19 April 2024
TV9 Punjabi
ਭਾਰਤ ਵਿੱਚ ਮਸਾਲਾ ਬਣਾਉਣ ਵਾਲੀ ਕੰਪਨੀ ਐਵਰੈਸਟ ਦੇ ਮਸਾਲੇ ਸਿੰਗਾਪੁਰ ਨੂੰ ਵਾਪਸ ਕੀਤੇ ਜਾ ਰਹੇ ਹਨ। ਸਿੰਗਾਪੁਰ 'ਚ ਐਵਰੈਸਟ ਕੰਪਨੀ 'ਤੇ ਵੱਡਾ ਇਲਜ਼ਾਮ ਲੱਗਾ ਹੈ।
ਸਿੰਗਾਪੁਰ 'ਚ ਐਵਰੈਸਟ ਸਪਾਈਸ 'ਚ ਕੀਟਨਾਸ਼ਕ ਐਥੀਲੀਨ ਆਕਸਾਈਡ ਦੀ ਜ਼ਿਆਦਾ ਵਰਤੋਂ ਕਰਨ ਦੇ ਦੋਸ਼ ਲੱਗੇ ਹਨ।
ਇਸ ਦੋਸ਼ ਕਾਰਨ ਸਿੰਗਾਪੁਰ ਸਰਕਾਰ ਨੇ ਭਾਰਤ ਤੋਂ ਐਵਰੈਸਟ ਫਿਸ਼ ਕਰੀ ਸਪਾਈਸ ਦੀ ਦਰਾਮਦ ਵਾਪਸ ਲੈਣ ਦਾ ਫੈਸਲਾ ਕੀਤਾ ਹੈ।
ਐਥੀਲੀਨ ਆਕਸਾਈਡ ਦੀ ਵੱਡੀ ਮਾਤਰਾ ਨੂੰ ਮਨੁੱਖੀ ਵਰਤੋਂ ਲਈ ਢੁਕਵਾਂ ਨਹੀਂ ਮੰਨਿਆ ਜਾਂਦਾ ਹੈ। ਇਸ ਕਾਰਨ ਸਿੰਗਾਪੁਰ ਸਰਕਾਰ ਨੇ ਇਹ ਫੈਸਲਾ ਲਿਆ ਹੈ।
ਸਿੰਗਾਪੁਰ ਫੂਡ ਏਜੰਸੀ ਨੇ ਮਸਾਲੇ ਦੀ ਦਰਾਮਦ ਕਰਨ ਵਾਲੀ ਕੰਪਨੀ ਐਸਪੀ ਮੁਥੱਈਆ ਐਂਡ ਸੰਨਜ਼ ਪ੍ਰਾਈਵੇਟ ਲਿਮਟਿਡ ਨੂੰ ਭਾਰਤੀ ਕੰਪਨੀ ਦੇ ਫਿਸ਼ ਮਸਾਲੇ ਵਾਪਸ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
ਏਜੰਸੀ ਨੇ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਹਾਂਗਕਾਂਗ 'ਚ ਵੇਚੇ ਜਾ ਰਹੇ ਫਿਸ਼ ਕਰੀ ਮਸਾਲੇ 'ਚ ਐਥੀਲੀਨ ਆਕਸਾਈਡ ਦੀ ਮਾਤਰਾ ਜ਼ਿਆਦਾ ਹੋਣ ਕਾਰਨ ਫੂਡ ਸੇਫਟੀ ਸੈਂਟਰ ਨੇ ਮਸਾਲੇ ਨੂੰ ਵਾਪਸ ਕਰਨ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ।