ਜਾਮ ਤੋਂ ਪ੍ਰੇਸ਼ਾਨ ਲੋਕਾਂ ਨੇ ਲਗਾਇਆ ਜਾਮ, ਫਰੀਦਰੋਟ ਪ੍ਰਸ਼ਾਸਨ ਤੋਂ ਕੀਤੀ ਕਾਰਵਾਈ ਦੀ ਮੰਗ
Faridkot people protest: ਗੱਲਬਾਤ ਕਰਦਿਆਂ ਮੁਹੱਲਾ ਵਾਸੀਆਂ ਨੇ ਦੱਸਿਆ ਕਿ ਪਿਛਲੇ ਕਰੀਬ 10 ਸਾਲ ਤੋਂ ਨਰਕ ਭਰੀ ਜਿੰਦਗੀ ਜਿਉਣ ਲਈ ਮਜਬੂਰ ਹਨ। ਮੁਹੱਲਾ ਵਾਸੀਆ ਨੇ ਦੱਸਿਆ ਕਿ ਉਹਨਾਂ ਦੇ ਘਰਾ ਕੋਲ ਕਈ ਫੈਕਟਰੀਆਂ ਹਨ ਜਿਨ੍ਹਾਂ ਤੋਂ ਨਿਕਲਣ ਵਾਲੇ ਧੂੰਏ ਅਤੇ ਇਥੇ ਆਏ ਦਿਨ ਹੁੰਦੀ ਟਰੱਕਾਂ ਦੀ ਆਵਜਾਈ ਕਾਰਨ ਅਕਸਰ ਜਾਂਮ ਲੱਗਿਆ ਰਹਿੰਦਾ ਹੈ।
Faridkot people protest: ਫਰੀਦਕੋਟ ਦੇ ਭੋਲੂਵਾਲਾ ਰੋਡ ਦੇ ਰਹਿਣ ਵਾਲੇ ਲੋਕਾਂ ਨੇ ਆਵਜਾਈ ਦੀ ਸਮੱਸਿਆ ਨੂੰ ਲੈ ਕੇ ਸੜਕ ਜਾਮ ਕਰ ਰੋਸ਼ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਇਹ ਧਰਨਾ ਉਸ ਸਮੇਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਉਨ੍ਹਾਂ ਦੀਆਂ ਮੰਗਾਂ ਪੂਰੀਆਂ ਨਹੀਂ ਕੀਤੀਆਂ ਜਾਂਦੀਆਂ। ਇਲਾਕਾ ਨਿਵਾਸੀਆਂ ਦਾ ਇਲਜ਼ਾਮ ਹੈ ਕਿ ਇੱਥੇ ਬਣੇ ਧਰਮ ਕੰਡੇ ਕਾਰਨ ਇਹ ਸਮੱਸਿਆਵਾਂ ਪੈਦਾ ਹੋਇਆ ਹਨ ਅਤੇ ਇਸ ਨੂੰ ਜਲਦ ਤੋਂ ਜਲਦ ਹਟਾਇਆ ਜਾਵੇ
ਗੱਲਬਾਤ ਕਰਦਿਆਂ ਮੁਹੱਲਾ ਵਾਸੀਆਂ ਨੇ ਦੱਸਿਆ ਕਿ ਪਿਛਲੇ ਕਰੀਬ 10 ਸਾਲ ਤੋਂ ਨਰਕ ਭਰੀ ਜਿੰਦਗੀ ਜਿਉਣ ਲਈ ਮਜਬੂਰ ਹਨ। ਮੁਹੱਲਾ ਵਾਸੀਆ ਨੇ ਦੱਸਿਆ ਕਿ ਉਹਨਾਂ ਦੇ ਘਰਾ ਕੋਲ ਕਈ ਫੈਕਟਰੀਆਂ ਹਨ ਜਿਨ੍ਹਾਂ ਤੋਂ ਨਿਕਲਣ ਵਾਲੇ ਧੂੰਏ ਅਤੇ ਇਥੇ ਆਏ ਦਿਨ ਹੁੰਦੀ ਟਰੱਕਾਂ ਦੀ ਆਵਜਾਈ ਕਾਰਨ ਅਕਸਰ ਜਾਂਮ ਲੱਗਿਆ ਰਹਿੰਦਾ ਹੈ। ਇਸ ਨਾਲ ਕਈ ਤਰਾਂ ਦੇ ਹਾਦਸੇ ਵਾਪਰਦੇ ਹਨ ਜਿਸ ਕਾਰਨ ਉਹਨਾਂ ਨੂੰ ਵੱਡੀ ਸਮੱਸਿਆ ਆ ਰਹੀ ਹੈ। ਮੁਹੱਲਾ ਵਾਸੀਆਂ ਨੇ ਦੱਸਿਆ ਕਿ ਇਸ ਸਮੱਸਿਆ ਦਾ ਹਾਲੇ ਹੱਲ ਨਹੀਂ ਹੋਇਆ ਸੀ ਕਿ ਹੁਣ ਇਥੇ ਬਣੇ ਕਿ ਧਰਮ ਕੰਡੇ ਤੇ ਲਗਾਤਾਰ ਟਰੱਕ ਵਜਨ ਤੁਲਵਾਉਣ ਆ ਰਹੇ ਹਨ। ਵੱਡੇ ਵਹੀਕਲ ਲਗਾਤਾਰ ਇਥੇ ਆਉਣ ਨਾਲ ਉਹਨਾਂ ਦੀ ਸੜਕ ਵੀ ਪੂਰੀ ਤਰਾਂ ਟੁੱਟ ਗਈ ਹੈ।
ਪ੍ਰਸ਼ਾਸਨ ‘ਤੇ ਇਲਜ਼ਾਮ
ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਹੈ ਕਿ ਵੱਡੇ ਵਾਹਨਾ ਕਾਰਨ ਨਿਕਾਸੀ ਨਾਲੇ ਵੀ ਵੀ ਟੁੱਟ ਗਏ ਹਨ। ਜਿਸ ਕਾਰਨ ਸੜਕਾਂ ਤੇ ਡੂੰਘੇ ਖੱਡੇ ਬਣੇ ਹੋਏ ਹਨ ਅਤੇ ਉਹਨਾਂ ਵਿਚ ਅਕਸਰ ਪਾਣੀ ਭਰਿਆ ਰਹਿੰਦਾ ਹੈ। ਉਹਨਾਂ ਕਿਹਾ ਕਿ ਹੁਣ ਤਾਂ ਸਕੂਲਾਂ ਦੀਆ ਵੈਨਾਂ ਵਾਲਿਆ ਨੇ ਵੀ ਜਾਵਬ ਦੇ ਦਿੱਤਾ ਕਿ ਉਹ ਬੱਚਿਆ ਨੂੰ ਸਕੂਲ ਨਹੀਂ ਲਿਜਾ ਸਕਦੇ ਕਿਉਕਿ ਇੱਥੇ ਹਰ ਵਕਤ ਜਾਂਮ ਲੱਗਿਆ ਰਹਿੰਦਾ ਹੈ।
ਇਹ ਵੀ ਪੜ੍ਹੋ: ਨਸ਼ੇ ਕਾਰਨ ਬਾਕਸਿੰਗ ਖਿਡਾਰੀ ਦੀ ਮੌਤ, ਨੈਸ਼ਨਲ ਲੈਵਲ ਤੇ ਜਿੱਤ ਚੁੱਕਿਆ ਸੀ ਮੈਡਲ
ਮੁਹੱਲਾ ਵਾਸੀਆਂ ਨੇ ਦੱਸਿਆ ਕਿ ਇਥੇ ਟਰੱਕ ਲੰਘਣ ਨਾਲ ਕਈ ਵਾਰ ਜਾਨਲੇਵਾ ਹਾਦਸੇ ਵੀ ਵਾਪਰ ਚੁੱਕੇ ਹਨ। ਉਹਨਾਂ ਵਿਭਾਗੀ ਅਧਿਕਾਰੀਆਂ ਤੇ ਦੋਸ਼ ਲਗਾਉਂਦਿਆ ਕਿਹਾ ਕਿ ਜਦੋਂ ਸ਼ਹਿਰ ਦੀ ਅਨਾਜ ਮੰਡੀ ‘ਚ ਕੰਡੇ ਹਨ ਸਹਿਰ ਵਿਚ ਹੋਰ ਥਾਵਾਂ ਤੇ ਵੀ ਕੰਡੇ ਹਨ, ਪਰ ਵਿਭਾਗੀ ਅਧਿਕਾਰੀਆ ਵੱਲੋਂ ਕਥਿਤ ਮਿਲੀ ਭੁਗਤ ਕਰ ਕੇ ਹੀ ਇਹ ਕੰਡਾਂ ਵੱਡੇ ਟਰੱਕ ਟਰਾਲਿਆ ਦਾ ਵਜਨ ਕਰਨ ਲਈ ਚੁਣਿਆ ਗਿਆਂ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਕੰਡੇ ਨੂੰ ਬਦਲ ਕੇ ਕਿਸੇ ਹੋਰ ਕੰਡੇ ਤੇ ਟਰੱਕਾ ਦਾ ਵਜਨ ਕੀਤਾ ਜਾਵੇ।
ਮੌਕੇ ‘ਤੇ ਪਹੁੰਚੇ ਡੀਐਸਪੀ ਸ਼ਮਸ਼ੇਰ ਸਿੰਘ ਫਰੀਦਕੋਟ ਨੇ ਗੱਲਬਾਤ ਕਰਦਿਆ ਦੱਸਿਆ ਕਿ ਇਹ ਸਾਰੀ ਸਮੱਸਿਆ ਇਥੇ ਪੈਂਦੇ ਫਾਟਕ ਅਤੇ ਅਬਾਦੀ ਵਾਲੇ ਭੀੜੇ ਰਸਤੇ ਤੇ ਪੈਂਦੇ ਕੰਡੇ ਕਾਰਨ ਹੈ। ਉਹਨਾਂ ਕਿ ਕੁਝ ਟਰੈਫਿਕ ਤਾਂ ਉਹਨਾਂ ਨੇ ਆ ਕੇ ਕਲੀਅਰ ਕਰਵਾ ਦਿੱਤਾ ਹੈ ਬਾਕੀ ਮੌਕੇ ਤੇ ਜਿਲ੍ਹਾ ਫੂਡ ਸਪਲਾਈ ਕੰਟਰੋਲਰ ਆ ਰਹੇ ਹਨ ਉਹਨਾਂ ਨਾਲ ਗੱਲਬਾਤ ਕਰ ਕੇ ਕੰਡਾਂ ਬਦਲਣ ਦੀ ਕੋਸਿਸ ਕੀਤੀ ਜਾ ਰਹੀ ਹੈ ਅਤੇ ਕੰਡਾ ਬਦਲੇ ਬਿਨਾਂ ਇਸ ਸਮੱਸਿਆ ਦਾ ਹੱਲ ਵੀ ਨਹੀਂ ਹੋ ਸਕਦਾ।