13 June 2024
TV9 Punjabi
Author: Isha
ਪਿਛਲੇ ਕਈ ਦਿਨਾਂ ਤੋਂ ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਦੇ ਵਿਆਹ ਦੀ ਚਰਚਾ ਹੈ। ਇੱਥੋਂ ਤੱਕ ਕਿ ਵਿਆਹ ਦੀ ਪੱਕੀ ਤਰੀਕ ਵੀ ਸਾਹਮਣੇ ਆ ਚੁੱਕੀ ਹੈ।
ਇੰਨਾ ਹੀ ਨਹੀਂ ਸੋਨਾਕਸ਼ੀ ਅਤੇ ਜ਼ਹੀਰ ਦੇ ਵਿਆਹ ਦਾ ਸੱਦਾ ਪੱਤਰ ਵੀ ਸਾਹਮਣੇ ਆਇਆ ਹੈ। ਇਸ ਵਿੱਚ ਸਾਫ਼ ਲਿਖਿਆ ਹੋਇਆ ਹੈ ਕਿ "ਅਫ਼ਵਾਹਾਂ ਸੱਚ ਹਨ।"
ਕਾਰਡ 'ਤੇ ਵਿਆਹ ਦੀ ਤਰੀਕ 23 ਜੂਨ ਲਿਖੀ ਹੋਈ ਹੈ। ਵਿਆਹ ਦਾ ਡਰੈੱਸ ਕੋਡ 'ਤਿਉਹਾਰੀ ਅਤੇ ਰਸਮੀ' ਰੱਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਲਿਖਿਆ ਹੈ ਕਿ ਲਾਲ ਕੱਪੜਿਆਂ ਵਿੱਚ ਨਹੀਂ ਆਉਣਾ ਚਾਹੀਦਾ।
ਸੋਨਾਕਸ਼ੀ ਦੇ ਇੱਕ ਦੋਸਤ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਸੋਨਾਕਸ਼ੀ ਨੇ ਜ਼ਹੀਰ ਨਾਲ ਵਿਆਹ ਕਰਵਾਉਣ ਲਈ ਇਹ ਕਦਮ ਚੁੱਕਿਆ ਹੈ ਕਿ ਉਹ ਰਜਿਸਟਰਡ ਵਿਆਹ ਕਰਵਾਏਗੀ।
ਨਾ ਤਾਂ ਬਰਾਤ ਨਿਕਲੇਗਾ ਤੇ ਨਾ ਹੀ ਮੰਡਪ ਸਜਾਇਆ ਜਾਵੇਗਾ। ਕਿਉਂਕਿ ਜ਼ਹੀਰ ਅਤੇ ਸੋਨਾਕਸ਼ੀ ਦਾ ਰਜਿਸਟਰਡ ਵਿਆਹ ਹੋਵੇਗਾ। ਅਜਿਹੇ 'ਚ ਦੋਹਾਂ ਨੂੰ ਧਰਮ ਬਦਲਣ ਦੀ ਕੋਈ ਲੋੜ ਨਹੀਂ ਹੋਵੇਗੀ।
ਸੋਨਾਕਸ਼ੀ ਦੇ ਦੋਸਤ ਨੇ ਕਿਹਾ, "ਹੋ ਸਕਦਾ ਹੈ ਕਿ ਉਨ੍ਹਾਂ ਨੇ ਪਹਿਲਾਂ ਹੀ ਰਜਿਸਟਰਡ ਵਿਆਹ ਕਰਵਾ ਲਿਆ ਹੋਵੇ। ਪਰ ਇਸ ਤਰ੍ਹਾਂ ਦਾ ਕੋਈ ਵੱਡਾ ਫੰਕਸ਼ਨ ਨਹੀਂ ਹੋਵੇਗਾ, ਬਸ ਇੱਕ ਪਾਰਟੀ ਹੋਵੇਗੀ।"
23 ਜੂਨ ਦੀ ਸ਼ਾਮ ਨੂੰ ਮੁੰਬਈ ਦੇ ਰੈਸਟੋਰੈਂਟ ਬੈਸਟਿਅਨ ਵਿੱਚ ਇੱਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਵੇਗਾ। ਸੋਨਾਕਸ਼ੀ ਅਤੇ ਜ਼ਹੀਰ ਆਪਣੇ ਵਿਆਹ ਨੂੰ ਗੁਪਤ ਰੱਖਣਾ ਚਾਹੁੰਦੇ ਹਨ।