19 Jan 2024
TV9Punjabi
ਟੀਮ ਇੰਡੀਆ ਦੇ ਮਹਾਨ ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ ਭਾਵੇਂ ਹੀ ਇਸ ਸਮੇਂ ਕ੍ਰਿਕਟ ਦੇ ਮੈਦਾਨ ਤੋਂ ਦੂਰ ਹਨ ਪਰ ਉਹ ਆਪਣੇ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਨ 'ਚ ਕਦੇ ਵੀ ਅਸਫਲ ਨਹੀਂ ਹੁੰਦੇ।
Pic Credit: PTI/AFP/Instagram
ਕਦੇ ਇੰਸਟਾਗ੍ਰਾਮ 'ਤੇ ਆਪਣੀਆਂ ਰੀਲਾਂ ਦੇ ਜ਼ਰੀਏ ਅਤੇ ਕਦੇ ਆਪਣੇ ਮਜ਼ਾਕੀਆ ਟਵੀਟਸ ਦੇ ਜ਼ਰੀਏ, ਸ਼ਿਖਰ ਧਵਨ ਪ੍ਰਸ਼ੰਸਕਾਂ ਦੇ ਨਾਲ ਜੁੜੇ ਰਹਿੰਦੇ ਹਨ।
ਇੰਨਾ ਹੀ ਨਹੀਂ ਹੁਣ ਸ਼ਿਖਰ ਕਈ ਵਾਰ ਪਾਕਿਸਤਾਨੀ ਕ੍ਰਿਕਟ ਟੀਮ 'ਤੇ ਵੀ ਨਿਸ਼ਾਨਾ ਸਾਧਦੇ ਹਨ ਅਤੇ ਉਨ੍ਹਾਂ ਦੀਆਂ ਅਜੀਬ ਗਲਤੀਆਂ ਲਈ ਉਨ੍ਹਾਂ ਦੀ ਆਲੋਚਨਾ ਕਰਨ ਤੋਂ ਵੀ ਪਿੱਛੇ ਨਹੀਂ ਹਟਦੇ।
ਹੁਣ ਇਕ ਵਾਰ ਫਿਰ ਧਵਨ ਨੇ ਪਾਕਿਸਤਾਨੀ ਖਿਡਾਰੀ ਦਾ ਮਜ਼ਾਕ ਉਡਾਇਆ ਹੈ, ਜਿਸ ਨੇ ਨਿਊਜ਼ੀਲੈਂਡ ਖਿਲਾਫ ਟੀ-20 ਮੈਚ ਦੌਰਾਨ ਵੱਡੀ ਗਲਤੀ ਕੀਤੀ ਸੀ।
ਨਿਊਜ਼ੀਲੈਂਡ ਖਿਲਾਫ ਤੀਜੇ ਟੀ-20 ਮੈਚ 'ਚ ਪਾਕਿਸਤਾਨੀ ਬੱਲੇਬਾਜ਼ ਮੁਹੰਮਦ ਰਿਜ਼ਵਾਨ ਨੇ ਅਚਾਨਕ ਬੱਲਾ ਛੱਡ ਦਿੱਤਾ ਅਤੇ ਦੌੜਾਂ ਲੈਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਆਪਣੇ ਹੱਥ ਨਾਲ ਕਰੀਜ਼ ਨੂੰ ਛੂਹਣ ਦੀ ਕੋਸ਼ਿਸ਼ ਕੀਤੀ ।
ਹੁਣ ਧਵਨ ਨੇ ਰਿਜ਼ਵਾਨ ਨੂੰ ਇਸ ਗੱਲ 'ਤੇ ਹੀ ਲਪੇਟ ਲਿਆ ਹੈ। ਭਾਰਤੀ ਬੱਲੇਬਾਜ਼ ਨੇ ਟਵਿੱਟਰ 'ਤੇ ਰਿਜ਼ਵਾਨ ਦੀ ਛੋਟੀ ਦੌੜ ਦੀ ਫੋਟੋ ਪੋਸਟ ਕੀਤੀ ਅਤੇ ਲਿਖਿਆ- 'ਕਬੱਡੀ ਕਬੱਡੀ ਕਬੱਡੀ #Shortrun'
ਜਿੱਥੋਂ ਤੱਕ ਪਾਕਿਸਤਾਨੀ ਟੀਮ ਦਾ ਸਵਾਲ ਹੈ, ਉਸ ਨੂੰ ਨਿਊਜ਼ੀਲੈਂਡ ਵਿੱਚ ਵੀ ਜਿੱਤ ਨਹੀਂ ਮਿਲ ਰਹੀ ਹੈ। ਉਸ ਨੂੰ ਲਗਾਤਾਰ ਚੌਥੇ ਟੀ-20 ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ।