Live Update: ਕਿਸਾਨਾਂ ਦੀਆਂ ਸਮੱਸਿਆਵਾਂ ਦਾ 7 ਜਨਵਰੀ ਤੋਂ ਪਹਿਲਾਂ ਹੱਲ ਹੋਵੇ: ਰਾਕੇਸ਼ ਟਿਕੈਤ

ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨੇ ਟਵੀਟ ਕੀਤਾ, ‘ਪੇਪਰ ਲੀਕ ਅਤੇ ਧਾਂਦਲੀ ਨੂੰ ਛੁਪਾਉਣ ਲਈ ਬਿਹਾਰ ਦੀ ਐਨਡੀਏ ਸਰਕਾਰ ਦੁਆਰਾ ਬੀਪੀਐਸਸੀ ਉਮੀਦਵਾਰਾਂ ‘ਤੇ ਬੇਰਹਿਮੀ ਨਾਲ ਲਾਠੀਚਾਰਜ ਅਤੇ ਅਣਮਨੁੱਖੀ ਤਸ਼ੱਦਦ ਕੀਤਾ ਗਿਆ ਹੈ। ਤਾਨਾਸ਼ਾਹੀ ਦਾ ਡੰਡਾ ਚਲਾ ਕੇ ਨੌਜਵਾਨਾਂ ਦੇ ਮਨੋਬਲ ਨੂੰ ਤੋੜਨ ਦੀ ਕੋਸ਼ਿਸ਼ ਬੇਹੱਦ ਸ਼ਰਮਨਾਕ ਅਤੇ ਨਿੰਦਣਯੋਗ ਹੈ। ਭਾਜਪਾ ਵਾਲਿਆਂ ਨੇ ਪੇਪਰ ਲੀਕ ਮਾਫੀਆ ਦਾ ਜਾਲ ਦੇਸ਼ ਭਰ ਵਿੱਚ ਵਿਛਾ ਦਿੱਤਾ ਹੈ, ਜਿਸ ਕਾਰਨ ਨੌਜਵਾਨਾਂ ਦਾ ਭਵਿੱਖ ਬਰਬਾਦ ਹੋ ਰਿਹਾ ਹੈ।

ਪਿਛਲੇ 7 ਸਾਲਾਂ ਵਿੱਚ 70 ਤੋਂ ਵੱਧ ਪੇਪਰ ਲੀਕ ਹੋਏ ਹਨ। ਬੀਪੀਐਸਸੀ ਪ੍ਰੀਖਿਆ ਵਿੱਚ 3.28 ਲੱਖ ਨੌਜਵਾਨਾਂ ਦਾ ਭਵਿੱਖ ਅਟਕਿਆ ਹੋਇਆ ਹੈ। ਜਦੋਂ ਧਾਂਦਲੀ ਦਾ ਪਤਾ ਚੱਲਦਾ ਹੈ ਤਾਂ ਭਾਜਪਾ ਬੇਸ਼ਰਮੀ ਨਾਲ ਇਸ ਦਾ ਖੰਡਨ ਕਰਦੀ ਹੈ ਜਾਂ ਲਾਠੀਚਾਰਜ ਕਰਕੇ ਨੌਜਵਾਨਾਂ ਨੂੰ ਚੁੱਪ ਕਰਾਉਣਾ ਚਾਹੁੰਦੀ ਹੈ।

ਜਲੰਧਰ ਵਿੱਚ ਵਿਆਹ ਲਈ ਜਾ ਰਹੇ ਲੜਕੇ ਨੇ ਫੜ੍ਹ ਕੇ ਕਿਸਾਨ ਜਿੰਦਾਬਾਦ ਦੇ ਨਾਅਰੇ ਲਗਾਏ। ਇਸ ਤੋਂ ਬਾਅਦ ਕਿਸਾਨਾਂ ਨੇ ਉਹਨਾਂ ਨੂੰ ਵਧਾਈਆਂ ਅਤੇ ਲੰਘਣ ਲਈ ਰਸਤਾ ਦਿੱਤਾ।

ਵਿਆਹ ਲਈ ਜਾ ਰਹੇ ਲੜਕੇ ਨੇ ਫੜ੍ਹਿਆ ਕਿਸਾਨੀ ਝੰਡਾ

ਟੀਮ ਇੰਡੀਆ ਨੂੰ ਵੱਡਾ ਝਟਕਾ ਲੱਗਾ ਹੈ। ਪਹਿਲੀ ਪਾਰੀ ‘ਚ ਸੈਂਕੜਾ ਲਗਾਉਣ ਵਾਲੇ ਨਿਤੀਸ਼ ਰੈੱਡੀ 1 ਰਨ ਬਣਾ ਕੇ ਪੈਵੇਲੀਅਨ ਪਰਤ ਗਏ ਹਨ। ਭਾਰਤੀ ਟੀਮ ਨੇ 130 ਦੌੜਾਂ ‘ਤੇ ਆਪਣਾ ਛੇਵਾਂ ਵਿਕਟ ਗੁਆ ਦਿੱਤਾ ਹੈ।

ਦੱਖਣੀ ਇਥੋਪੀਆ ਦੇ ਸਿਦਾਮਾ ਰਾਜ ਵਿੱਚ ਇੱਕ ਦਰਦਨਾਕ ਸੜਕ ਹਾਦਸੇ ਵਿੱਚ ਘੱਟ ਤੋਂ ਘੱਟ 66 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ।

ਕਾਂਗਰਸ ਸਾਂਸਦ ਪ੍ਰਿਅੰਕਾ ਗਾਂਧੀ ਨੇ ਟਵੀਟ ਕੀਤਾ, ‘ਤਿੰਨ ਦਿਨਾਂ ‘ਚ ਦੂਜੀ ਵਾਰ ਬਿਹਾਰ ‘ਚ ਵਿਦਿਆਰਥੀਆਂ ‘ਤੇ ਤਸ਼ੱਦਦ ਕੀਤਾ ਗਿਆ। ਪ੍ਰੀਖਿਆਵਾਂ ਵਿੱਚ ਭ੍ਰਿਸ਼ਟਾਚਾਰ, ਧਾਂਦਲੀ ਅਤੇ ਪੇਪਰ ਲੀਕ ਨੂੰ ਰੋਕਣਾ ਸਰਕਾਰ ਦਾ ਕੰਮ ਹੈ ਪਰ ਭ੍ਰਿਸ਼ਟਾਚਾਰ ਰੋਕਣ ਦੀ ਬਜਾਏ ਵਿਦਿਆਰਥੀਆਂ ਨੂੰ ਆਵਾਜ਼ ਉਠਾਉਣ ਤੋਂ ਰੋਕਿਆ ਜਾ ਰਿਹਾ ਹੈ। ਇਸ ਅੱਤ ਦੀ ਠੰਢ ਵਿੱਚ ਨੌਜਵਾਨਾਂ ‘ਤੇ ਪਾਣੀ ਦੀਆਂ ਤੋਪਾਂ ਅਤੇ ਲਾਠੀਚਾਰਜ ਕਰਨਾ ਅਣਮਨੁੱਖੀ ਹੈ। ਭਾਜਪਾ ਦਾ ਡਬਲ ਇੰਜਣ ਨੌਜਵਾਨਾਂ ‘ਤੇ ਦੋਹਰੇ ਅੱਤਿਆਚਾਰ ਦਾ ਪ੍ਰਤੀਕ ਬਣ ਗਿਆ ਹੈ।

ਦਿੱਲੀ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਸਿਆਸੀ ਤਾਪਮਾਨ ਕਾਫੀ ਵਧ ਗਿਆ ਹੈ। ਇਸ ਦੌਰਾਨ ਅਰਵਿੰਦ ਕੇਜਰੀਵਾਲ ਅੱਜ ਦੁਪਹਿਰ 12 ਵਜੇ ਪ੍ਰੈੱਸ ਕਾਨਫਰੰਸ ਕਰਨਗੇ। ਪ੍ਰੈੱਸ ਕਾਨਫਰੰਸ ‘ਚ ਉਹ ਵੱਡਾ ਐਲਾਨ ਕਰਨਗੇ।