03-10- 2025
TV9 Punjabi
Author: Sandeep Singh
ਸਾਡੀਆਂ ਰਸੋਈਆਂ ਵਿੱਚ ਮੌਜੂਦ ਮਸਾਲੇ ਨਾ ਸਿਰਫ਼ ਖਾਣੇ ਦਾ ਸੁਆਦ ਵਧਾਉਂਦੇ ਹਨ ਸਗੋਂ ਸਿਹਤ ਲਈ ਵੀ ਫਾਇਦੇਮੰਦ ਹੁੰਦੇ ਹਨ। ਅਜਵਾਇਨ ਅਤੇ ਜੀਰੇ ਦਾ ਪਾਣੀ ਭਾਰ ਘਟਾਉਣ ਵਿੱਚ ਵੀ ਮਦਦਗਾਰ ਹੁੰਦਾ ਹੈ।
ਹਰੇਕ ਭੋਜਨ ਨੂੰ ਉਸ ਦੇ ਖਾਸ ਮੌਸਮ ਦੇ ਅਨੁਸਾਰ ਖੁਰਾਕ ਵਿੱਚ ਸ਼ਾਮਲ ਕਰਨਾ ਚਾਹੀਦਾ ਹੈ, ਨਹੀਂ ਤਾਂ ਇਹ ਸਿਹਤ ਲਈ ਨੁਕਸਾਨਦੇਹ ਹੋ ਸਕਦਾ ਹੈ। ਇਹੀ ਗੱਲ ਅਜਵਾਇਨ ਅਤੇ ਜੀਰੇ ਦੇ ਪਾਣੀ ਤੇ ਵੀ ਢੁਕਦੀ ਹੈ।
ਆਯੁਰਵੇਦ ਐਕਸਪਰਟ ਕਿਰਨ ਗੁਪਤਾ ਦੱਸਦੇ ਹਨ ਕਿ ਜੀਰੇ ਦਾ ਪਾਣੀ ਫਾਈਬਰ ਅਤੇ ਕੈਲਸ਼ੀਅਮ ਦਾ ਸਰੋਤ ਹੈ। ਭਾਰ ਘਟਾਉਣ ਲਈ ਤੁਸੀਂ ਸਵੇਰੇ ਜੀਰੇ ਦਾ ਪਾਣੀ ਪੀ ਸਕਦੇ ਹੋ।
ਜੀਰੇ ਦਾ ਪਾਣੀ ਪੇਟ ਨੂੰ ਠੰਡਾ ਰੱਖਦਾ ਹੈ ਅਤੇ ਇਸ ਨੂੰ ਸਾਫ਼ ਰੱਖਦਾ ਹੈ, ਜੋ ਗੈਸ ਅਤੇ ਪੇਟ ਦੀਆਂ ਸਮੱਸਿਆਵਾਂ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ।
ਮਾਹਵਾਰੀ ਦੌਰਾਨ ਅਜਵਾਇਨ ਦਾ ਪਾਣੀ ਪੀਣ ਨਾਲ ਪੇਟ ਦੇ ਦਰਦ ਤੋਂ ਰਾਹਤ ਮਿਲਦੀ ਹੈ। ਹਾਲਾਂਕਿ, ਗਰਮੀਆਂ ਦੌਰਾਨ ਇਸ ਤੋਂ ਬਚਣਾ ਚਾਹੀਦਾ ਹੈ, ਕਿਉਂਕਿ ਇਹ ਐਸਿਡਿਟੀ ਨੂੰ ਵਧਾ ਸਕਦਾ ਹੈ।
ਐਕਸਪਰਟ ਦੱਸਦੇ ਹਨ ਕਿ ਜਿਥੇ ਇੱਕ ਸਮੇਂ ਤੇ ਜੀਰੇ ਦੀ ਵਰਤੋਂ ਦੋ ਚਮਚ ਕਰ ਸਕਦੇ ਹਾਂ ਉਥੇ ਹੀ ਅਜਵਾਇਨ ਦੀ ਵਰਤੋਂ ਘੱਟ ਕਰਨੀ ਚਾਹੀਦੀ ਹੈ। ਜ਼ਿਆਦਾ ਅਜਵਾਇਨ ਦੀ ਵਰਤੋਂ ਕਰਨ ਨਾਲ ਪੇਟ ਦੀਆਂ ਸਮੱਸਿਆ ਵੱਧ ਸਕਦੀਆਂ ਹਨ।