Lawrence Bishnoi Gang Threat: ਬਾਦਸ਼ਾਹ ਨੂੰ ਲਾਰੈਂਸ ਗੈਂਗ ਦੀ ਧਮਕੀ, ‘ਅਗਲੀ ਵਾਰ ਸਿੱਧੀ ਮੱਥੇ ‘ਚ ਮਾਰਾਂਗੇ ਗੋਲੀ’, ਟਿਟਰੀ ਗਾਣੇ ‘ਤੇ ਵਧਿਆ ਵਿਵਾਦ
Lawrence Bishnoi Gang Threat: ਮਸ਼ਹੂਰ ਸਿੰਗਰ ਅਤੇ ਰੈਪਰ ਬਾਦਸ਼ਾਹ ਦੇ ਹਰਿਆਣਵੀ ਗੀਤ ਟਿਟਰੀ ਨੂੰ ਲੈ ਕੇ ਚੱਲ ਰਿਹਾ ਵਿਵਾਦ ਹੁਣ ਹੋਰ ਗੰਭੀਰ ਰੂਪ ਧਾਰਨ ਕਰ ਗਿਆ ਹੈ। ਇਸ ਮਾਮਲੇ ਵਿੱਚ ਹੁਣ ਖ਼ਤਰਨਾਕ ਲਾਰੈਂਸ ਬਿਸ਼ਨੋਈ ਗੈਂਗ ਦੀ ਐਂਟਰੀ ਹੋਈ ਹੈ।
ਬਾਦਸ਼ਾਹ ਨੂੰ ਲਾਰੈਂਸ ਗੈਂਗ ਦੀ ਧਮਕੀ, ਅਗਲੀ ਵਾਰ ਸਿੱਧੀ ਮੱਥੇ 'ਚ ਮਾਰਾਂਗੇ ਗੋਲੀ
ਮਸ਼ਹੂਰ ਸਿੰਗਰ ਅਤੇ ਰੈਪਰ ਬਾਦਸ਼ਾਹ ਦੇ ਹਰਿਆਣਵੀ ਗੀਤ ਟਿਟਰੀ ਨੂੰ ਲੈ ਕੇ ਚੱਲ ਰਿਹਾ ਵਿਵਾਦ ਹੁਣ ਹੋਰ ਗੰਭੀਰ ਰੂਪ ਧਾਰਨ ਕਰ ਗਿਆ ਹੈ। ਇਸ ਮਾਮਲੇ ਵਿੱਚ ਹੁਣ ਖ਼ਤਰਨਾਕ ਲਾਰੈਂਸ ਬਿਸ਼ਨੋਈ ਗੈਂਗ ਦੀ ਐਂਟਰੀ ਹੋਈ ਹੈ। ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਪਾਣੀਪਤ ਵਿੱਚ ਹੋਈ ਫਾਇਰਿੰਗ ਦੀ ਇੱਕ ਘਟਨਾ ਦੀ ਜ਼ਿੰਮੇਵਾਰੀ ਲੈਂਦਿਆਂ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਬਾਦਸ਼ਾਹ ਨੂੰ ਸਿੱਧੇ ਤੌਰ ‘ਤੇ ‘ਮੱਥੇ ਵਿੱਚ ਗੋਲੀ ਮਾਰਨ’ ਦੀ ਧਮਕੀ ਦਿੱਤੀ ਗਈ ਹੈ। ਗੈਂਗ ਦਾ ਦੋਸ਼ ਹੈ ਕਿ ਬਾਦਸ਼ਾਹ ਆਪਣੀ ਗਾਇਕੀ ਰਾਹੀਂ ਹਰਿਆਣਾ ਦੇ ਸੱਭਿਆਚਾਰ ਨੂੰ ਖ਼ਰਾਬ ਕਰ ਰਿਹਾ ਹੈ।
ਫਾਇਰਿੰਗ ਦੀ ਜ਼ਿੰਮੇਵਾਰੀ ਅਤੇ ਧਮਕੀ ਭਰਿਆ ਨੋਟ
ਸ਼ਨੀਵਾਰ, 14 ਮਾਰਚ ਨੂੰ ਪਾਣੀਪਤ ਦੇ ਅਸੰਧ ਰੋਡ ‘ਤੇ ਸਥਿਤ ਵੈਸਟਰਨ ਯੂਨੀਅਨ ਦੇ ਦਫ਼ਤਰ ‘ਤੇ ਹੋਈ ਅੰਨ੍ਹੇਵਾਹ ਫਾਇਰਿੰਗ ਦੀ ਜ਼ਿੰਮੇਵਾਰੀ ਰਣਦੀਪ ਮਲਿਕ ਅਤੇ ਅਨਿਲ ਪੰਡਿਤ (USA) ਨੇ ਲਈ ਹੈ, ਜੋ ਲਾਰੈਂਸ ਬਿਸ਼ਨੋਈ ਗੈਂਗ ਨਾਲ ਜੁੜੇ ਦੱਸੇ ਜਾਂਦੇ ਹਨ।
ਫੇਸਬੁੱਕ ‘ਤੇ ਪਾਈ ਗਈ ਪੋਸਟ ਵਿੱਚ ਗੈਂਗ ਨੇ ਕਿਹਾ ਕਿ ਇਹ ਫਾਇਰਿੰਗ ਹਵਾਲਾ ਕਾਰੋਬਾਰੀਆਂ ਦੇ ਖਿਲਾਫ ਸਿਰਫ ਇੱਕ ‘ਟ੍ਰੇਲਰ’ ਹੈ। ਇਸੇ ਪੋਸਟ ਦੇ ਅਖੀਰ ਵਿੱਚ ਬਾਦਸ਼ਾਹ ਨੂੰ ਸੰਬੋਧਿਤ ਕਰਦਿਆਂ ਲਿਖਿਆ ਗਿਆ, “ਸਿੰਗਰ ਬਾਦਸ਼ਾਹ, ਤੂੰ ਹਰਿਆਣਾ ਦੇ ਸੱਭਿਆਚਾਰ ਨੂੰ ਖ਼ਰਾਬ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। 2024 ਵਿੱਚ ਤੇਰੇ ਕਲੱਬ ਵਿੱਚ ਤੈਨੂੰ ਟ੍ਰੇਲਰ ਦਿਖਾਇਆ ਸੀ, ਅਗਲੀ ਵਾਰ ਸਿੱਧਾ ਤੇਰੇ ਮੱਥੇ ਵਿੱਚ ਗੋਲੀ ਮਾਰਾਂਗੇ।”
ਕੀ ਹੈ ਪੂਰਾ ਵਿਵਾਦ?
ਬਾਦਸ਼ਾਹ ਦਾ ਗੀਤ ‘ਟਿਟਰੀ’ 1 ਮਾਰਚ ਨੂੰ ਰਿਲੀਜ਼ ਹੋਇਆ ਸੀ, ਜਿਸ ਤੋਂ ਬਾਅਦ ਉਹ ਕਾਨੂੰਨੀ ਸ਼ਿਕੰਜੇ ਵਿੱਚ ਫਸ ਗਏ ਸਨ। ਹਰਿਆਣਾ ਮਹਿਲਾ ਕਮਿਸ਼ਨ ਵੱਲੋਂ ਸਭ ਤੋਂ ਪਹਿਲਾਂ ਇਸ ਗੀਤ ਦੇ ਬੋਲਾਂ ਅਤੇ ਵੀਡੀਓ ਦੇ ਦ੍ਰਿਸ਼ਾਂ ਨੂੰ ਇਤਰਾਜ਼ਯੋਗ ਦੱਸਦਿਆਂ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।
ਹਾਲਾਂਕਿ, ਵਿਵਾਦ ਵਧਦਾ ਦੇਖ ਬਾਦਸ਼ਾਹ ਨੇ ਜਨਤਕ ਤੌਰ ‘ਤੇ ਮੁਆਫੀ ਵੀ ਮੰਗੀ ਸੀ ਅਤੇ ਸਪੱਸ਼ਟ ਕੀਤਾ ਸੀ ਕਿ ਉਹ ਕਿਸੇ ਦਾ ਅਪਮਾਨ ਨਹੀਂ ਕਰਨਾ ਚਾਹੁੰਦੇ ਸਨ। ਵਿਵਾਦਾਂ ਕਾਰਨ ਇਸ ਗਾਣੇ ਨੂੰ ਕਈ ਡਿਜੀਟਲ ਪਲੇਟਫਾਰਮਾਂ ਤੋਂ ਹਟਾ ਵੀ ਦਿੱਤਾ ਗਿਆ ਹੈ, ਪਰ ਲਾਰੈਂਸ ਗੈਂਗ ਦੀ ਇਸ ਧਮਕੀ ਨੇ ਮਾਮਲੇ ਨੂੰ ਹੋਰ ਭੜਕਾ ਦਿੱਤਾ ਹੈ।
ਇਹ ਵੀ ਪੜ੍ਹੋ
ਬਾਦਸ਼ਾਹ ਦੇ ਹੱਕ ਵਿੱਚ ਉਤਰੇ ਕਈ ਕਲਾਕਾਰ
ਇਸ ਔਖੀ ਘੜੀ ਵਿੱਚ ਕਈ ਕਲਾਕਾਰ ਬਾਦਸ਼ਾਹ ਦੇ ਸਮਰਥਨ ਵਿੱਚ ਵੀ ਸਾਹਮਣੇ ਆਏ ਹਨ। ਸਿੰਗਰ ਸੈਂਟੀ ਸ਼ਰਮਾ ਨੇ ਹਾਲ ਹੀ ਵਿੱਚ ਇੱਕ ਪੋਸਟ ਪਾ ਕੇ ਕਿਹਾ ਹੈ ਕਿ ਰੈਪਰਾਂ ਦੇ ਬੋਲ ਅਕਸਰ ਆਪਣੇ ਮੁਕਾਬਲੇਬਾਜ਼ਾਂ ਲਈ ਹੁੰਦੇ ਹਨ, ਨਾ ਕਿ ਕਿਸੇ ਖਾਸ ਮਹਿਲਾ ਜਾਂ ਕਿਸੇ ਵਿਅਕਤੀ ਵਿਸ਼ੇਸ਼ ਨੂੰ ਨੀਵਾਂ ਦਿਖਾਉਣ ਲਈ। ਫਿਲਹਾਲ, ਪੁਲਿਸ ਇਸ ਧਮਕੀ ਭਰੀ ਪੋਸਟ ਅਤੇ ਪਾਣੀਪਤ ਫਾਇਰਿੰਗ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕਰ ਰਹੀ ਹੈ ਤਾਂ ਜੋ ਅਸਲ ਦੋਸ਼ੀਆਂ ਤੱਕ ਪਹੁੰਚਿਆ ਜਾ ਸਕੇ।