Awesome Video: ਸਰਦਾਰ ਜੀ ਨੇ ਬਹਾਦਰੀ ਨਾਲ ਲੁਟੇਰਿਆਂ ਦੇ ਇਰਾਦਿਆਂ ‘ਤੇ ਫੇਰਿਆ ਪਾਣੀ, ਵੀਡੀਓ ਦੇਖ ਕੇ ਤਾਰੀਫ ਕਰ ਰਹੇ ਲੋਕ

Photo: X@gharkekalesh

ਤੁਸੀਂ ਦੇਖਿਆ ਹੋਵੇਗਾ ਕਿ ਹੋਟਲ, ਸਕੂਲ, ਏਟੀਐਮ ਆਦਿ ਥਾਵਾਂ ‘ਤੇ ਸੁਰੱਖਿਆ ਗਾਰਡ ਹਮੇਸ਼ਾ ਮੌਜੂਦ ਰਹਿੰਦਾ ਹੈ। ਉਸ ਥਾਂ ਦੀ ਰਾਖੀ ਕਰਨਾ ਉਸ ਦੀ ਜ਼ਿੰਮੇਵਾਰੀ ਹੁੰਦੀ ਹੈ। ਜੇਕਰ ਕੋਈ ਚੋਰ ਜਾਂ ਲੁਟੇਰਾ ਉੱਥੇ ਲੁੱਟ-ਖੋਹ ਕਰਨ ਆਉਂਦਾ ਹੈ ਤਾਂ ਉਸ ਦਾ ਮੁਕਾਬਲਾ ਕਰਕੇ ਉਸ ਨੂੰ ਪੁਲਿਸ ਹਵਾਲੇ ਕਰਨਾ ਵੀ ਉਸਦੀ ਜਿੰਮੇਵਾਰੀ ਵਿੱਚ ਸ਼ਾਮਲ ਹੁੰਦਾ ਹੈ। ਪਰ ਚੋਰ ਅਤੇ ਲੁਟੇਰੇ ਹਮੇਸ਼ਾ ਹੀ ਆਪਣੇ ਗਰੋਹ ਨਾਲ ਕਿਤੇ ਨਾ ਕਿਤੇ ਧਾਵਾ ਬੋਲਦੇ ਹਨ, ਜਿਸ ਕਾਰਨ ਕਈ ਵਾਰ ਸੁਰੱਖਿਆ ਗਾਰਡ ਨੂੰ ਆਪਣੀ ਜਾਨ ਬਚਾਉਣ ਲਈ ਉਥੋਂ ਭੱਜਣਾ ਪੈਂਦਾ ਹੈ ਜਾਂ ਉਹ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਉਨ੍ਹਾਂ ਨੂੰ ਰੋਕਣ ਵਿੱਚ ਅਸਮਰਥ ਹੁੰਦਾ ਹੈ। ਪਰ ਹੁਣ ਸੋਸ਼ਲ ਮੀਡੀਆ ‘ਤੇ ਇਕ ਸੁਰੱਖਿਆ ਗਾਰਡ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ਉਸ ਦੀ ਬਹਾਦਰੀ ਦੀ ਤਾਰੀਫ ਕਰ ਰਹੇ ਹਨ।

ਇਹ ਵੀ ਪੜ੍ਹੋ – ਤੂਫਾਨ ਦੀ ਰਫਤਾਰ ਨਾਲ ਹਿਰਨ ਦਾ ਪਿੱਛਾ, ਦੋ ਬਾਘਾਂ ਨੂੰ ਦੇਖ ਡਰ ਗਏ ਸੈਲਾਨੀ

ਵਾਇਰਲ ਵੀਡੀਓ ‘ਚ ਕੀ ਦੇਖਿਆ?

ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਸਰਦਾਰ ਜੀ ਗੇਟ ਤੋਂ ਬਾਹਰ ਆ ਕੇ ਛੇਤੀ ਨਾਲ ਦਰਵਾਜ਼ਾ ਬੰਦ ਕਰ ਦਿੰਦੇ ਹਨ। ਇਸ ਤੋਂ ਬਾਅਦ ਉਹ ਸ਼ਟਰ ਲਗਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਉਹ ਬਹੁਤ ਕੋਸ਼ਿਸ਼ ਕਰਦੇ ਹਨ ਪਰ ਸ਼ਟਰ ਬੰਦ ਨਹੀਂ ਹੁੰਦਾ। ਅੰਦਰ ਖੜੇਲੁਟੇਰੇ ਸ਼ਟਰ ਚੁੱਕ ਦਿੰਦੇ ਹਨ ਅਤੇ ਸਰਦਾਰ ਜੀ ਵੱਲ ਆਪਣੀ ਬੰਦੂਕ ਤਾਨ ਦਿੰਦੇ ਹਨ। ਅਜਿਹੇ ‘ਚ ਵੀ ਉਹ ਡਰਦੇ ਨਹੀਂ ਹਨ ਅਤੇ ਉਨ੍ਹਾਂ ‘ਤੇ ਗੋਲੀਆਂ ਚਲਾ ਦਿੰਦੇ ਹਨ। ਲੁਟੇਰੇ ਡਰ ਜਾਂਦੇ ਹਨ ਅਤੇ ਸ਼ਟਰ ਆਪ ਹੀ ਬੰਦ ਕਰ ਲੈਂਦੇ ਹਨ। ਇਸੇ ਦੌਰਾਨ ਸਰਦਾਰ ਜੀ ਪੌੜੀਆਂ ਤੋਂ ਹੇਠਾਂ ਆਉਂਦੇ ਹਨ ਅਤੇ ਮੁੱਖ ਦਰਵਾਜ਼ਾ ਬੰਦ ਕਰ ਦਿੰਦੇ ਹਨ।