ਕਿਰਾਏ ਦੇ ਮਕਾਨ ਦਾ ਮਹਿਮਾਨ ਨੇ ਕੀਤਾ ਅਜਿਹਾ ਹਾਲ, ਮਾਲਕ ਨੇ ਵੀਡੀਓ ਬਣਾ ਕੇ ਸ਼ੇਅਰ ਕੀਤਾ ਦਰਦ

ਅੱਜ ਕੱਲ੍ਹ ਬਦਲਦੇ ਸਮੇਂ ਵਿੱਚ ਲੋਕ ਵੱਖ-ਵੱਖ ਤਰ੍ਹਾਂ ਦੇ ਕਾਰੋਬਾਰ ਕਰ ਰਹੇ ਹਨ। ਅੱਜ ਦੇ ਮਹਿੰਗਾਈ ਦੇ ਯੁੱਗ ਵਿੱਚ ਮਨੁੱਖ ਕਮਾਈ ਦੇ ਵੱਖ-ਵੱਖ ਸਾਧਨ ਲੱਭਦਾ ਰਹਿੰਦਾ ਹੈ। ਜਿੱਥੇ ਬਹੁਤ ਸਾਰੇ ਲੋਕ ਬਾਹਰ ਦਾ ਕੰਮ ਕਰਕੇ ਪੈਸੇ ਕਮਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਅਜਿਹੇ ‘ਚ ਹਰ ਕਿਸੇ ਦੇ ਮਨ ‘ਚ ਇਹ ਖਿਆਲ ਜ਼ਰੂਰ ਆਉਂਦਾ ਹੈ ਕਿ ਕਾਸ਼ ਉਹ ਵੀ ਘਰ ਬੈਠੇ ਕੁਝ ਹੋਰ ਪੈਸਾ ਕਮਾ ਲੈਂਦੇ। ਇਸ ਦੇ ਲਈ ਲੋਕ ਅਕਸਰ ਆਪਣੀ Property ਕਿਰਾਏ ‘ਤੇ ਦਿੰਦੇ ਹਨ। ਇਹੀ ਕਾਰਨ ਹੈ ਕਿ ਅੱਜਕੱਲ੍ਹ ਹੋਮਸਟੇ ਦਾ ਕਾਰੋਬਾਰ ਵਧ ਰਿਹਾ ਹੈ।

ਅਕਸਰ ਦੇਖਿਆ ਜਾਂਦਾ ਹੈ ਕਿ ਹੋਮਸਟੇ ‘ਚ ਤੁਸੀਂ ਆਪਣਾ ਸਾਫ-ਸੁਥਰਾ ਘਰ ਕਿਸੇ ਨੂੰ ਦਿੰਦੇ ਹੋ,ਜਿਸ ਦੇ ਬਦਲੇ ‘ਚ ਉਹ ਤੁਹਾਨੂੰ ਚੰਗੀ ਰਕਮ ਦਿੰਦੇ ਹਨ। ਹਾਲਾਂਕਿ, ਜ਼ਿਆਦਾਤਰ ਮਾਮਲਿਆਂ ਵਿੱਚ ਅਜਿਹਾ ਹੁੰਦਾ ਹੈ ਕਿ ਮਹਿਮਾਨ ਘਰ ਉਂਜ ਹੀ ਛੱਡ ਕੇ ਚਲੇ ਜਾਂਦੇ ਹਨ। ਇਸ ਨਾਲ ਜੁੜਿਆ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ ਹੋਮਸਟੇ ਦੇ ਮਾਲਕ ਨੇ ਇਸ ਬਾਰੇ ਦੱਸਿਆ ਕਿ ਅਸੀਂ ਮਹਿਮਾਨਾਂ ਨੂੰ ਬਹੁਤ ਹੀ ਸਾਫ਼-ਸੁਥਰਾ ਘਰ ਦਿੰਦੇ ਹਾਂ ਅਤੇ ਜਦੋਂ ਉਹ ਉੱਥੋਂ ਚਲੇ ਜਾਂਦੇ ਹਨ ਤਾਂ ਘਰ ਦੀ ਹਾਲਤ ਅਜਿਹੀ ਹੁੰਦੀ ਹੈ ਕਿ ਅਸੀਂ ਉਸ ਵਿੱਚ ਪੈਰ ਵੀ ਨਹੀਂ ਪਾ ਸਕਦੇ।

ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਮਾਲਕ ਨੇ ਪਹਿਲਾਂ ਅਤੇ ਬਾਅਦ ਵਿੱਚ ਦੋਵਾਂ ਦੀ ਸਥਿਤੀ ਸ਼ੇਅਰ ਕੀਤੀ ਹੈ। ਜਿਸ ਵਿੱਚ ਮਹਿਮਾਨ ਨੇ ਇੱਕ ਰਾਤ ਵਿੱਚ ਰਸੋਈ, ਬੈੱਡਰੂਮ ਅਤੇ ਲਿਵਿੰਗ ਰੂਮ ਨੂੰ ਬਰਬਾਦ ਕਰ ਦਿੱਤਾ ਹੈ। ਜਿੱਥੇ ਰਸੋਈ ਦੇ ਸਿੰਕ ਵਿੱਚ ਬਹੁਤ ਸਾਰੇ ਭਾਂਡੇ ਨਜ਼ਰ ਆ ਰਹੇ ਹਨ, ਉੱਥੇ ਹੀ ਬੈੱਡਰੂਮ ਵਿੱਚ ਕੱਪੜੇ ਇਧਰ-ਉਧਰ ਸੁੱਟੇ ਨਜ਼ਰ ਆ ਰਹੇ ਹਨ। ਇਸ ਤੋਂ ਇਲਾਵਾ ਲਿਵਿੰਗ ਰੂਮ ਦੀ ਹਾਲਤ ਅਜਿਹੀ ਹੈ ਕਿ ਤੁਸੀਂ ਇਸ ਵਿਚ ਜ਼ਿਆਦਾ ਦੇਰ ਖੜ੍ਹੇ ਵੀ ਨਹੀਂ ਰਹਿ ਸਕਦੇ।

ਇਹ ਵੀ ਪੜ੍ਹੋ- ਸ਼ਖਸ ਨੇ ਦਿਖਾਈ ਧੂੜ ‘ਤੇ ਆਪਣੀ ਕਲਾਕਾਰੀ, Video ਦੇਖ ਤੁਸੀ ਵੀ ਹੋ ਜਾਓਗੇ ਹੈਰਾਨ

ਇਸ ਵੀਡੀਓ ਨੂੰ ਇੰਸਟਾ ‘ਤੇ goldenperch_goa ਨਾਮ ਦੇ ਅਕਾਊਂਟ ਨੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਨੂੰ ਹਜ਼ਾਰਾਂ ਲੋਕ ਦੇਖ ਚੁੱਕੇ ਹਨ ਅਤੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਅਜਿਹੇ ਲੋਕਾਂ ਨੂੰ ਜਾਂ ਤਾਂ ਘਰ ਦੀ ਸਫ਼ਾਈ ਕਰਵਾਉਣੀ ਚਾਹੀਦੀ ਹੈ ਜਾਂ ਜ਼ਿਆਦਾ ਪੈਸੇ ਲੈਣੇ ਚਾਹੀਦੇ ਹਨ।’ ਇਕ ਹੋਰ ਨੇ ਲਿਖਿਆ, ‘ਇਸ ਤਰ੍ਹਾਂ ਦੀ ਸਥਿਤੀ ਅਕਸਰ ਏਅਰਬੀਐਨਬੀ ‘ਤੇ ਦੇਖਣ ਨੂੰ ਮਿਲਦੀ ਹੈ।’ ਇਕ ਹੋਰ ਨੇ ਲਿਖਿਆ- ਲੋਕਾਂ ਨੂੰ ਪ੍ਰੋਪਰਟੀ ਛੱਡਣ ਤੋਂ ਪਹਿਲਾਂ ਸੋਚਣਾ ਚਾਹੀਦਾ ਹੈ ਕਿ ਉਹ ਕਿਵੇਂ ਛੱਡ ਕੇ ਜਾ ਰਹੇ ਹਨ।