Kangana Ranaut: ਕੰਗਨਾ ਦੀ ‘ਐਮਰਜੈਂਸੀ’ ‘ਚ ਲੱਗਣਗੇ ਵੱਡੇ ਕੱਟ, CBFC ਦੇ ਸਟੈਂਡ ਨਾਲ Zee Studio ਸਹਿਮਤ

ਕੰਗਨਾ ਦੀ 'ਐਮਰਜੈਂਸੀ' ਚ ਵੱਡੇ ਕੱਟ

ਕੰਗਨਾ ਦੀ ਬਹੁਚਰਚਿਤ ਫਿਲਮ ‘ਐਮਰਜੈਂਸੀ’ ਦੇ ਮਾਮਲੇ ‘ਚ ਅੱਜ ਬੰਬੇ ਹਾਈ ਕੋਰਟ ‘ਚ ਸੁਣਵਾਈ ਹੋਈ। ਇਸ ਦੌਰਾਨ ਪ੍ਰੋਡਕਸ਼ਨ ਕੰਪਨੀ ਜ਼ੀ ਸਟੂਡੀਓ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਸੋਧ ਕਮੇਟੀ ਵੱਲੋਂ ਸੁਝਾਏ ਗਏ ਬਦਲਾਵਾਂ ਨਾਲ ਸਹਿਮਤ ਹਨ। CBFC ਦੁਆਰਾ ਸੁਝਾਏ ਗਏ ਬਦਲਾਵਾਂ ਨੂੰ ਲਾਗੂ ਕਰਨ ਲਈ ਇੱਕ ਡਰਾਫਟ ਪੇਸ਼ ਕੀਤਾ ਗਿਆ ਹੈ। CBFC ਇਸ ਫਾਰਮੈਟ ‘ਤੇ ਜਵਾਬ ਦੇਵੇਗਾ। ਹੁਣ ਇਸ ਮਾਮਲੇ ਦੀ ਸੁਣਵਾਈ ਵੀਰਵਾਰ 3 ਅਕਤੂਬਰ ਨੂੰ ਹੋਵੇਗੀ।

ਦਰਅਸਲ, ਇਸ ਮਾਮਲੇ ਦੀ ਸੁਣਵਾਈ ਜਸਟਿਸ ਬਰਗੇਸ ਕੋਲਾਬਾਵਾਲਾ ਅਤੇ ਫਿਰਦੌਸ ਪੂਨਾਵਾਲਾ ਦੀ ਡਿਵੀਜ਼ਨ ਬੈਂਚ ਕਰ ਰਹੀ ਹੈ। ਜੱਜਾਂ ਨੇ ਪਿਛਲੇ ਹਫਤੇ ਇਹ ਜਾਣਨ ਦੀ ਮੰਗ ਕੀਤੀ ਸੀ ਕਿ ਕੀ ਸੈਂਸਰ ਬੋਰਡ ਨੇ ਫੈਸਲਾ ਕੀਤਾ ਹੈ ਕਿ ਕੀ ਉਹ ਫਿਲਮ ਨੂੰ ਰਿਲੀਜ਼ ਕਰਨ ਦੀ ਇਜਾਜ਼ਤ ਦੇਵੇਗਾ ਜਾਂ ਨਹੀਂ ਅਤੇ ਦੱਸਿਆ ਗਿਆ ਕਿ ਸੀਬੀਐਫਸੀ ਦੀ ਰਿਵਾਈਜ਼ਿੰਗ ਕਮੇਟੀ ਨੇ ਕੁਝ ਕਟੌਤੀਆਂ ਦਾ ਸੁਝਾਅ ਦਿੱਤਾ ਹੈ।

ਸੈਂਸਰ ਬੋਰਡ ਦੀ ਰਿਵਾਈਜ਼ਿੰਗ ਕਮੇਟੀ ਨੇ ਕੰਗਨਾ ਦੀ ਇਸ ਬਹੁ-ਉਡੀਕੀ ਫਿਲਮ ਵਿੱਚ 13 ਕੱਟਾਂ ਦਾ ਆਦੇਸ਼ ਦਿੱਤਾ ਹੈ, ਸੈਂਸਰ ਬੋਰਡ ਸੁਝਾਏ ਗਏ ਕੱਟਸ ਤੋਂ ਬਿਨਾਂ ਸਰਟੀਫਿਕੇਟ ਨਾ ਦੇਣ ‘ਤੇ ਅੜੇ ਹੋਇਆ ਹੈ। ਸੈਂਸਰ ਬੋਰਡ ਨੇ ਇਸ ਫਿਲਮ ਨੂੰ ਯੂ/ਏ ਸਰਟੀਫਿਕੇਟ ਦਿੱਤਾ ਹੈ। ਸੀਬੀਐਫਸੀ ਦਾ ਦਾਅਵਾ ਹੈ ਕਿ ਕਮੇਟੀ ਦੀ ਸਕ੍ਰੀਨਿੰਗ ਦਾ ਫੈਸਲਾ ਇਸ ਲਈ ਲਿਆ ਕਿਉਂਕਿ ਇਸ ਵਿੱਚ ਧਾਰਮਿਕ ਭਾਵਨਾਵਾਂ ਨੂੰ ਭੜਕਾਉਣ ਵਾਲੇ ਦ੍ਰਿਸ਼ ਅਤੇ ਸੰਵਾਦ ਹਨ। ਕੰਗਨਾ ਦੀ ਇਹ ਫਿਲਮ ਇੰਦਰਾ ਗਾਂਧੀ ‘ਤੇ ਬਣੀ ਐਮਰਜੈਂਸੀ ‘ਤੇ ਆਧਾਰਿਤ ਹੈ।

CBFC ਨੇ ਲਗਾਏ 13 ਕੱਟਸ, ਇਨ੍ਹਾਂ ਚੀਜ਼ਾਂ ਨੂੰ ਬਦਲਣਾ ਹੋਵੇਗਾ

ਸੀਬੀਐਫਸੀ ਨੇ ਫਿਲਮ ਦੇ ਸ਼ੁਰੂ ਵਿੱਚ ਇੱਕ ਡਿਸਕਲੇਮਰ ਜੋੜਨ ਲਈ ਕਿਹਾ ਹੈ, ਜਿਸ ਵਿੱਚ ਲਿਖਿਆ ਹੋਵੇ ਕਿ ਇਹ ਫਿਲਮ ਇੱਕ ਸੱਚੀ ਘਟਨਾ ਤੋਂ ਪ੍ਰੇਰਿਤ ਹੈ। ਚੀਨ ਨੇ ਅਸਾਮ ਨੂੰ ਭਾਰਤ ਤੋਂ ਵੱਖ ਕਰ ਦਿੱਤਾ ਹੈ… ਸੈਂਸਰ ਬੋਰਡ ਨੇ ਪੰਡਿਤ ਨਹਿਰੂ ਦੇ ਕਿਰਦਾਰ ਦੇ ਇਸ ਡਾਇਲਾਗ ਦਾ ਸਰੋਤ ਮੰਗਿਆ ਹੈ, ਜੋ ਫਿਲਮ ਵਿੱਚ ਦਿਖਾਇਆ ਗਿਆ ਹੈ। ਬੋਰਡ ਨੇ ਸੰਜੇ ਗਾਂਧੀ ਦੇ ਕਿਰਦਾਰ ਦੇ ਇੱਕ ਸੰਵਾਦ ‘ਤੇ ਵੀ ਇਤਰਾਜ਼ ਜਤਾਇਆ ਹੈ, ਜਿਸ ‘ਚ ਕਿਹਾ ਗਿਆ ਹੈ, ‘ਤੁਹਾਡੀ ਪਾਰਟੀ ਨੂੰ ਵੋਟਾਂ ਚਾਹੀਦੀਆਂ ਹਨ ਤੇ ਸਾਨੂੰ ਖਾਲਿਸਤਾਨ’।

ਇਸ ਤਰ੍ਹਾਂ ਸੈਂਸਰ ਬੋਰਡ ਨੇ ਕੰਗਨਾ ਦੀ ਐਮਰਜੈਂਸੀ ‘ਚ 13 ਕੱਟਸ ਲਗਾਏ ਹਨ। ਬੋਰਡ ਨੇ ਇਸ ਨੂੰ ਫਿਲਮ ਤੋਂ ਹਟਾਉਣ ਲਈ ਕਿਹਾ ਹੈ। ਇਸ ਦੇ ਨਾਲ ਹੀ ਫਿਲਮ ਨਿਰਮਾਤਾ ਨੂੰ ਇਹ ਵੀ ਕਿਹਾ ਗਿਆ ਹੈ ਕਿ ‘ਐਮਰਜੈਂਸੀ’ ‘ਚ ਜੋ ਵੀ ਦਿਖਾਇਆ ਗਿਆ ਹੈ, ਉਸ ਦਾ ਸਰੋਤ ਕੀ ਹੈ ਅਤੇ ਕਿੱਥੋਂ ਲਿਆ ਗਿਆ ਹੈ? ਇਸ ਦੇ ਲਈ ਦਸਤਾਵੇਜ਼ੀ ਸਬੂਤ ਵੀ ਦਿੱਤੇ ਜਾਣ।