Share Market @80000: ਬਾਜ਼ਾਰ ਖੁਲਦਿਆਂ ਹੀ ਪਹਿਲੀ ਵਾਰ 80 ਹਜ਼ਾਰ ਦੇ ਪਾਰ ਪਹੁੰਚਿਆ ਸੈਂਸੈਕਸ , ਨਿਵੇਸ਼ਕਾਂ ਨੇ ਕਮਾ ਲਏ 1.75 ਲੱਖ ਕਰੋੜ ਰੁਪਏ

ਪਹਿਲੀ ਵਾਰ 80 ਹਜ਼ਾਰ ਦੇ ਪਾਰ ਸੈਂਸੈਕਸ

ਬੁੱਧਵਾਰ ਨੂੰ ਸ਼ੇਅਰ ਬਾਜ਼ਾਰ ‘ਚ ਤੂਫਾਨੀ ਵਾਧਾ ਜਾਰੀ ਰਿਹਾ। ਬਜਟ 2024 ਤੋਂ ਪਹਿਲਾਂ ਸ਼ੇਅਰ ਬਾਜ਼ਾਰ ਨਵੀਂ ਉਚਾਈ ‘ਤੇ ਹੈ। ਸੈਂਸੈਕਸ ਨਵੇਂ ਰਿਕਾਰਡ ਬਣਾ ਰਿਹਾ ਹੈ। ਬੁੱਧਵਾਰ ਨੂੰ ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, ਸੈਂਸੈਕਸ ਨੇ ਪਹਿਲੀ ਵਾਰ 80 ਹਜ਼ਾਰ ਦਾ ਅੰਕੜਾ ਪਾਰ ਕਰਦੇ ਹੋਏ ਨਵਾਂ ਰਿਕਾਰਡ ਬਣਾਇਆ। ਉੱਧਰ, ਨਿਫਟੀ ਵੀ 24292.15 ਦੇ ਰਿਕਾਰਡ ਉੱਚ ਪੱਧਰ ‘ਤੇ ਖੁੱਲ੍ਹਿਆ। ਹਾਲਾਂਕਿ ਇਹ ਵਾਧਾ ਕੁਝ ਸਮੇਂ ਬਾਅਦ 9.23 ਮਿੰਟ ‘ਤੇ ਸੈਂਸੈਕਸ 482 ਅੰਕਾਂ ਦੇ ਵਾਧੇ ਨਾਲ 79,923.60 ‘ਤੇ ਕਾਰੋਬਾਰ ਕਰ ਰਿਹਾ ਸੀ। ਸਕਾਰਾਤਮਕ ਨੋਟ ‘ਤੇ ਬਾਜ਼ਾਰ ਖੁੱਲ੍ਹਣ ਕਾਰਨ ਨਿਵੇਸ਼ਕਾਂ ਨੂੰ ਵੀ ਭਾਰੀ ਮੁਨਾਫਾ ਹੋਇਆ ਹੈ। ਬੀਤੇ ਕਾਰੋਬਾਰੀ ਦਿਨ ਸੈਂਸੈਕਸ 79,441.45 ‘ਤੇ ਬੰਦ ਹੋਇਆ।

ਪਹਿਲੀ ਵਾਰ 80,000 ਦੇ ਪਾਰ ਪਹੁੰਚਿਆ ਸੈਂਸੈਕਸ

ਸੈਂਸੈਕਸ ਨੇ ਬੁੱਧਵਾਰ ਨੂੰ ਲਾਈਫ਼ ਟਾਈਮ ਹਾਈ ਲੈਵਲ ਦਾ ਨਵਾਂ ਰਿਕਾਰਡ ਬਣਾਇਆ। ਸੈਂਸੈਕਸ ਨੇ 80,039.22 ਅੰਕਾਂ ਦੇ ਨਵੇਂ ਸਿਖਰ ਨੂੰ ਛੂਹਿਆ ਅਤੇ ਨਿਫਟੀ 24,291.75 ਅੰਕਾਂ ਦੇ ਨਵੇਂ ਸਿਖਰ ਨੂੰ ਛੂ ਗਿਆ। ਸਵੇਰੇ 9.30 ਵਜੇ ਸੈਂਸੈਕਸ 427 ਅੰਕਾਂ ਦੇ ਵਾਧੇ ਨਾਲ 79,882 ਅੰਕਾਂ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਹੈ। ਜਦੋਂ ਕਿ ਨਿਫਟੀ 107.80 ਅੰਕਾਂ ਦੇ ਵਾਧੇ ਨਾਲ 24,232 ਅੰਕਾਂ ਦੇ ਨੇੜੇ ਹੈ।

ਨਿਵੇਸ਼ਕਾਂ ‘ਤੇ ਵਰ੍ਹੇ 1.75 ਲੱਖ ਕਰੋੜ ਰੁਪਏ

BSE ‘ਤੇ ਸੂਚੀਬੱਧ ਕੰਪਨੀਆਂ ਦੇ ਮਾਰਕੀਟ ਕੈਪ ‘ਚ 1.75 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ, ਯਾਨੀ ਕਿ ਬਾਜ਼ਾਰ ਖੁੱਲ੍ਹਦੇ ਹੀ ਨਿਵੇਸ਼ਕਾਂ ਦੀ ਦੌਲਤ ‘ਚ 1.75 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਬੀਐਸਈ ‘ਤੇ 2 ਜੁਲਾਈ ਨੂੰ ਸੂਚੀਬੱਧ ਸਾਰੇ ਸ਼ੇਅਰਾਂ ਦੀ ਕੁੱਲ ਮਾਰਕੀਟ ਕੈਪ 4,42,18,879.01 ਕਰੋੜ ਰੁਪਏ ਸੀ। ਅੱਜ ਯਾਨੀ 3 ਜੁਲਾਈ ਨੂੰ ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, ਇਹ 4,43,94,670.80 ਕਰੋੜ ਰੁਪਏ ਤੱਕ ਪਹੁੰਚ ਗਿਆ। ਇਸ ਦਾ ਮਤਲਬ ਹੈ ਕਿ ਨਿਵੇਸ਼ਕਾਂ ਦੀ ਕਮਾਈ 1,75,791.79 ਕਰੋੜ ਰੁਪਏ ਵਧੀ ਹੈ।

ਇਹ ਵੀ ਪੜ੍ਹੋ – 40 ਦਿਨਾਂ ਚ 3400 ਰੁਪਏ ਸਸਤਾ ਹੋਇਆ ਸੋਨਾ, ਜਾਣੋ ਤੁਹਾਡੇ ਸ਼ਹਿਰ ਚ ਕੀ ਹੈ ਕੀਮਤ

ਇਹਨਾਂ ਸ਼ੇਅਰਾਂ ਵਿੱਚ ਤੇਜ਼ੀ

ਸੈਂਸੈਕਸ ‘ਤੇ 30 ਸ਼ੇਅਰ ਸੂਚੀਬੱਧ ਹਨ, ਜਿਨ੍ਹਾਂ ‘ਚੋਂ 20 ਗ੍ਰੀਨ ਜ਼ੋਨ ‘ਚ ਹਨ। ਸਭ ਤੋਂ ਜ਼ਿਆਦਾ ਵਾਧਾ HDFC ਬੈਂਕ, ਕੋਟਕ ਬੈਂਕ ਅਤੇ JSW ਸਟੀਲ ‘ਚ ਹੋਇਆ ਹੈ। ਦੂਜੇ ਪਾਸੇ ਸਨ ਫਾਰਮਾ, NTPC ਅਤੇ TCS ‘ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਹੇ

ਗਲੋਬਲ ਮਾਰਕੀਟ ਦਾ ਮਿਲ ਰਿਹਾ ਸਪੋਰਟ

ਘਰੇਲੂ ਸ਼ੇਅਰ ਬਾਜ਼ਾਰ ਨੂੰ ਗਲੋਬਲ ਬਾਜ਼ਾਰਾਂ ਤੋਂ ਸਪੋਰਟ ਮਿਲ ਰਿਹਾ ਹੈ। ਮੰਗਲਵਾਰ ਨੂੰ ਵਾਲ ਸਟਰੀਟ ‘ਤੇ ਸਾਰੇ ਸੂਚਕਾਂਕ ਗ੍ਰੀਨ ਜ਼ੋਨ ‘ਚ ਸਨ। ਡਾਓ ਜੋਂਸ ਇੰਡਸਟਰੀਅਲ ਔਸਤ 0.41 ਪ੍ਰਤੀਸ਼ਤ, S&P 500 0.62 ਪ੍ਰਤੀਸ਼ਤ ਅਤੇ ਨੈਸਡੈਕ 0.84 ਪ੍ਰਤੀਸ਼ਤ ਵੱਧ ਸੀ। ਅੱਜ ਏਸ਼ੀਆਈ ਬਾਜ਼ਾਰ ਵੀ ਮਜ਼ਬੂਤ ​​ਹਨ। ਜਾਪਾਨ ਦਾ ਨਿੱਕੇਈ ਸ਼ੁਰੂਆਤੀ ਕਾਰੋਬਾਰ ‘ਚ 0.84 ਫੀਸਦੀ ਚੜ੍ਹਿਆ ਸੀ, ਜਦਕਿ ਟੌਪਿਕਸ 0.08 ਫੀਸਦੀ ਮਜ਼ਬੂਤ ​​ਸੀ। ਦੱਖਣੀ ਕੋਰੀਆ ਦਾ ਕੋਸਪੀ 0.26 ਫੀਸਦੀ ਅਤੇ ਕੋਸਡੈਕ 0.5 ਫੀਸਦੀ ਚੜ੍ਹਿਆ ਹੈ। ਹਾਲਾਂਕਿ ਹਾਂਗਕਾਂਗ ਦਾ ਹੈਂਗ ਸੇਂਗ ਸ਼ੁਰੂਆਤੀ ਨੁਕਸਾਨ ਦੇ ਸੰਕੇਤ ਦੇ ਰਿਹਾ ਸੀ।