਬਾਅਦ ਇਹ ਬਾਣੀ ਪੰਜਵੇਂ ਪਾਤਸ਼ਾਹ ਗੁਰੂ ਅਰਜਨ ਦੇਵ ਜੀ ਨੂੰ ਮਿਲੀ ਅਤੇ ਉਹਨਾਂ ਨੇ ਇਸ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿੱਚ ਵਿਸ਼ੇਸ਼ ਥਾਂ ਦਿੱਤੀ।