Uttarkashi Tunnel Rescue: ਸੁਰੰਗ ਦੇ ਅੰਦਰ ਦੀ ਪਹਿਲੀ ਤਸਵੀਰ ਆਈ ਸਾਹਮਣੇ, ਸਾਰੇ ਮਜ਼ਦੂਰ ਠੀਕ

ਉੱਤਰਕਾਸ਼ੀ ਦੀ ਸੁਰੰਗ ਵਿੱਚ ਪਿਛਲੇ 17 ਦਿਨਾਂ ਤੋਂ ਫਸੇ ਮਜ਼ਦੂਰ ਕੁਝ ਹੀ ਪਲਾਂ ਵਿੱਚ ਬਾਹਰ ਆਉਣ ਵਾਲੇ ਹਨ। ਮਜ਼ਦੂਰਾਂ ਨੂੰ ਸੁਰੰਗ ਤੋਂ ਬਾਹਰ ਆਉਣ ਤੋਂ ਤੁਰੰਤ ਬਾਅਦ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਜਾਵੇਗਾ। ਸਾਰੇ ਮਜ਼ਦੂਰਾਂ ਦੀ ਸਿਹਤ ਦੀ ਜਾਂਚ ਕੀਤੀ ਜਾਵੇਗੀ। ਸੁਰੰਗ ਦੇ ਬਾਹਰੋਂ ਹਸਪਤਾਲ ਤੱਕ ਪਹੁੰਚਣ ਲਈ ਇੱਕ ਗ੍ਰੀਨ ਕੋਰੀਡੋਰ ਵੀ ਬਣਾਇਆ ਗਿਆ ਹੈ।

ਏਮਜ਼ ਰਿਸ਼ੀਕੇਸ਼ ਦੇ ਅਸਿਸਟੈਂਟ ਪ੍ਰੋਫ਼ੈਸਰ ਡਾ: ਨਰਿੰਦਰ ਕੁਮਾਰ ਅਨੁਸਾਰ ਸੁਰੰਗ ਤੋਂ ਬਾਹਰ ਆਉਣ ਤੋਂ ਬਾਅਦ ਮਜ਼ਦੂਰਾਂ ਨੂੰ ਪਹਿਲਾਂ ਉੱਤਰਕਾਸ਼ੀ ਦੇ ਜ਼ਿਲ੍ਹਾ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਜਾਵੇਗਾ। ਜੇ ਇੱਥੇ ਡਾਕਟਰੀ ਇਲਾਜ ਦੀਆਂ ਜ਼ਰੂਰਤਾਂ ਪੂਰੀਆਂ ਨਹੀਂ ਹੁੰਦੀਆਂ ਹਨ, ਤਾਂ ਹੀ ਉਨ੍ਹਾਂ ਨੂੰ ਏਮਜ਼ ਰਿਸ਼ੀਕੇਸ਼ ਦੇ ਟਰੌਮਾ ਸੈਂਟਰ ਵਿੱਚ ਦਾਖਲ ਕਰਵਾਇਆ ਜਾਵੇਗਾ। ਟਰਾਮਾ ਸੈਂਟਰ ਵਿੱਚ 20 ਬੈੱਡ ਲਗਾਏ ਗਏ ਹਨ।

ਉੱਤਰਾਖੰਡ ਦੇ ਸਕੱਤਰ ਨੀਰਜ ਖੈਰਵਾਲ ਨੇ ਦੱਸਿਆ ਹੈ ਕਿ ਬਚਾਅ ਕਾਰਜ ਤੇਜ਼ੀ ਨਾਲ ਚੱਲ ਰਿਹਾ ਹੈ। 55.3 ਮੀਟਰ ਡਰਿਲਿੰਗ ਪੂਰੀ ਹੋ ਚੁੱਕੀ ਹੈ। ਹੁਣ ਮਜ਼ਦੂਰ ਦੋ ਮੀਟਰ ਤੋਂ ਵੀ ਘੱਟ ਦੂਰੀ ਤੇ ਹਨ। ਸ਼ਾਮ ਤੱਕ ਚੰਗੀ ਖਬਰ ਦੀ ਉਮੀਦ ਹੈ। ਅੰਦਰ ਜਾਣ ਲਈ 1 ਪਾਈਪ ਅਤੇ ਵੈਲਡਿੰਗ। ਵਰਕਰਾਂ ਨੂੰ ਇਕ-ਇਕ ਕਰਕੇ ਬਾਹਰ ਕੱਢਿਆ ਜਾਵੇਗਾ। ਅਸੀਂ ਹਰ ਸਥਿਤੀ ਲਈ ਤਿਆਰ ਹਾਂ।