14-07- 2024
TV9 Punjabi
Author: Ramandeep Singh
ਵਿੰਬਲਡਨ 2024 ਦਾ ਫਾਈਨਲ ਮੁਕਾਬਲਾ ਸਰਬੀਆ ਦੇ ਨੋਵਾਕ ਜੋਕੋਵਿਚ ਅਤੇ ਸਪੇਨ ਦੇ ਕਾਰਲੋਸ ਅਲਕਾਰਜ਼ ਵਿਚਾਲੇ ਖੇਡਿਆ ਜਾਵੇਗਾ।
Pic Credit: Getty
ਵਿਸ਼ਵ ਟੈਨਿਸ ਰੈਂਕਿੰਗ 'ਚ ਨੋਵਾਕ ਜੋਕੋਵਿਚ ਦੂਜੇ ਅਤੇ ਕਾਰਲੋਸ ਅਲਕਾਰਜ਼ ਤੀਜੇ ਸਥਾਨ 'ਤੇ ਹਨ। ਪਿਛਲੇ ਸਾਲ ਵੀ ਇਹ ਦੋਵੇਂ ਖਿਡਾਰੀ ਫਾਈਨਲ ਵਿੱਚ ਆਹਮੋ-ਸਾਹਮਣੇ ਸਨ।
ਇਸ ਵਿੰਬਲਡਨ ਫਾਈਨਲ ਨੂੰ ਇਤਿਹਾਸ ਦੇ ਕਿਸੇ ਵੀ ਟੈਨਿਸ ਟੂਰਨਾਮੈਂਟ ਦਾ ਸਭ ਤੋਂ ਮਹਿੰਗਾ ਮੈਚ ਦੱਸਿਆ ਜਾ ਰਿਹਾ ਹੈ। ਇਸ ਦਾ ਕਾਰਨ ਇਸ ਮੈਚ ਦੀ ਟਿਕਟ ਦੀ ਕੀਮਤ ਹੈ।
ਅਮਰੀਕੀ ਖੇਡ ਕੁਮੈਂਟੇਟਰ ਡੈਰੇਨ ਰੋਵੇਲ ਨੇ ਦਾਅਵਾ ਕੀਤਾ ਹੈ ਕਿ ਇਸ ਮੈਚ ਦੀ ਸਭ ਤੋਂ ਸਸਤੀ ਟਿਕਟ ਦੀ ਕੀਮਤ 10,000 ਅਮਰੀਕੀ ਡਾਲਰ (ਲਗਭਗ 8,35,193 ਰੁਪਏ) ਹੈ।
ਵਿੰਬਲਡਨ ਦੀ ਅਧਿਕਾਰਤ ਸਾਈਟ 'ਤੇ ਫਾਈਨਲ ਲਈ ਸੈਂਟਰ ਕੋਰਟ ਸੀਟ ਦੀ ਟਿਕਟ ਦੀ ਕੀਮਤ 275 ਪੌਂਡ (ਲਗਭਗ 29,172.56 ਰੁਪਏ) ਰੱਖੀ ਗਈ ਹੈ। ਪਰ ਆਨਲਾਈਨ ਟਿਕਟ ਰੀਸੇਲਿੰਗ ਪਲੇਟਫਾਰਮ ਇਸ ਨੂੰ ਲੱਖਾਂ 'ਚ ਵੇਚ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਫਾਈਨਲ ਮੈਚ ਦੀ ਸਭ ਤੋਂ ਮਹਿੰਗੀ ਟਿਕਟ 12 ਲੱਖ ਰੁਪਏ ਤੋਂ ਵੱਧ ਦੱਸੀ ਜਾ ਰਹੀ ਹੈ।