ਕੀ ਹੈ Crowdstrike… ਜਿਸ ਨੇ ਵਿਗਾੜੀ Microsoft ਦੀ ਗੇਮ, ਠੱਪ ਹੋ ਗਈਆਂ ਦੁਨੀਆ ਭਰ ਦੀਆਂ ਏਅਰਕ੍ਰਾਫਟ ਅਤੇ ਬੈਂਕਿੰਗ ਸੇਵਾਵਾਂ

ਮਾਈਕ੍ਰੋਸਾਫਟ ਦਾ ਸਰਵਰ ਫੇਲ ਹੋਣ ਕਾਰਨ ਦੁਨੀਆ ਵਿੱਚ ਹਫੜਾ-ਦਫੜੀ

Microsoft Office 365 Outage: ਮਾਈਕ੍ਰੋਸਾਫਟ ਦੇ ਸਾਫਟਵੇਅਰ ‘ਚ ਖਰਾਬੀ ਕਾਰਨ ਲਗਭਗ ਪੂਰੀ ਦੁਨੀਆ ਦੇ ਸਿਸਟਮ ਠੱਪ ਹੋ ਗਏ ਹਨ। ਇਸ ਦੀਆਂ ਸੇਵਾਵਾਂ ਬੰਦ ਹੋਣ ਕਾਰਨ ਭਾਰਤ ਸਮੇਤ ਵੱਖ-ਵੱਖ ਦੇਸ਼ਾਂ ਦੀਆਂ ਸਰਕਾਰਾਂ ਅਤੇ ਕੰਪਨੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸਭ ਤੋਂ ਵੱਧ ਅਸਰ ਹਵਾਬਾਜ਼ੀ ਖੇਤਰ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਏਅਰਪੋਰਟ ‘ਤੇ ਕੋਈ ਕੰਮ ਨਹੀਂ ਹੋ ਰਿਹਾ ਹੈ। ਏਅਰਲਾਈਨਜ਼ ਕੰਪਨੀਆਂ ਨੇ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਇਸ ਤੋਂ ਇਲਾਵਾ ਲੰਡਨ ਸਟਾਕ ਐਕਸਚੇਂਜ ਸਮੇਤ ਦੁਨੀਆ ਭਰ ਦੇ ਵੱਖ-ਵੱਖ ਸਰਵਰ ਠੱਪ ਹੋ ਗਏ ਹਨ। ਆਈਟੀ ਸੈਕਟਰ ਦਾ ਸਿਸਟਮ ਪੂਰੀ ਤਰ੍ਹਾਂ ਢਹਿ-ਢੇਰੀ ਹੋ ਗਿਆ ਹੈ।

ਮਾਈਕ੍ਰੋਸਾਫਟ ਦੇ ਸਰਵਰ ਡਾਊਨ ਹੋਣ ਕਾਰਨ ਇਹ ਘਟਨਾ ਵਿਸ਼ਵਵਿਆਪੀ ਆਊਟੇਜ ਵਿੱਚ ਬਦਲ ਗਈ ਹੈ। ਭਾਵ ਪੂਰੀ ਦੁਨੀਆ ਦਾ ਨੈੱਟਵਰਕ ਸਿਸਟਮ ਵਿਗੜ ਗਿਆ ਹੈ। ਯੂਕੇ ਦੀਆਂ ਰੇਲ ਸੇਵਾਵਾਂ ਠੱਪ ਹੋ ਗਈਆਂ ਹਨ। ਕੰਪਨੀਆਂ ਵਿੱਚ ਕੰਮ ਕਰਦੇ ਮੁਲਾਜ਼ਮਾਂ ਦੇ ਲੈਪਟਾਪਸ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਹੈ। ਅਜਿਹੇ ‘ਚ ਸਵਾਲ ਇਹ ਉੱਠਦਾ ਹੈ ਕਿ ਮਾਈਕ੍ਰੋਸਾਫਟ ‘ਚ ਅਜਿਹਾ ਕਿਹੜਾ ਨੁਕਸ ਆ ਗਿਆ ਹੈ ਜਿਸ ਨਾਲ ਪੂਰੀ ਦੁਨੀਆ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੀ ਹੈ।

Crowdstrike ਨੇ ਵਿਗਾੜੀ ਮਾਈਕ੍ਰੋਸਾਫਟ ਦੀ ਗੇਮ

ਮੀਡੀਆ ਰਿਪੋਰਟਾਂ ਮੁਤਾਬਕ, Crowdstrike ਨਾਂ ਦੀ ਅਮਰੀਕਾ ਸਥਿਤ ਸਾਈਬਰ ਸੁਰੱਖਿਆ ਫਰਮ ਨਾਲ ਸਬੰਧਤ ਤਕਨੀਕੀ ਮੁੱਦੇ ਕਾਰਨ ਸ਼ੁੱਕਰਵਾਰ ਨੂੰ ਦੁਨੀਆ ਭਰ ‘ਚ ਮਾਈਕ੍ਰੋਸਾਫਟ ‘ਤੇ ਕੰਮ ਕਰਨ ਵਾਲੇ ਲੈਪਟਾਪਸ ‘ਚ ਖਰਾਬੀ ਆਈ।

ਗਲੋਬਲ ਆਊਟੇਜ ਕਾਰਨ ਕੰਪਨੀਆਂ ਅਤੇ ਸਰਕਾਰੀ ਏਜੰਸੀਆਂ ਦੇ ਕਰਮਚਾਰੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਜਦੋਂ ਲੋਕਾਂ ਨੇ ਲੈਪਟਾਪ ਨੂੰ ਰੀਸਟਾਰਟ ਕੀਤਾ ਤਾਂ ਨੀਲੀ ਸਕਰੀਨ ‘ਤੇ ਐਰਰ ਮੈਸੇਜ ਆਉਣੇ ਸ਼ੁਰੂ ਹੋ ਗਏ। ਆਊਟੇਜ ਨੇ ਦੂਰਸੰਚਾਰ ਪ੍ਰਦਾਤਾ ਕੰਪਨੀਆਂ ਅਤੇ ਮੀਡੀਆ ਵੈੱਬਸਾਈਟਾਂ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ।

CrowdStrike ਨੇ ਇੱਕ ਸਾਫਟਵੇਅਰ, CrowdStrike Falcon ਨੂੰ ਅਪਡੇਟ ਕੀਤਾ ਹੈ, ਜਿਸ ਨੂੰ ਗਲੋਬਲ ਆਊਟੇਜ ਦਾ ਕਾਰਨ ਮੰਨਿਆ ਜਾ ਰਿਹਾ ਹੈ। ਆਸਟ੍ਰੇਲੀਆ ਦੇ ਰਾਸ਼ਟਰੀ ਸੁਰੱਖਿਆ ਕੋਆਰਡੀਨੇਟਰ ਨੇ ਸੋਸ਼ਲ ਮੀਡੀਆ ‘ਤੇ ਕਿਹਾ ਕਿ ਇਹ ਤੀਜੀ-ਧਿਰ ਦੇ ਸਾਫਟਵੇਅਰ ਪਲੇਟਫਾਰਮ ‘ਚ ਤਕਨੀਕੀ ਸਮੱਸਿਆ ਕਾਰਨ ਹੋਇਆ ਹੈ।

ਕੀ ਹੈ Crowdstrike Falcon ?

CrowdStrike Falcon ਇੱਕ ਅਗਲੀ ਪੀੜ੍ਹੀ ਦੇ ਐਂਟੀਵਾਇਰਸ, ਐਂਡਪੁਆਇੰਟ ਡਿਟੈਕਸ਼ਨ ਅਤੇ ਰਿਸਪਾਂਸ (EDR) ਅਤੇ 24/7 ਖਤਰੇ ਦੀ ਸ਼ਿਕਾਰ ਸੇਵਾ ਨੂੰ ਇਕੱਠਾ ਕਰਨ ਲਈ ਪਹਿਲਾ ਅਤੇ ਇੱਕੋ ਇੱਕ ਸਾਫਟਵੇਅਰ ਹੈ। ਇਹ ਸਾਰਾ ਕੰਮ ਲਾਈਟਵੇਟ ਏਜੰਟ ਰਾਹੀਂ ਕੀਤਾ ਜਾਂਦਾ ਹੈ। ਜਾਪਾਨੀ ਮੀਡੀਆ ਮੁਤਾਬਕ ਮਾਈਕ੍ਰੋਸਾਫਟ ਜਾਪਾਨ ਅਤੇ ਕਰਾਊਡਸਟ੍ਰਾਈਕ ਜਾਪਾਨ ਦੇ ਨੁਮਾਇੰਦਿਆਂ ਨੇ ਕਿਹਾ ਕਿ CrowdStrike ਐਂਟੀ-ਵਾਇਰਸ ਸਾਫਟਵੇਅਰ ਨਾਲ ਜੁੜੇ ਕੰਪਿਊਟਰਾਂ ‘ਚ ਗੜਬੜੀ ਪਾਈ ਗਈ ਹੈ।

Microsoft 365 ਐਪਸ ਅਤੇ ਸੇਵਾਵਾਂ ਠੱਪ

ਮਾਈਕ੍ਰੋਸਾਫਟ ਦੇ ਮਾਈਕ੍ਰੋਸਾਫਟ 365 ਐਪਸ ਅਤੇ ਸੇਵਾਵਾਂ ਵਿੱਚ ਇੱਕ ਖਾਮੀ ਦਾ ਪਤਾ ਲੱਗਿਆ ਹੈ। ਇਸ ਤੋਂ ਇਲਾਵਾ Microsoft Azure ‘ਚ ਵੀ ਸਮੱਸਿਆ ਹੋਣ ਦੀ ਖਬਰ ਹੈ। ਮਾਈਕ੍ਰੋਸਾਫਟ ਨੇ ਵੀ ਇਸ ਮਾਮਲੇ ‘ਚ ਆਪਣਾ ਸਟੈਂਡ ਸਪੱਸ਼ਟ ਕਰ ਦਿੱਤਾ ਹੈ। ਕੰਪਨੀ ਨੇ ਦੱਸਿਆ ਕਿ ਉਹ ਮਾਈਕ੍ਰੋਸਾਫਟ 365 ਐਪਸ ਅਤੇ ਸੇਵਾਵਾਂ ‘ਚ ਸਮੱਸਿਆ ਦੀ ਜਾਂਚ ਕਰ ਰਹੀ ਹੈ।

ਮਾਈਕ੍ਰੋਸਾਫਟ ਮੁਤਾਬਕ ਕੰਪਨੀ ਮਾਈਕ੍ਰੋਸਾਫਟ 365 ਦੀ ਸਰਵਿਸ ਨੂੰ ਬਿਹਤਰ ਬਣਾਉਣ ਲਈ ਲਗਾਤਾਰ ਸੁਧਾਰ ਕਰ ਰਹੀ ਹੈ। ਕੰਪਨੀ ਇਸ ਸਮੱਸਿਆ ਨੂੰ ਘੱਟ ਕਰਨ ਲਈ ਕਦਮ ਚੁੱਕ ਰਹੀ ਹੈ। ਹਾਲਾਂਕਿ, ਕੰਪਨੀ ਦਾ ਕਹਿਣਾ ਹੈ ਕਿ Microsoft Azure ਪੂਰੀ ਤਰ੍ਹਾਂ ਸਰਗਰਮ ਹੈ, ਅਤੇ ਵਧੀਆ ਕੰਮ ਕਰ ਰਿਹਾ ਹੈ। ਇਸ ਸਮੇਂ Azure ਵਿੱਚ ਕਿਸੇ ਵੀ ਖਾਮੀ ਦੀ ਪਛਾਣ ਨਹੀਂ ਕੀਤੀ ਗਈ ਹੈ।

Microsoft Azure ਦੀ ਸਥਿਤੀ। (Microsoft)

ਮਾਈਕ੍ਰੋਸਾਫਟ 365 ਦੀਆਂ ਇਹਨਾਂ ਸੇਵਾਵਾਂ ਵਿੱਚ ਸਮੱਸਿਆ

• ਮਾਈਕ੍ਰੋਸਾਫਟ 365 ਦੀਆਂ ਇਹਨਾਂ ਐਪਸ ਅਤੇ ਸੇਵਾਵਾਂ ਦੀ ਵਰਤੋਂ ਕਰਨ ਵਿੱਚ ਮੁਸ਼ਕਲ
• PowerBI: ਜਦੋਂ ਤੱਕ ਇਹ ਸੇਵਾ ਬਹਾਲ ਨਹੀਂ ਹੋ ਜਾਂਦੀ, ਉਦੋਂ ਤੱਕ ਯੂਜ਼ਰਸ ਇਸ ਨੂੰ ਰੀਡ-ਓਨਲੀ ਮੋਡ ਵਿੱਚ ਦੇਖ ਸਕਦੇ ਹਨ
  Microsoft Fabric: ਇਹ ਸੇਵਾ ਉਪਭੋਗਤਾਵਾਂ ਲਈ ਸਿਰਫ਼ ਰੀਡ-ਓਨਲੀ ਮੋਡ ਵਿੱਚ ਰਹੇਗੀ ਜਦੋਂ ਤੱਕ ਇਹ ਠੀਕ ਨਹੀਂ ਹੋ ਜਾਂਦੀ।
• Microsoft Teams: ਯੂਜ਼ਰਸ ਮੌਜੂਦਗੀ, ਗਰੁੱਪ ਚੈਟ, ਅਤੇ ਯੂਜ਼ਰਸ ਰਜਿਸਟ੍ਰੇਸ਼ਨ ਸਮੇਤ Microsoft Teams ਫੰਕਸ਼ਨ ਦਾ ਫਾਇਦਾ ਲੈਣ ਵਿੱਚ ਅਸਮਰੱਥ ਹੋ ਸਕਦੇ ਹਨ।
• Microsoft 365 Admin Center: ਐਡਮਿਨਸ ਨੂੰ ਮਾਈਕ੍ਰੋਸਾਫਟ 365 ਐਡਮਿਨ ਸੈਂਟਰ ਦੀ ਵਰਤੋਂ ਕਰਕੇ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜੇ ਕੋਈ ਇਸ ਨੂੰ ਚਲਾਵੇ ਤਾਂ ਵੀ ਕਈ ਐਕਸ਼ਨ ਕੰਮ ਨਹੀਂ ਕਰਨਗੇ।
• Microsoft Purview: ਯੂਜ਼ਰਸ Microsoft Purview ਵਿੱਚ ਪ੍ਰੋਸੈਸ ਹੋਣ ਵਾਲੇ ਇਵੈਂਟਾਂ ਵਿੱਚ ਦੇਰੀ ਦੇਖਣਗੇ।
• ਉੱਪਰ ਦੱਸੇ ਗਏ ਸਾਫਟਵੇਅਰ ਤੋਂ ਇਲਾਵਾ, Microsoft Defender, Microsoft Defender for Endpoint, Microsoft Defender Experts, Microsoft Intune, Microsoft OneNote, OneDrive for Business, SharePoint Online, Windows 365, Viva Engage ਵਰਗੇ ਸਾਫਟਵੇਅਰਸ ਵਿੱਚ ਵੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
• ਕੀ ਹੈ Microsoft 365 ?
  Microsoft 365 ਇੱਕ ਕਲਾਉਡ-ਪਾਵਰਡ ਪਲੇਟਫਾਰਮ ਹੈ। Microsoft 365 ਦੀ ਮੈਂਬਰਸ਼ਿਪ ਦੇ ਨਾਲ, ਤੁਸੀਂ ਬਹੁਤ ਸਾਰੀਆਂ ਸੇਵਾਵਾਂ ਅਤੇ ਐਪਸ ਦੀ ਵਰਤੋਂ ਕਰ ਸਕਦੇ ਹੋ। ਮਾਈਕ੍ਰੋਸਾਫਟ ਟੀਮਾਂ, ਵਰਡ, ਐਕਸਲ, ਪਾਵਰਪੁਆਇੰਟ, ਆਉਟਲੁੱਕ, ਵਨਡਰਾਈਵ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਸਾਫਟਵੇਅਰ ਦਾ ਫਾਇਦਾ ਮਿਲਦਾ ਹੈ।
• ਤੁਸੀਂ ਇਹਨਾਂ ਨੂੰ ਲੈਪਟਾਪ-ਕੰਪਿਊਟਰ, ਮੈਕ, ਟੈਬਲੈੱਟ ਅਤੇ ਫ਼ੋਨ ‘ਤੇ ਇੰਸਟਾਲ ਕਰਕੇ ਚਲਾ ਸਕਦੇ ਹੋ। ਇਸਦੇ ਪਲਾਨ ਵਿੱਚ 1 TB OneDrive ਕਲਾਉਡ ਸਟੋਰੇਜ ਵੀ ਮਿਲਦਾ ਹੈ। ਇਸ ਤੋਂ ਇਲਾਵਾ ਲਗਾਤਾਰ ਫੀਚਰਸ ਅਪਡੇਟਸ ਅਤੇ ਅਪਗ੍ਰੇਡਸ ਦੀ ਸੁਵਿਧਾ ਵੀ ਉਪਲਬਧ ਹੈ।

ਦੁਨੀਆ ਭਰ ਦੀਆਂ ਕੰਪਨੀਆਂ ਅਤੇ ਏਜੰਸੀਆਂ Microsoft 365 ਦੀ ਵਰਤੋਂ ਕਰਦੀਆਂ ਹਨ। ਇਸ ਲਈ ਉਨ੍ਹਾਂ ਦੀਆਂ ਸੇਵਾਵਾਂ ਮਾਈਕ੍ਰੋਸਾਫਟ ‘ਤੇ ਨਿਰਭਰ ਕਰਦੀਆਂ ਹਨ। ਗਲੋਬਲ ਆਊਟੇਜ ਦੇ ਕਾਰਨ, ਮਾਈਕ੍ਰੋਸਾਫਟ 365 ਦੁਆਰਾ ਪ੍ਰਦਾਨ ਕੀਤੀਆਂ ਜਾਣ ਵਾਲੀਆਂ ਸੇਵਾਵਾਂ ਪੂਰੀ ਦੁਨੀਆ ਵਿੱਚ ਠੱਪ ਹੋ ਗਈਆਂ ਹਨ।