OMG: ਤੇਜ਼ ਰਫ਼ਤਾਰ ਟਰੱਕ ਨੇ ਬਾਈਕ ਨੂੰ ਮਾਰੀ ਟੱਕਰ, ਰੁੱਕਣ ਦੀ ਬਜਾਏ ਘਸੀਟਦਾ ਲੈ ਗਿਆ

ਵਾਇਰਲ ਵੀਡੀਓ (Pic Source:X/@V24751Vadlamudi)

ਹੈਦਰਾਬਾਦ ਤੋਂ ਇੱਕ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਇੱਕ ਤੇਜ਼ ਰਫ਼ਤਾਰ ਟਰੱਕ ਇੱਕ ਬਾਈਕ ਨੂੰ ਆਪਣੇ ਅਗਲੇ ਪਹੀਏ ਹੇਠ ਘਸੀਟਦਾ ਦੇਖਿਆ ਜਾ ਸਕਦਾ ਹੈ। ਘਟਨਾ ਹੈਦਰਾਬਾਦ ਦੇ ਇਨਰ ਰਿੰਗ ਰੋਡ ‘ਤੇ ਓਵੈਸੀ ਹਸਪਤਾਲ ਨੇੜੇ ਸੋਮਵਾਰ ਦੀ ਦੱਸੀ ਜਾ ਰਹੀ ਹੈ। ਘਟਨਾ ਦੀ ਵੀਡੀਓ ਰਵੀ ਕੁਮਾਰ ਨਾਮ ਦੇ ਇੱਕ ਉਪਭੋਗਤਾ ਦੁਆਰਾ ਐਕਸ ‘ਤੇ ਪੋਸਟ ਕੀਤੀ ਗਈ ਸੀ ਅਤੇ ਟਰੱਕ ਡਰਾਈਵਰ ਵਿਰੁੱਧ ਕਾਰਵਾਈ ਦੀ ਮੰਗ ਕਰਦੇ ਹੋਏ ਸਬੰਧਤ ਅਧਿਕਾਰੀਆਂ ਨੂੰ ਟੈਗ ਵੀ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਪੁਲਸ ਨੇ ਕਾਰਵਾਈ ਕਰਦੇ ਹੋਏ ਡਰਾਈਵਰ ਨੂੰ ਹਿਰਾਸਤ ‘ਚ ਲੈ ਲਿਆ।

ਵਾਇਰਲ ਕਲਿੱਪ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਰਾਤ ਨੂੰ ਇਕ ਭੀੜ-ਭੜੱਕੇ ਵਾਲੀ ਸੜਕ ‘ਤੇ ਇਕ ਟਰੱਕ ਤੇਜ਼ ਰਫਤਾਰ ਨਾਲ ਜਾ ਰਿਹਾ ਹੈ ਅਤੇ ਇਕ ਵਿਅਕਤੀ ਉਸ ਦੇ ਫੁੱਟਬੋਰਡ ‘ਤੇ ਖੜ੍ਹਾ ਹੈ। ਇਸ ਦੌਰਾਨ ਟਰੱਕ ਨੇ ਬਾਈਕ ਨੂੰ ਟੱਕਰ ਮਾਰ ਦਿੱਤੀ। ਬਾਈਕ ਟਰੱਕ ਦੇ ਅਗਲੇ ਹਿੱਸੇ ਵਿੱਚ ਫਸ ਗਈ ਪਰ ਡਰਾਈਵਰ ਨੇ ਗੱਡੀ ਨਹੀਂ ਰੋਕੀ। ਅਜਿਹੇ ‘ਚ ਸੜਕ ‘ਤੇ ਚੰਗਿਆੜੀਆਂ ਨਿਕਲਣ ਲੱਗੀਆਂ। ਇਸ ਘਟਨਾ ਨੂੰ ਰਾਹਗੀਰਾਂ ਨੇ ਕੈਮਰੇ ‘ਚ ਕੈਦ ਕਰ ਲਿਆ।

ਇਹ ਵੀਡੀਓ X ਹੈਂਡਲ @V24751Vadlamudi ਨਾਲ 15 ਅਪ੍ਰੈਲ ਨੂੰ ਪੋਸਟ ਕੀਤਾ ਗਿਆ। ਉਸਨੇ ਕੈਪਸ਼ਨ ਵਿੱਚ ਲਿਖਿਆ- ਪਿਆਰੇ ਸਰ, ਇਹ ਵੀਡੀਓ ਦੇਖੋ। ਇਹ ਘਟਨਾ ਹੈਦਰਾਬਾਦ ਦੇ ਓਵੈਸੀ ਹਸਪਤਾਲ ਤੋਂ ਐੱਲ.ਬੀ.ਨਗਰ ਹੁੰਦੇ ਹੋਏ ਹਯਾਤ ਨਗਰ ਦੇ ਰਸਤੇ ‘ਤੇ ਵਾਪਰੀ। ਕਿਰਪਾ ਕਰਕੇ ਇਸ ਰਸਤੇ ਦੇ ਸਾਰੇ ਥਾਣਿਆਂ ਨੂੰ ਅਲਰਟ ਕਰੋ। ਇਸ ਤੋਂ ਬਾਅਦ @hydcitypolice ਨੇ ਜਵਾਬ ਦਿੱਤਾ ਅਤੇ ਲਿਖਿਆ- ਅਸੀਂ ਮਾਮਲੇ ਦਾ ਨੋਟਿਸ ਲੈ ਰਹੇ ਹਾਂ।