ਮਨੀ ਲਾਂਡਰਿੰਗ ਮਾਮਲੇ ‘ਚ ਸ਼ਿਲਪਾ ਸ਼ੈੱਟੀ ਅਤੇ ਰਾਜ ਕੁੰਦਰਾ ਨੇ ED ਦੇ ਨੋਟਿਸ ਨੂੰ ਚੁਣੌਤੀ ਦਿੱਤੀ, ਪਹੁੰਚੇ ਬੰਬੇ ਹਾਈ ਕੋਰਟ
ਇਹ ਕਾਰਵਾਈ 2018 ਤੋਂ ਚੱਲ ਰਹੀ ਹੈ, ਜਦੋਂ ਈਡੀ ਨੇ ਅਮਿਤ ਭਾਰਦਵਾਜ ਦੇ ਖਿਲਾਫ ਕਥਿਤ ਕ੍ਰਿਪਟੋ ਜਾਇਦਾਦ ਪੋਂਜੀ ਸਕੀਮ ਵਿੱਚ ਕੇਸ ਦਰਜ ਕੀਤਾ ਸੀ। ਜਿਸ 'ਚ ਦੋਸ਼ ਹੈ ਕਿ ਸ਼ਿਲਪਾ ਸ਼ੈੱਟੀ ਅਤੇ ਰਾਜਕੁੰਦਰਾ ਸਮੇਤ ਹੋਰ ਸਹਿ ਦੋਸ਼ੀਆਂ ਨੇ ਬਿਟਕੁਆਇਨ ਦੇ ਰੂਪ 'ਚ ਨਿਵੇਸ਼ਕਾਂ ਨੂੰ 6 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਧੋਖਾਧੜੀ ਕੀਤੀ ਸੀ।
ਬਾਲੀਵੁੱਡ ਅਭਿਨੇਤਰੀ ਸ਼ਿਲਪਾ ਸ਼ੈੱਟੀ ਅਤੇ ਉਸ ਦੇ ਪਤੀ ਰਾਜ ਕੁੰਦਰਾ ਨੇ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਬਾਂਬੇ ਹਾਈ ਕੋਰਟ ਤੱਕ ਪਹੁੰਚ ਕੀਤੀ ਹੈ। ਸ਼ਿਲਪਾ ਸ਼ੈੱਟੀ ਅਤੇ ਉਸਦੇ ਪਤੀ ਰਾਜ ਕੁੰਦਰਾ ਦਾ ਮੁੰਬਈ ਦੇ ਜੁਹੂ ਖੇਤਰ ਵਿੱਚ ਰਿਹਾਇਸ਼ੀ ਅਹਾਤਾ ਅਤੇ ਪਵਾਨਾ ਝੀਲ ਦੇ ਨੇੜੇ ਫਾਰਮ ਹਾਊਸ ਨੂੰ ਕਥਿਤ ਕ੍ਰਿਪਟੋ ਸੰਪਤੀ ਪੋਂਜੀ ਸਕੀਮ ਕੇਸ ਵਿੱਚ ਈਡੀ ਦੁਆਰਾ ਅਸਥਾਈ ਤੌਰ ‘ਤੇ ਜ਼ਬਤ ਕੀਤਾ ਗਿਆ ਸੀ। ਇਸੇ ਸੰਪਤੀ ਨੂੰ ਬੇਦਖ਼ਲੀ ਨੋਟਿਸ ਨੂੰ ਚੁਣੌਤੀ ਦਿੰਦੇ ਹੋਏ ਬੰਬੇ ਹਾਈ ਕੋਰਟ ਵਿੱਚ ਪਹੁੰਚ ਕੀਤੀ ਗਈ ਹੈ।
ਇਸ ਪਟੀਸ਼ਨ ਵਿੱਚ, ਕੁੰਦਰਾ ਨੇ ਈਡੀ ਦੀਆਂ ਮਨਮਾਨੀਆਂ ਕਾਰਵਾਈਆਂ ਵਿਰੁੱਧ ਆਪਣੇ ਅਧਿਕਾਰਾਂ ਅਤੇ ਆਪਣੇ ਪਰਿਵਾਰ ਦੀ ਸ਼ਰਨ ਦੀ ਰੱਖਿਆ ਲਈ 27 ਸਤੰਬਰ, 2024 ਨੂੰ ਬੇਦਖਲੀ ਨੋਟਿਸ ਜਾਰੀ ਕਰਨ ਦੇ ਆਦੇਸ਼ ਦੀ ਮੰਗ ਕੀਤੀ ਹੈ। ਜਿਸ ਵਿੱਚ ਕੁੰਦਰਾ ਅਤੇ ਉਸ ਦੀ ਪਤਨੀ ਨੂੰ 10 ਦਿਨਾਂ ਦੇ ਅੰਦਰ ਆਪਣੀ ਜਾਇਦਾਦ, ਮੁੰਬਈ ਵਿੱਚ ਇੱਕ ਰਿਹਾਇਸ਼ੀ ਘਰ ਅਤੇ ਪੁਣੇ ਵਿੱਚ ਇੱਕ ਫਾਰਮ ਹਾਊਸ ਖਾਲੀ ਕਰਨ ਦਾ ਨਿਰਦੇਸ਼ ਦਿੱਤਾ ਗਿਆ ਹੈ। ਈਡੀ ਨੇ ਉਸ ਨੂੰ 3 ਅਕਤੂਬਰ ਨੂੰ ਬੇਦਖਲੀ ਦਾ ਨੋਟਿਸ ਦਿੱਤਾ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਕਾਰਵਾਈ 2018 ਤੋਂ ਚੱਲ ਰਹੀ ਹੈ, ਜਦੋਂ ਈਡੀ ਨੇ ਅਮਿਤ ਭਾਰਦਵਾਜ ਦੇ ਖਿਲਾਫ ਕਥਿਤ ਕ੍ਰਿਪਟੋ ਜਾਇਦਾਦ ਪੋਂਜੀ ਸਕੀਮ ਵਿੱਚ ਕੇਸ ਦਰਜ ਕੀਤਾ ਸੀ। ਜਿਸ ‘ਚ ਦੋਸ਼ ਹੈ ਕਿ ਸ਼ਿਲਪਾ ਸ਼ੈੱਟੀ ਅਤੇ ਰਾਜਕੁੰਦਰਾ ਸਮੇਤ ਹੋਰ ਸਹਿ ਦੋਸ਼ੀਆਂ ਨੇ ਬਿਟਕੁਆਇਨ ਦੇ ਰੂਪ ‘ਚ ਨਿਵੇਸ਼ਕਾਂ ਨੂੰ 6 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਧੋਖਾਧੜੀ ਕੀਤੀ ਸੀ।
ਪਟੀਸ਼ਨ ਵਿੱਚ ਕਿਹਾ ਗਿਆ ਹੈ ਕਿ ਜੋੜਾ ਇਸ ਮਾਮਲੇ ਵਿੱਚ ਈਡੀ ਨੂੰ ਸਹਿਯੋਗ ਕਰ ਰਿਹਾ ਹੈ ਅਤੇ ਉਨ੍ਹਾਂ ਨੇ 2018 ਤੋਂ 2024 ਦਰਮਿਆਨ ਈਡੀ ਵੱਲੋਂ ਉਨ੍ਹਾਂ ਨੂੰ ਭੇਜੇ ਗਏ ਸਾਰੇ ਸੰਮਨਾਂ ਦਾ ਜਵਾਬ ਦਿੱਤਾ ਹੈ।