WITT 2025: ਟੀਵੀ9 ਦੇ ਮਹਾਮੰਚ ‘ਤੇ ਅੱਜ ਫਿਲਮੀ ਸਿਤਾਰਿਆਂ ਦੀ ਮਹਿਫਿਲ, ਚਾਰ ਚੰਨ ਲਗਾਉਣਗੇ ਵਿਜੇ ਦੇਵਰਕੋਂਡਾ ਅਤੇ ਯਾਮੀ ਗੌਤਮ

ਟੀਵੀ9 ਦੇ ਮਹਾਮੰਚ 'ਤੇ ਅੱਜ ਫਿਲਮੀ ਸਿਤਾਰਿਆਂ ਦੀ ਮਹਿਫਿਲ

Follow Us On

ਦੇਸ਼ ਦਾ ਸਭ ਤੋਂ ਵੱਡਾ ਨਿਊਜ਼ ਨੈੱਟਵਰਕ TV9 ਆਪਣੇ ਸਾਲਾਨਾ ਪ੍ਰੋਗਰਾਮ ‘ਵਟ ਇੰਡੀਆ ਥਿੰਕਸ ਟੂਡੇ’ (What India Thinks Today Global Summit 2025) ਦੇ ਤੀਜੇ ਐਡੀਸ਼ਨ ਦੇ ਨਾਲ ਤਿਆਰ ਹੈ। ਇਹ ਮਹਾਕੁੰਭ ਅੱਜ ਯਾਨੀ ਸ਼ੁੱਕਰਵਾਰ (28 ਮਾਰਚ) ਤੋਂ ਸ਼ੁਰੂ ਹੋ ਰਿਹਾ ਹੈ। ਇਹ ਪ੍ਰੋਗਰਾਮ 2 ਦਿਨ ਚੱਲੇਗਾ। ਇਸ ਸ਼ਾਨਦਾਰ ਪਲੇਟਫਾਰਮ ‘ਤੇ ਰਾਜਨੀਤੀ ਤੋਂ ਲੈ ਕੇ ਮਨੋਰੰਜਨ ਤੱਕ ਦੀਆਂ ਵੱਡੀਆਂ ਸ਼ਖਸੀਅਤਾਂ ਹਿੱਸਾ ਲੈਣ ਜਾ ਰਹੀਆਂ ਹਨ। ਸਾਰੇ ਵੱਖ-ਵੱਖ ਮੁੱਦਿਆਂ ‘ਤੇ ਆਪਣੇ ਵਿਚਾਰ ਵੀ ਸਾਂਝੇ ਕਰਨਗੇ।

ਸਾਊਥ ਸੁਪਰਸਟਾਰ ਵਿਜੇ ਦੇਵਰਕੋਂਡਾ

‘ਵਟ ਇੰਡੀਆ ਥਿੰਕਸ ਟੂਡੇ’ ਦੇ ਸਭ ਤੋਂ ਖਾਸ ਮਹਿਮਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹੋਣਗੇ। ਇਨ੍ਹਾਂ ਤੋਂ ਇਲਾਵਾ, ਮਨੋਰੰਜਨ ਜਗਤ ਦੇ ਕਈ ਵੱਡੇ ਚਿਹਰੇ ਵੀ ਅੱਜ ਇਸ ਮੈਗਾ ਸਟੇਜ ‘ਤੇ ਮੌਜੂਦ ਰਹਿਣਗੇ। ਸਾਊਥ ਇੰਡਸਟਰੀ ਦੇ ਸੁਪਰਸਟਾਰ ਵਿਜੇ ਦੇਵਰਕੋਂਡਾ ਅੱਜ ਸ਼ਾਮ 6:40 ਵਜੇ ਸ਼ਾਮਲ ਹੋਣਗੇ। ਵਿਜੇ ਨਾਲ ਰੱਖੇ ਗਏ ਇਸ ਸੈਗਮੈਂਟ ਨੂੰ ਸਿਨੇਮਾ ਦਾ’ਵਿਜੇ’ ਪਥ ਰੱਖਿਆ ਗਿਆ ਹੈ। ਅੱਜ ਸਟਾਰਡਮ ਦੇ ਮੁੱਦੇ ‘ਤੇ ਸਾਊਥ ਸਟਾਰ ਨਾਲ ਚਰਚਾ ਕੀਤੀ ਜਾਵੇਗੀ।

ਅਮਿਤ ਸਾਧ ਅਤੇ ਜਿਮ ਸਰਭ

ਛੋਟੇ ਪਰਦੇ ਦੇ ਨਾਲ-ਨਾਲ ਵੱਡੇ ਪਰਦੇ ‘ਤੇ ਵੀ ਆਪਣੀ ਛਾਪ ਛੱਡਣ ਵਾਲੇ ਅਦਾਕਾਰ ਅਮਿਤ ਸਾਧ ਨੇ ਆਪਣੇ ਕੰਮ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਅਮਿਤ ਕੋਲ ਅੱਜ ਸਟਾਰਡਮ ਹੈ, ਪਰ ਉਸਨੇ ਆਪਣੀ ਜ਼ਿੰਦਗੀ ਵਿੱਚ ਬਹੁਤ ਸੰਘਰਸ਼ ਕੀਤਾ ਹੈ। ਸਲਮਾਨ ਖਾਨ ਅਤੇ ਅਕਸ਼ੈ ਕੁਮਾਰ ਵਰਗੇ ਵੱਡੇ ਸਿਤਾਰਿਆਂ ਨਾਲ ਕੰਮ ਕਰਨ ਵਾਲੇ ਅਮਿਤ ਸਾਧ ਨੂੰ ਅੱਜ ਕਿਸੇ ਪਛਾਣ ਦੀ ਲੋੜ ਨਹੀਂ ਹੈ। ਅੱਜ, ਟੀਵੀ9 ਦੇ ਮਹਾਂਮੰਚ ਤੇ ਅਮਿਤ ਸਾਧ ਅਤੇ ਜਿਮ ਸਰਭ ਵੀ ਸ਼ਾਮ 7:15 ਵਜੇ ਹਿੱਸਾ ਲੈਣ ਜਾ ਰਹੇ ਹਨ। ‘ਪਦਮਾਵਤ’ ਵਿੱਚ ‘ਮਲਿਕ ਕਾਫੂਰ’ ਦੀ ਭੂਮਿਕਾ ਨਿਭਾ ਕੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਣ ਵਾਲੇ ਜਿਮ ਸਰਭ, ਛੋਟੀਆਂ ਭੂਮਿਕਾਵਾਂ ਵਿੱਚ ਵੀ ਜਾਨ ਪਾ ਦਿੰਦੇ ਹਨ। ਜਿਮ ਨੇ ਬਾਲੀਵੁੱਡ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 2016 ਵਿੱਚ ‘ਨੀਰਜਾ’ ਨਾਲ ਕੀਤੀ ਸੀ। ਹੁਣ ਤੱਕ ਉਹ ਕਈ ਫਿਲਮਾਂ ਦੇ ਨਾਲ-ਨਾਲ ਸ਼ਾਰਟ ਫਿਲਮਸ ਵਿੱਚ ਵੀ ਕੰਮ ਕਰ ਚੁੱਕੇ ਹਨ।

ਯਾਮੀ ਗੌਤਮ ਵੀ ਕਰਨਗੇ ਸ਼ਿਰਕਤ

ਬਾਲੀਵੁੱਡ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਯਾਮੀ ਗੌਤਮ ਨੇ ਵੱਡੇ ਪਰਦੇ ‘ਤੇ ਕਈ ਅਜਿਹੇ ਕਿਰਦਾਰ ਨਿਭਾਏ ਹਨ, ਜਿਨ੍ਹਾਂ ਨੇ ਦਰਸ਼ਕਾਂ ਨੂੰ ਬਹੁਤ ਪ੍ਰਭਾਵਿਤ ਕੀਤਾ ਹੈ। ਯਾਮੀ ਉਨ੍ਹਾਂ ਅਭਿਨੇਤਰੀਆਂ ਵਿੱਚੋਂ ਇੱਕ ਹਨ ਜੋ ਵੱਡੇ ਪਰਦੇ ‘ਤੇ ਚੁਣੌਤੀਪੂਰਨ ਸਟੋਰੀਜ਼ ਪੇਸ਼ ਕਰਦੇ ਹਨ। ਅੱਜ, ‘ਵਟ ਇੰਡੀਆ ਥਿੰਕਸ ਟੂਡੇ’ ਦੇ ਮੰਚ ‘ਤੇ, ਯਾਮੀ ਗੌਤਮ ਸ਼ਾਮ 7:45 ਵਜੇ ਸਾਰਿਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦੀ ਦਿਖਾਈ ਦੇਣਗੇ।