ਬੰਗਾਲ ਰੇਲ ਹਾਦਸੇ ਦੇ ਪੀੜਤਾਂ ਨੂੰ ਕਿਵੇਂ ਮਿਲੇਗਾ 10 ਲੱਖ ਰੁਪਏ ਦਾ ਬੀਮਾ ਕਲੇਮ, ਇਹ ਹੈ ਡਿਟੇਲ
How to Get Claim of Train Accident: ਬੰਗਾਲ ਦੇ ਸਿਲੀਗੁੜੀ 'ਚ ਰੇਲ ਹਾਦਸੇ 'ਚ 8 ਲੋਕਾਂ ਦੀ ਮੌਤ ਹੋ ਗਈ ਹੈ। ਹੁਣ ਸਵਾਲ ਇਹ ਹੈ ਕਿ ਕੀ ਇਸ ਰੇਲ ਹਾਦਸੇ ਵਿੱਚ ਮਰਨ ਵਾਲਿਆਂ ਨੂੰ ਰੇਲਵੇ ਤੋਂ ਪੈਸੇ ਮਿਲਣਗੇ? ਜੇਕਰ ਮਿਲਣਗੇਹੋ, ਤਾਂ ਕਿੰਨੇ ਪੈਸੇ ਮਿਲਣਗੇ? ਇੱਕ ਸਵਾਲ ਇਹ ਵੀ ਹੈ ਕਿ ਸਫ਼ਰ ਦੌਰਾਨ ਵਾਪਰਨ ਵਾਲੀ ਕਿਸੇ ਵੀ ਘਟਨਾ ਲਈ ਰੇਲਵੇ ਵੱਲੋਂ ਕਿੰਨਾ ਬੀਮਾ ਕਵਰ ਦਿੱਤਾ ਜਾਂਦਾ ਹੈ ਅਤੇ ਇਸ ਦੇ ਤਹਿਤ ਕੀ ਨਿਯਮ ਅਤੇ ਸ਼ਰਤਾਂ ਹਨ?
ਕੰਚਨਜੰਗਾ ਐਕਸਪ੍ਰੈਸ ਨਾਲ ਮਾਲ ਗੱਡੀ ਦੀ ਟੱਕਰ
ਬੰਗਾਲ ਦੇ ਸਿਲੀਗੁੜੀ ‘ਚ 17 ਜੂਨ ਦੀ ਸਵੇਰ ਨੂੰ ਕੰਚਨਜੰਗਾ ਐਕਸਪ੍ਰੈੱਸ ਇਕ ਮਾਲ ਗੱਡੀ ਨਾਲ ਟਕਰਾ ਕੇ ਪਟੜੀ ਤੋਂ ਉਤਰ ਗਈ, ਜਿਸ ਕਾਰਨ 8 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਅਤੇ ਕਈ ਜ਼ਖਮੀ ਹੋ ਗਏ। ਇਹ ਟਰੇਨ ਤ੍ਰਿਪੁਰਾ ਦੇ ਅਗਰਤਲਾ ਤੋਂ ਕੋਲਕਾਤਾ ਦੇ ਸਿਆਲਦਾਹ ਸਟੇਸ਼ਨ ਜਾ ਰਹੀ ਸੀ, ਜਦੋਂ ਇਹ ਹਾਦਸਾ ਵਾਪਰਿਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਭਿਆਨਕ ਟੱਕਰ ਕਾਰਨ ਕੰਚਨਜੰਗਾ ਐਕਸਪ੍ਰੈਸ ਦੇ ਘੱਟੋ-ਘੱਟ ਦੋ ਡੱਬੇ ਪਟੜੀ ਤੋਂ ਉਤਰ ਗਏ। ਇਹ ਹਾਦਸਾ ਉੱਤਰੀ ਬੰਗਾਲ ਦੇ ਨਿਊ ਜਲਪਾਈਗੁੜੀ ਸਟੇਸ਼ਨ ਤੋਂ ਕਰੀਬ ਸੱਤ ਕਿਲੋਮੀਟਰ ਦੂਰ ਸਿਲੀਗੁੜੀ ਦੇ ਰੰਗਾਪਾਨੀ ਇਲਾਕੇ ਵਿੱਚ ਵਾਪਰਿਆ।
ਹੁਣ ਸਵਾਲ ਇਹ ਹੈ ਕਿ ਕੀ ਇਸ ਰੇਲ ਹਾਦਸੇ ਵਿੱਚ ਮਰਨ ਵਾਲਿਆਂ ਨੂੰ ਰੇਲਵੇ ਤੋਂ ਪੈਸੇ ਮਿਲਣਗੇ? ਜੇ ਮਿਲਣਗੇ, ਤਾਂ ਕਿੰਨੇ ਪੈਸੇ ਮਿਲਣਗੇ? ਯਾਤਰਾ ਦੌਰਾਨ ਵਾਪਰਨ ਵਾਲੀ ਕਿਸੇ ਵੀ ਘਟਨਾ ਦੀ ਸਥਿਤੀ ਵਿੱਚ ਰੇਲਵੇ ਦੁਆਰਾ ਕਿੰਨਾ ਬੀਮਾ ਕਵਰ ਪ੍ਰਦਾਨ ਕੀਤਾ ਜਾਂਦਾ ਹੈ, ਜਿਨ੍ਹਾਂ ਲੋਕਾਂ ਨੇ ਰੇਲ ਟਿਕਟ ਬੁੱਕ ਕਰਦੇ ਸਮੇਂ ਇਸ ਬੀਮਾ ਨੂੰ ਆਪਣੀ ਟਿਕਟ ਵਿੱਚ ਜੋੜਿਆ ਹੈ, ਉਨ੍ਹਾਂ ਨੂੰ ਵੱਖਰਾ ਕਿੰਨਾ ਖਰਚ ਕਰਨਾ ਪਏਗਾ ਅਤੇ ਇਸਦੇ ਤਹਿਤ ਨਿਯਮਾਂ ਅਤੇ ਸ਼ਰਤਾਂ ਕੀ ਹੈ? ਅੱਜ ਦੀ ਸਟੋਰੀ ਵਿੱਚ ਅਸੀਂ ਇਸ ਬਾਰੇ ਗੱਲ ਕਰਨ ਜਾ ਰਹੇ ਹਾਂ।
ਕਿਸਨੂੰ ਮਿਲੇਗਾ ਬੀਮਾ ਕਲੇਮ ?
ਜੇਕਰ ਤੁਸੀਂ ਰੇਲਵੇ ਰਾਹੀਂ ਯਾਤਰਾ ਕਰਦੇ ਹੋ, ਤਾਂ ਤੁਹਾਨੂੰ ਇਸ ਵਿਸ਼ੇਸ਼ ਬੀਮਾ ਸੇਵਾ ਬਾਰੇ ਪਤਾ ਹੋਣਾ ਚਾਹੀਦਾ ਹੈ, ਜਿੱਥੇ ਤੁਸੀਂ ਸਿਰਫ 45 ਪੈਸੇ ਖਰਚ ਕੇ 7 ਤੋਂ 10 ਲੱਖ ਰੁਪਏ ਦਾ ਕਵਰ ਪ੍ਰਾਪਤ ਕਰ ਸਕਦੇ ਹੋ। ਟਿਕਟ ਬੁੱਕ ਕਰਦੇ ਸਮੇਂ ਯਾਤਰੀ ਨੂੰ ਇਹ ਵਿਕਲਪ ਦਿੱਤਾ ਜਾਂਦਾ ਹੈ ਕਿ ਉਹ ਯਾਤਰਾ ਬੀਮਾ ਲੈਣਾ ਚਾਹੁੰਦਾ ਹੈ ਜਾਂ ਨਹੀਂ। ਇਸ ਦੇ ਲਈ ਉਨ੍ਹਾਂ ਤੋਂ 45 ਪੈਸੇ ਦੀ ਮਾਮੂਲੀ ਰਕਮ ਲਈ ਜਾਂਦੀ ਹੈ। ਇਸ ਦਾ ਮਤਲਬ ਹੈ ਕਿ ਇਸ ਹਾਦਸੇ ਵਿੱਚ ਜਿਨ੍ਹਾਂ 8 ਯਾਤਰੀਆਂ ਦੀ ਮੌਤ ਹੋ ਗਈ ਸੀ। ਜੇਕਰ ਕਿਸੇ ਨੇ ਇਸ ਕਵਰ ਨੂੰ ਆਪਣੀ ਟਿਕਟ ਵਿੱਚ ਐਡ ਕਰਵਾਇਆ ਹੋਵੇਗਾ ਤਾਂ ਉਸਨੂੰ ਬੀਮਾ ਕੰਪਨੀ ਵੱਲੋਂ 10 ਲੱਖ ਰੁਪਏ ਤੱਕ ਦੀ ਰਕਮ ਦਿੱਤੀ ਜਾਵੇਗੀ।
ਕਿੰਨਾ ਆਉਂਦਾ ਹੈ ਕਵਰ ਖਰੀਦਣ ਦਾ ਖਰਚ ?
ਜੇਕਰ ਕੋਈ ਯਾਤਰੀ ਰੇਲ ਹਾਦਸੇ ‘ਚ ਜ਼ਖਮੀ ਹੋ ਜਾਂਦਾ ਹੈ ਤਾਂ ਉਸ ਨੂੰ 7.5 ਲੱਖ ਰੁਪਏ ਦਾ ਬੀਮਾ ਕਵਰ ਮਿਲਦਾ ਹੈ। ਇਸ ਤੋਂ ਇਲਾਵਾ ਹਸਪਤਾਲ ਵਿਚ ਇਲਾਜ ਲਈ 2 ਲੱਖ ਰੁਪਏ ਦਾ ਇਲਾਜ ਮੁਫ਼ਤ ਹੈ। ਇਸ ਦੇ ਨਾਲ ਹੀ, ਜੇਕਰ ਯਾਤਰੀ ਦੀ ਮੌਤ ਹੋ ਜਾਂਦੀ ਹੈ ਜਾਂ ਅਪਾਹਜ ਹੋ ਜਾਂਦਾ ਹੈ, ਤਾਂ ਉਸਦੇ ਪਰਿਵਾਰ ਨੂੰ 10 ਲੱਖ ਰੁਪਏ ਦਾ ਬੀਮਾ ਕਵਰ ਮਿਲਦਾ ਹੈ। ਤੁਹਾਨੂੰ ਦੱਸ ਦੇਈਏ, ਸਿਰਫ ਉਹ ਲੋਕ ਹੀ ਇਸ ਬੀਮੇ ਦਾ ਦਾਅਵਾ ਕਰ ਸਕਦੇ ਹਨ ਜਿਨ੍ਹਾਂ ਨੇ 45 ਪੈਸੇ ਦਾ ਬੀਮਾ ਲਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਟਿਕਟ ਬੁੱਕ ਕਰਦੇ ਸਮੇਂ ਤੁਹਾਨੂੰ ਨਾਮਜ਼ਦ ਵਿਅਕਤੀ ਦਾ ਵੇਰਵਾ ਸਹੀ ਤਰ੍ਹਾਂ ਭਰਨਾ ਚਾਹੀਦਾ ਹੈ।
ਇਨ੍ਹਾਂ ਵੇਰਵਿਆਂ ਨੂੰ ਭਰਨ ਦਾ ਵਿਕਲਪ ਟਿਕਟ ਬੁੱਕ ਕਰਨ ਤੋਂ ਬਾਅਦ ਮੇਲ ‘ਤੇ ਭੇਜੇ ਗਏ ਲਿੰਕ ‘ਤੇ ਉਪਲਬਧ ਹੁੰਦਾ ਹੈ। ਇਸ ਲਈ, ਜੇਕਰ ਤੁਸੀਂ ਖੁਦ ਜਾਂ ਕਿਸੇ ਏਜੰਟ ਰਾਹੀਂ ਟਿਕਟਾਂ ਆਨਲਾਈਨ ਬੁੱਕ ਕਰਦੇ ਹੋ, ਤਾਂ ਉਸਨੂੰ ਤੁਹਾਡਾ ਈਮੇਲ ਆਈਡੀ ਦੀ ਵਰਤੋਂ ਕਰਨ ਲਈ ਕਹੋ ਤਾਂ ਜੋ ਤੁਹਾਨੂੰ ਨਾਮਜ਼ਦ ਵਿਅਕਤੀ ਦਾ ਨਾਮ ਭਰਨ ਦਾ ਮੌਕਾ ਮਿਲ ਸਕੇ ਅਤੇ ਕਿਸੇ ਦੁਰਘਟਨਾ ਦੀ ਸਥਿਤੀ ਵਿੱਚ ਕਲੇਮ ਕਰਨ ਵਿੱਚ ਕੋਈ ਮੁਸ਼ਕਲ ਨਾ ਆਵੇ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ – ਪੈਟਰੋਲ-ਡੀਜ਼ਲ ਹੋਇਆ ਮਹਿੰਗਾ, ਚੋਣਾਂ ਤੋਂ ਬਾਅਦ ਇੱਥੇ 30 ਫੀਸਦੀ ਵਧੀਆਂ ਕੀਮਤਾਂ
ਕੀ ਹੈ ਕਲੇਮ ਕਰਨ ਦਾ ਤਰੀਕਾ?
ਜੇਕਰ ਕਦੇ ਵੀ ਕੋਈ ਦੁਰਘਟਨਾ ਵਾਪਰਦੀ ਹੈ, ਤਾਂ ਉਹ ਸਾਰੇ ਯਾਤਰੀ ਉਨ੍ਹਾਂ ਸਾਰੇ ਯਾਤਰੀਆਂ ਨੂੰ 10 ਲੱਖ ਰੁਪਏ ਮਿਲਣਗੇ, ਜਿਨ੍ਹਾਂ ਨੇ ਆਪਣੀ ਟਿਕਟ ਬੁੱਕ ਕਰਨ ਸਮੇਂ 10 ਲੱਖ ਦਾ ਯਾਤਰਾ ਬੀਮਾ ਲਿਆ ਹੈ। ਹਾਲਾਂਕਿ, ਇਸਦਾ ਕਲੇਮ ਕਰਨ ਦਾ ਤਰੀਕਾ ਵੱਖਰਾ ਹੈ। ਰੇਲਵੇ ਇਹ ਪੈਸਾ ਨਹੀਂ ਦਿੰਦਾ ਪਰ ਜਿਸ ਕੰਪਨੀ ਨੇ ਯਾਤਰਾ ਬੀਮਾ ਕਰਵਾਇਆ ਹੈ, ਉਹ ਇਹ ਬੀਮਾ ਕਵਰ ਦਿੰਦੀ ਹੈ।
ਟ੍ਰੈਵਲ ਇੰਸ਼ੋਰੈਂਸ ਸਿਰਫ ਉਨ੍ਹਾਂ ਯਾਤਰੀਆਂ ਨੂੰ ਮਿਲਦਾ ਹੈ ਜਿਨ੍ਹਾਂ ਨੇ ਆਪਣੀਆਂ ਟਿਕਟਾਂ ਆਨਲਾਈਨ ਬੁੱਕ ਕੀਤੀਆਂ ਹੋਣਗੀਆਂ। ਇਸ ਦੇ ਨਾਲ ਹੀ, ਇੱਕ PNR ‘ਤੇ ਜਿਨ੍ਹੀਆਂ ਵੀ ਟਿਕਟਾਂ ਬੁੱਕ ਕੀਤੀਆਂ ਹੋਣਗੀਆਂ, ਉਨ੍ਹਾਂ ਸਾਰਿਆਂਨੂੰ ਯਾਤਰਾ ਬੀਮੇ ਦਾ ਲਾਭ ਮਿਲੇਗਾ। ਯਾਤਰਾ ਬੀਮਾ ਸਿਰਫ਼ ਉਨ੍ਹਾਂ ਲਈ ਉਪਲਬਧ ਹੈ ਜਿਨ੍ਹਾਂ ਦੀਆਂ ਟਿਕਟਾਂ ਕਨਫਰਮ ਅਤੇ RAC ਹਨ। ਨਾਮਜ਼ਦ ਵਿਅਕਤੀ ਜਾਂ ਲਾਭਪਾਤਰੀ ਨੂੰ ਰੇਲ ਹਾਦਸੇ ਦੇ 4 ਮਹੀਨਿਆਂ ਦੇ ਅੰਦਰ ਯਾਤਰਾ ਬੀਮੇ ਦਾ ਕਲੇਮ ਕਰਨਾ ਹੁੰਦਾ ਹੈ। ਇਸ ਦੇ ਲਈ ਤੁਹਾਨੂੰ ਉਸ ਕੰਪਨੀ ਕੋਲ ਜਾਣਾ ਹੋਵੇਗਾ ਜਿਸ ਨੇ ਤੁਹਾਡਾ ਬੀਮਾ ਕਰਵਾਇਆ ਹੈ ਅਤੇ ਆਪਣਾ ਵੇਰਵਾ ਦੇਣਾ ਹੋਵੇਗਾ। ਕੁਝ ਦਿਨਾਂ ਦੇ ਅੰਦਰ ਤੁਹਾਨੂੰ ਯਾਤਰਾ ਬੀਮਾ ਮਿਲ ਜਾਂਦਾ ਹੈ।