ਆਮਿਰ ਖਾਨ ਤੇ ਕਿਰਨ ਰਾਓ ਨੇ ਬਦਲਿਆ ‘ਲਾਪਤਾ ਲੇਡੀਜ਼’ ਦਾ ਨਾਂ,ਕਿਉਂ ਲਿਆ ਫੈਸਲਾ?

ਸੋਸ਼ਲ ਮੀਡੀਆ

Lost Ladies: ਆਮਿਰ ਖਾਨ ਅਤੇ ਕਿਰਨ ਰਾਓ ਨੇ ਆਸਕਰ ਤੋਂ ਪਹਿਲਾਂ ਆਪਣੀ ਫਿਲਮ ‘ਲਾਪਤਾ ਲੇਡੀਜ਼’ ਦਾ ਨਾਂ ਬਦਲ ਦਿੱਤਾ ਹੈ। ਕਿਰਨ ਰਾਓ ਦੇ ਨਿਰਦੇਸ਼ਨ ‘ਚ ਬਣੀ ਇਸ ਫਿਲਮ ਦੇ ਨਿਰਮਾਤਾਵਾਂ ਨੇ ਇੱਕ ਨਵਾਂ ਪੋਸਟਰ ਜਾਰੀ ਕੀਤਾ ਹੈ, ਜਿਸ ਵਿੱਚ ਫਿਲਮ ਦਾ ਨਾਂ ਲੌਸਟ ਲੇਡੀਜ਼ ਲਿਖਿਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਆਸਕਰ ‘ਚ ਫਿਲਮ ਦੇ ਪ੍ਰਚਾਰ ਦੀ ਸਹੂਲਤ ਲਈ ਫਿਲਮ ਦਾ ਨਾਂ ਬਦਲਣ ਦਾ ਫੈਸਲਾ ਕੀਤਾ ਗਿਆ ਹੈ।

ਫਿਲਮ ਦੇ ਨਵੇਂ ਨਾਂ ਵਾਲਾ ਪੋਸਟਰ ਆਮਿਰ ਖਾਨ ਪ੍ਰੋਡਕਸ਼ਨ ਹਾਊਸ ਦੇ ਅਧਿਕਾਰਤ ਇੰਸਟਾਗ੍ਰਾਮ ‘ਤੇ ਵੀ ਸ਼ੇਅਰ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਮੇਕਰਸ ਨੇ ਹਾਲ ਹੀ ‘ਚ ‘ਲੌਸਟ ਲੇਡੀਜ਼’ ਨਾਂ ਦਾ ਇੰਸਟਾਗ੍ਰਾਮ ਪੇਜ ਵੀ ਬਣਾਇਆ ਹੈ। ਨਵੇਂ ਪੋਸਟਰ ‘ਤੇ ਦੱਸਿਆ ਗਿਆ ਹੈ ਕਿ ਇਸ ਫਿਲਮ ਨੂੰ ਭਾਰਤ ਨੇ ਸਰਵੋਤਮ ਅੰਤਰਰਾਸ਼ਟਰੀ ਫੀਚਰ ਫਿਲਮ ਸ਼੍ਰੇਣੀ ‘ਚ ਆਸਕਰ ਲਈ ਅਧਿਕਾਰਤ ਐਂਟਰੀ ਵਜੋਂ ਭੇਜਿਆ ਹੈ।

ਇੰਸਟਾ ‘ਤੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ,”ਇੰਤਜ਼ਾਰ ਹੁਣ ਖਤਮ ਹੋ ਗਿਆ ਹੈ। ਇਹ ਲੌਸਟ ਲੇਡੀਜ਼ ਦਾ ਅਧਿਕਾਰਤ ਪੋਸਟਰ ਹੈ। ਫੂਲ ਅਤੇ ਜਯਾ ਦੀ ਯਾਤਰਾ ਦੀ ਇੱਕ ਝਲਕ। ਪੋਸਟਰ ਵਿੱਚ ਪੋਸਟਰ ਬਣਾਉਣ ਵਾਲਿਆਂ ਦਾ ਵੀ ਧੰਨਵਾਦ ਕੀਤਾ ਗਿਆ ਹੈ।

ਸ਼ੈੱਫ ਵਿਕਾਸ ਖੰਨਾ ਦੇ ਘਰ ਸਪੈਸ਼ਲ ਸਕ੍ਰੀਨਿੰਗ

ਮੰਗਲਵਾਰ ਨੂੰ, ਸ਼ੈੱਫ ਵਿਕਾਸ ਖੰਨਾ ਨੇ ਨਿਊਯਾਰਕ ਵਿੱਚ ਫਿਲਮ ਲੌਸਟ ਲੇਡੀਜ਼ ਦੀ ਇੱਕ ਵਿਸ਼ੇਸ਼ ਸਕ੍ਰੀਨਿੰਗ ਦੀ ਮੇਜ਼ਬਾਨੀ ਕੀਤੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਅਤੇ ਲਿਖਿਆ, ”ਜਦੋਂ ਦਿਲੋਂ ਅਰਦਾਸ ਆਉਂਦੀ ਹੈ, ‘ਜੀਤ ਲੋ ਦੁਨੀਆ’। ਮੈਨੂੰ ਕੁਝ ਅਜਿਹਾ ਹੀ ਮਹਿਸੂਸ ਹੋਇਆ ਜਦੋਂ ਮੈਂ ਇੱਕ ਆਸਕਰ ਚੋਣ ਪ੍ਰਚਾਰ ਪ੍ਰੋਗਰਾਮ ਦੀ ਮੇਜ਼ਬਾਨੀ ਕੀਤੀ। ਕਿਰਨ, ਤੁਸੀਂ ਇੱਕ ਸੱਚੇ ਕਲਾਕਾਰ ਹੋ, ਜਿਸ ਨੇ ਅਜਿਹੀ ਆਈਕਾਨਿਕ ਫਿਲਮ ਬਣਾਈ ਹੈ। ਪੋਸਟ ‘ਚ ਉਨ੍ਹਾਂ ਨੇ ਆਮਿਰ ਖਾਨ ਦੀ ਵੀ ਤਾਰੀਫ ਕੀਤੀ ਹੈ।

ਲਾਪਤਾ ਲੇਡੀਜ਼ ਵਿੱਚੋਂ ਕੌਣ?

ਲਾਪਤਾ ਲੇਡੀਜ਼ ਵਿੱਚ ਨਿਤਾਂਸ਼ੀ ਗੋਇਲ, ਪ੍ਰਤਿਭਾ ਰਾਂਤਾ ਅਤੇ ਸਪਸ਼ ਸ਼੍ਰੀਵਾਸਤਵ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਤੋਂ ਇਲਾਵਾ ਫਿਲਮ ‘ਚ ਰਵੀ ਕਿਸ਼ਨ, ਛਾਇਆ ਕਦਮ, ਸਤੇਂਦਰ ਸੋਨੀ ਅਤੇ ਗੀਤਾ ਅਗਰਵਾਲ ਸ਼ਰਮਾ ਵਰਗੇ ਕਲਾਕਾਰ ਵੀ ਹਨ। ਇਹ ਫਿਲਮ ਇਸ ਸਾਲ 1 ਮਾਰਚ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਨੇ ਬਾਕਸ ਆਫਿਸ ‘ਤੇ ਔਸਤ ਕਾਰੋਬਾਰ ਕੀਤਾ ਸੀ।