ਦਰਬਾਰ ਸਾਹਿਬ ‘ਚ ਰਾਹੁਲ ਗਾਂਧੀ ਨੂੰ VIP ਟ੍ਰੀਟਮੈਂਟ ਦੇਣ ‘ਤੇ ਭੜਕੀ ਮਹਿਲਾ, ਪੁੱਛਿਆ- ਕੀ ਉਹ ਗੁਰੂ ਤੋਂ ਵੱਡੇ ਹਨ?
ਮਹਿਲਾ ਸ਼ਰਧਾਲੂ ਨੇ ਰਾਹੁਲ ਗਾਂਧੀ ਨੂੰ ਦਿੱਤੇ ਸਪੈਸ਼ਲ ਟ੍ਰੀਟਮੈਂਟ ਤੇ ਗੁੱਸਾ ਜ਼ਾਹਰ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਗੁਰੂ ਘਰ ਆਮ ਆਦਮੀ ਵਾਂਗ ਆਉਣਾ ਚਾਹੀਦਾ ਹੈ ਤੇ ਮੱਥਾ ਟੇਕਣਾ ਚਾਹੀਦਾ ਹੈ। ਮਹਿਲਾ ਨੇ ਕਿਹਾ ਕਿ ਕੀ ਰਾਹੁਲ ਗਾਂਧੀ ਗੁਰੂ ਨਾਨਕ ਦੇਵ ਤੋਂ ਵੱਡਾ ਹੈ। ਸਕਿਓਰਟੀ ਨੇ ਨਾਲ ਆਉਣਾ ਸੀ ਤਾਂ ਸਿਰਫ਼ ਚਾਰ ਲੋਕ ਵੀ ਨਾਲ ਆ ਸਕਦੇ ਸਨ। ਇਸ ਦੌਰਾਨ ਲੋਕ ਮਹਿਲਾ ਨੂੰ ਸ਼ਾਂਤ ਕਰਵਾਉਂਦੇ ਨਜ਼ਰ ਆਏ।
ਦਰਬਾਰ ਸਾਹਿਬ 'ਚ ਰਾਹੁਲ ਗਾਂਧੀ ਨੂੰ VIP ਟ੍ਰੀਟਮੈਂਟ ਦੇਣ 'ਤੇ ਭੜਕੀ ਮਹਿਲਾ
ਕਾਂਗਰਸ ਸੰਸਦ ਮੈਂਬਰ ਤੇ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਸੋਮਵਾਰ ਦੇਰ ਸ਼ਾਮ ਸ੍ਰੀ ਹਰਿਮੰਦਰ ਨਤਮਸਤਕ ਹੋਏ। ਇਸ ਦੌਰਾਨ ਉਨ੍ਹਾਂ ਨੇ ਦਰਬਾਰ ਸਾਹਿਬ ਜਲ ਦੀ ਸੇਵਾ ਵੀ ਕੀਤੀ। ਹਾਲਾਂਕਿ, ਰਾਹੁਲ ਦੇ ਹਰਿਮੰਦਰ ਸਾਹਿਬ ਨਤਮਸਤਕ ਹੋਣ ਵੇਲੇ ਦਿੱਤੀ ਗਈ ਸਪੈਸ਼ਲ ਟ੍ਰੀਟਮੈਂਟ ‘ਤੇ ਇੱਕ ਮਹਿਲਾ ਸ਼ਰਧਾਲੂ ਨਾਰਾਜ਼ ਨਜ਼ਰ ਆਈ।
ਮਹਿਲਾ ਸ਼ਰਧਾਲੂ ਨੇ ਰਾਹੁਲ ਗਾਂਧੀ ਨੂੰ ਦਿੱਤੇ ਸਪੈਸ਼ਲ ਟ੍ਰੀਟਮੈਂਟ ਤੇ ਗੁੱਸਾ ਜ਼ਾਹਰ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਗੁਰੂ ਘਰ ਆਮ ਆਦਮੀ ਵਾਂਗ ਆਉਣਾ ਚਾਹੀਦਾ ਹੈ ਤੇ ਮੱਥਾ ਟੇਕਣਾ ਚਾਹੀਦਾ ਹੈ। ਮਹਿਲਾ ਨੇ ਕਿਹਾ ਕਿ ਕੀ ਰਾਹੁਲ ਗਾਂਧੀ ਗੁਰੂ ਨਾਨਕ ਦੇਵ ਤੋਂ ਵੱਡਾ ਹੈ। ਸਕਿਓਰਟੀ ਨੇ ਨਾਲ ਆਉਣਾ ਸੀ ਤਾਂ ਸਿਰਫ਼ ਚਾਰ ਲੋਕ ਵੀ ਨਾਲ ਆ ਸਕਦੇ ਸਨ। ਇਸ ਦੌਰਾਨ ਲੋਕ ਮਹਿਲਾ ਨੂੰ ਸ਼ਾਂਤ ਕਰਵਾਉਂਦੇ ਨਜ਼ਰ ਆਏ। ਇਸ ਪੂਰੀ ਘਟਨਾ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਪੰਜਾਬ ‘ਚ 20 ਨਵੰਬਰ ਨੂੰ 4 ਵਿਧਾਨ ਸਭਾ ਸੀਟਾਂ ‘ਤੇ ਜ਼ਿਮਨੀ ਚੋਣਾਂ ਹੋਣੀਆਂ ਹਨ, ਇਸ ਤੋਂ ਪਹਿਲਾ ਰਾਹੁਲ ਗਾਂਧੀ ਦਰਬਾਰ ਸਾਹਿਬ ਨਤਮਸਤਕ ਹੋਣ ਲਈ ਪਹੁੰਚੇ। ਮੱਥਾ ਟੇਕਣ ਤੋਂ ਬਾਅਦ ਉਨ੍ਹਾਂ ਨੇ ਗੁਰਬਾਣੀ ਕੀਰਤਨ ਸੁਣਿਆ ਤੇ ਸੰਗਤ ਨੂੰ ਪਾਣੀ ਪਿਲਾਉਣ ਦੀ ਸੇਵਾ ਵੀ ਨਿਭਾਈ।
ਰਾਹੁਲ ਗਾਂਧੀ ਨੇ ਆਪਣੇ ਦਰਬਾਰ ਸਾਹਿਬ ਪਹੁੰਚਣ ਦੀ ਇੱਕ ਵੀਡੀਓ ਵੀ ਵਟਸਐਪ ਪੇਜ਼ ਤੇ ਸਾਂਝੀ ਕੀਤੀ ਹੈ। ਉਨ੍ਹਾਂ ਨੇ ਵੀਡੀਓ ਸਾਂਝੀ ਕਰਦੇ ਹੋਏ ਲਿਖਿਆ- ਹਰ ਵਾਰ ਜਦੋਂ ਅਸੀਂ ਸ੍ਰੀ ਹਰਿਮੰਦਰ ਸਾਹਿਬ ਪਹੁੰਚਦੇ ਹਾਂ ਤਾਂ ਸਾਨੂੰ ਅਥਾਹ ਸ਼ਾਂਤੀ ਮਿਲਦੀ ਹੈ। ਇਸ ਸਥਾਨ ਦੇ ਕਣ-ਕਣ ਵਿੱਚ ਮੌਜੂਦ ਸੇਵਾ ਦੀ ਭਾਵਨਾ, ਸਦਭਾਵਨਾ ਦੀ ਸ਼ਕਤੀ ਅਤੇ ਸਰਬੱਤ ਦੇ ਭਲੇ ਦੀ ਸਿੱਖ ਲੋਕ ਸੇਵਾ ਦਾ ਸੱਚਾ ਮਾਰਗ ਦਰਸਾਉਂਦਾ ਹੈ।