SEBI ਦੀ ਮੈਂਬਰ ਰਹਿੰਦਿਆਂ ICICI ਬੈਂਕ ਤੋਂ ਵੀ 16 ਕਰੋੜ ਤਨਖਾਹ…ਮਾਧਬੀ ਪੁਰੀ ਬੁੱਚ ‘ਤੇ ਗੰਭੀਰ ਦੇ ਗੰਭੀਰ ਆਰੋਪ
Congress on Madhabi Puri Buch: ਪਵਨ ਖੇੜਾ ਨੇ ਕਿਹਾ, ਮੈਂ ਤੁਹਾਡੇ ਸਾਹਮਣੇ ਸੇਬੀ ਦੀ ਚੇਅਰਪਰਸਨ ਦਾ ਪਹਿਲਾ ਗੈਰ-ਕਾਨੂੰਨੀ ਕੰਮ ਪੇਸ਼ ਕਰਦਾ ਹਾਂ, ਮਾਧਬੀ ਪੁਰੀ ਨੇ ਸਾਲ 2017 ਤੋਂ 2019 ਤੱਕ ਆਈਸੀਆਈਸੀਆਈ ਬੈਂਕ ਤੋਂ 16.80 ਲੱਖ ਰੁਪਏ ਦੀ ਤਨਖਾਹ ਲਈ, ਜਦੋਂਕਿ ਤੁਸੀਂ ਸੇਬੀ ਦੀ ਮੈਂਬਰ ਸੀ। ਇਹ ਸੇਬੀ ਦੀ ਧਾਰਾ 54 ਆਫਿਸ ਆਫ ਪ੍ਰੋਫਿਟ ਦੀ ਸਿੱਧੀ ਉਲੰਘਣਾ ਹੈ।
ਮਾਧਬੀ ਪੁਰੀ ਬੁੱਚ, ਸੇਬੀ ਦੀ ਚੇਅਰਪਰਸਨ
ਕਾਂਗਰਸ ਦੇ ਬੁਲਾਰੇ ਪਵਨ ਖੇੜਾ ਨੇ ਸੇਬੀ ਚੇਅਰਮੈਨ ਮਾਧਬੀ ਬੁੱਚ ‘ਤੇ ਹਮਲਾ ਬੋਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੇਬੀ ਦੀ ਚੇਅਰਮੈਨ ਹੁੰਦਿਆਂ ਉਹ ਆਈਸੀਆਈਸੀਆਈ ਬੈਂਕ ਤੋਂ 2017 ਤੋਂ 2024 ਤੱਕ 16.80 ਕਰੋੜ ਰੁਪਏ ਕਿਵੇਂ ਅਤੇ ਕਿਉਂ ਤਨਖਾਹ ਲੈ ਰਹੀ ਸੀ।
ਪਵਨ ਖੇੜਾ ਨੇ ਕਿਹਾ, ਮਾਧਬੀ ਪੁਰੀ ਬੁਚ ਸੇਬੀ ਦੀ ਫੁੱਲ ਟਾਈਮ ਮੈਂਬਰ ਸਨ ਅਤੇ ਉਸ ਤੋਂ ਬਾਅਦ ਉਹ ਚੇਅਰਪਰਸਨ ਬਣੀ। ਸੇਬੀ ੇਚੇਅਰਪਰਸਨ ਦੀ ਨਿਯੁਕਤੀ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਦੁਆਰਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ, ਹੁਣ ਤੱਕ ਹਿੰਡਨਬਰਗ ਰਿਪੋਰਟ ਅਤੇ ਸੇਬੀ ਮੁਖੀ ਦੀ ਭੂਮਿਕਾ ਨੂੰ ਲੈ ਕੇ ਕਈ ਵਾਰ ਅਡਾਨੀ ਕਹਾਣੀ ‘ਤੇ ਚਰਚਾ ਹੋ ਚੁੱਕੀ ਹੈ।
ਤਨਖ਼ਾਹ ਨੂੰ ਲੈ ਕੇ ਸਵਾਲ ਉਠਾਏ ਗਏ
ਪਵਨ ਖੇੜਾ ਨੇ ਕਿਹਾ, ਸੇਬੀ ਚੇਅਰਪਰਸਨ ਦਾ ਪਹਿਲਾ ਗੈਰ-ਕਾਨੂੰਨੀ ਕੰਮ 2017 ਤੋਂ 2019 ਤੱਕ ਆਈਸੀਆਈਸੀਆਈ ਬੈਂਕ ਤੋਂ 16.80 ਲੱਖ ਰੁਪਏ ਦੀ ਤਨਖਾਹ ਲੈਣਾ ਸੀ, ਜਦੋਂ ਕਿ ਤੁਸੀਂ ਸੇਬੀ ਦੇ ਮੈਂਬਰ ਸੀ। ਇਹ ਸੇਬੀ, ਆਫਿਸ ਆਫ ਪ੍ਰੋਫਿਟ ਦੀ ਧਾਰਾ 54 ਦੀ ਸਿੱਧੀ ਉਲੰਘਣਾ ਹੈ। ਥੋੜੀ ਵੀ ਸ਼ਰਮ ਹੈ ਤਾਂ ਅਸਤੀਫਾ ਦੇ ਦਿਓ। ਉਨ੍ਹਾਂ ਨੇ ਅੱਗੇ ਕਿਹਾ, ਉਨ੍ਹਾਂ ਨੂੰ ਸੇਬੀ ਤੋਂ ਤਨਖਾਹ ਵੀ ਮਿਲ ਰਹੀ ਸੀ, ਅਚਾਨਕ ICICI ਵਿੱਚ ਉਨ੍ਹਾਂ ਦੀ ਤਨਖਾਹ 422 ਪ੍ਰਤੀਸ਼ਤ ਵਧ ਗਈ, ਜਿਸਦਾ ਮਤਲਬ ਹੈ ਕਿ ਉਹ ਕਈ ਥਾਵਾਂ ਤੋਂ ਤਨਖਾਹ ਲੈ ਰਹੀ ਹੈ।
ਉਨ੍ਹਾਂ ਨੇ ਆਈਸੀਆਈਸੀਆਈ ਤੋਂ 16 ਕਰੋੜ ਰੁਪਏ ਅਤੇ ਸੇਬੀ ਤੋਂ 3 ਕਰੋੜ ਰੁਪਏ ਤੋਂ ਵੱਧ ਲਏ ਹਨ, ਇਹ ਉਲੰਘਣਾ ਹੈ। ਇਸ ਦੌਰਾਨ, ਸੇਬੀ ਆਈਸੀਆਈਸੀਆਈ ਦੇ ਕਈ ਮਾਮਲਿਆਂ ਵਿੱਚ ਜਾਂਚ ਕਰ ਰਿਹਾ ਹੈ ਅਤੇ ਫੈਸਲਾ ਦੇ ਰਿਹਾ ਹੈ, ਇਹ ਸ਼ਤਰੰਜ ਖਿਡਾਰੀ ਕੌਣ ਹਨ?