17-02- 2026
Author: Shubham Anand
TV9 Punjabi
TV9 Punjabi
ਅਕਸਰ ਅਸੀਂ ਪੈਟਰੋਲੀਅਮ ਜੈਲੀ ਦੀ ਵਰਤੋਂ ਸਿਰਫ਼ ਸਕੀਨ ਲਈ ਹੀ ਕਰਦੇ ਹਾਂ। ਅਸਲ ਵਿੱਚ ਇਹ ਸਕੀਨ ਵਿੱਚ ਨਮੀ ਬਣਾਈ ਰੱਖਣ ਦਾ ਕੰਮ ਕਰਦੀ ਹੈ, ਇਸ ਲਈ ਇਸ ਨੂੰ ਬੁੱਲ੍ਹਾਂ ਤੋਂ ਲੈ ਕੇ ਹੱਥਾਂ-ਪੈਰਾਂ 'ਤੇ ਲਗਾਇਆ ਜਾ ਸਕਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਦੇ ਹੋਰ ਵੀ ਕਈ ਫਾਇਦੇ ਹਨ?
ਤੁਸੀਂ ਪੈਟਰੋਲੀਅਮ ਜੈਲੀ ਨੂੰ ਨਾ ਸਿਰਫ਼ ਸਕੀਨ ਲਈ, ਸਗੋਂ ਘਰ ਦੇ ਕਈ ਹੋਰ ਕੰਮਾਂ ਲਈ ਵੀ ਵਰਤ ਸਕਦੇ ਹੋ। ਇਹ ਤੁਹਾਡੇ ਰੋਜ਼ਾਨਾ ਦੇ ਕਈ ਕੰਮਾਂ ਨੂੰ ਆਸਾਨ ਬਣਾ ਸਕਦੀ ਹੈ। ਆਓ ਜਾਣਦੇ ਹਾਂ
ਤੁਸੀਂ ਪੈਟਰੋਲੀਅਮ ਜੈਲੀ ਦੀ ਮਦਦ ਨਾਲ ਆਪਣਾ ਹਾਈਲਾਈਟਰ ਤਿਆਰ ਕਰ ਸਕਦੇ ਹੋ। ਇਸ ਦੇ ਲਈ ਪੀਚ, ਗੋਲਡਨ ਜਾਂ ਕਿਸੇ ਵੀ ਨਿਊਟਰਲ ਰੰਗ ਦੇ ਆਈਸ਼ੈਡੋ ਨੂੰ ਪੈਟਰੋਲੀਅਮ ਜੈਲੀ ਵਿੱਚ ਮਿਲਾਓ। ਇਸ ਨੂੰ ਚਿਹਰੇ 'ਤੇ ਲਗਾਉਣ ਨਾਲ ਤੁਹਾਨੂੰ ਇੱਕ ਸ਼ਾਨਦਾਰ ਗਲੋਇੰਗ ਲੁੱਕ ਮਿਲੇਗੀ।
ਜੇਕਰ ਤੁਸੀਂ ਪੇਂਟਿੰਗ ਕਰ ਰਹੇ ਹੋ ਅਤੇ ਡਰ ਹੈ ਕਿ ਰੰਗ ਆਲੇ-ਦੁਆਲੇ ਗਿਰ ਕੇ ਦਾਗ ਪਾ ਦੇਵੇਗਾ, ਤਾਂ ਉਸ ਜਗ੍ਹਾ 'ਤੇ ਥੋੜ੍ਹੀ ਜਿਹੀ ਪੈਟਰੋਲੀਅਮ ਜੈਲੀ ਲਗਾ ਦਿਓ। ਇਸ ਨਾਲ ਰੰਗ ਦੇ ਦਾਗ ਨਹੀਂ ਪੈਣਗੇ ਅਤੇ ਸਫਾਈ ਆਸਾਨ ਹੋ ਜਾਵੇਗੀ।
ਜੇਕਰ ਤੁਹਾਡੇ ਕੋਲ ਲੇਦਰ ਦੇ ਪਰਸ, ਜੁੱਤੇ ਜਾਂ ਬੈਗ ਹਨ, ਤਾਂ ਪੈਟਰੋਲੀਅਮ ਜੈਲੀ ਉਨ੍ਹਾਂ ਲਈ ਪਾਲਿਸ਼ ਦਾ ਕੰਮ ਕਰ ਸਕਦੀ ਹੈ। ਥੋੜ੍ਹੀ ਜਿਹੀ ਜੈਲੀ ਨੂੰ ਸੂਤੀ ਕੱਪੜੇ 'ਤੇ ਲਗਾ ਕੇ ਲੇਦਰ ਦੀਆਂ ਚੀਜ਼ਾਂ 'ਤੇ ਰਗੜੋ, ਇਸ ਨਾਲ ਉਨ੍ਹਾਂ ਵਿੱਚ ਨਵੀਂ ਵਰਗੀ ਚਮਕ ਆ ਜਾਵੇਗੀ।
ਜੇਕਰ ਤੁਹਾਡੇ ਘਰ ਵਿੱਚ ਲੋਹੇ, ਪਿੱਤਲ ਜਾਂ ਹੋਰ ਧਾਤਾਂ ਦੇ ਬਰਤਨ ਜਾਂ ਸੰਦ (Tools) ਹਨ ਅਤੇ ਤੁਸੀਂ ਉਨ੍ਹਾਂ ਨੂੰ ਜੰਗ ਲੱਗਣ ਤੋਂ ਬਚਾਉਣਾ ਚਾਹੁੰਦੇ ਹੋ, ਤਾਂ ਉਨ੍ਹਾਂ 'ਤੇ ਪੈਟਰੋਲੀਅਮ ਜੈਲੀ ਦੀ ਇੱਕ ਪਰਤ ਲਗਾ ਕੇ ਸਟੋਰ ਕਰੋ।
ਕਈ ਵਾਰ ਲੱਕੜ ਦੇ ਫਰਨੀਚਰ 'ਤੇ ਹਲਕੀਆਂ ਖਰੋਚਾਂ ਕਾਰਨ ਉਸ ਦੀ ਚਮਕ ਘੱਟ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ, ਥੋੜ੍ਹੀ-ਥੋੜ੍ਹੀ ਪੈਟਰੋਲੀਅਮ ਜੈਲੀ ਲਗਾਓ ਅਤੇ ਫਿਰ ਸੂਤੀ ਕੱਪੜੇ ਨਾਲ ਪੂੰਝ ਦਿਓ। ਇਹ ਫਰਨੀਚਰ ਨੂੰ ਮੁੜ ਚਮਕਾਉਣ ਵਿੱਚ ਮਦਦਗਾਰ ਹੈ।