02-08- 2024
TV9 Punjabi
Author: Isha Sharma
ਜਿਸ ਬਾਈਕ ਨੇ ਰਾਇਲ ਐਨਫੀਲਡ ਨੂੰ ਬਜ਼ਾਰ ਵਿੱਚ ਮੁੜ ਸਥਾਪਿਤ ਕੀਤਾ ਹੈ ਉਹ ਕਲਾਸਿਕ 350 ਹੈ। ਕੰਪਨੀ ਨੇ ਇਸ ਦਾ ਅਪਡੇਟਿਡ ਵੇਰੀਐਂਟ ਠੀਕ 3 ਸਾਲ ਪਹਿਲਾਂ ਲਾਂਚ ਕੀਤਾ ਸੀ।
ਹੁਣ ਇਕ ਵਾਰ ਫਿਰ ਰਾਇਲ ਐਨਫੀਲਡ ਇਸ ਬਾਈਕ ਦਾ ਨਵਾਂ ਅਪਡੇਟਿਡ ਵੇਰੀਐਂਟ ਪੇਸ਼ ਕਰਨ ਜਾ ਰਹੀ ਹੈ, ਜਿਸ ਨੂੰ ਰਾਇਲ ਐਨਫੀਲਡ 12 ਅਗਸਤ ਨੂੰ ਪੇਸ਼ ਕਰੇਗੀ।
ਨਵੀਂ ਕਲਾਸਿਕ 350 ਦੀ ਗੱਲ ਕਰੀਏ ਤਾਂ ਇਸ 'ਚ ਕੁਝ ਨਵੇਂ ਫੀਚਰਸ ਅਤੇ ਡਿਜ਼ਾਈਨ ਅਪਡੇਟ ਕੀਤੇ ਜਾ ਸਕਦੇ ਹਨ। ਬਾਈਕ ਦੇ ਅਪਡੇਟਿਡ ਮਾਡਲ ਨੂੰ ਨਵੇਂ J ਪਲੇਟਫਾਰਮ 'ਤੇ ਬਣਾਇਆ ਜਾਵੇਗਾ।
ਬਾਈਕ 'ਚ ਪੂਰੀ LED ਲਾਈਟਿੰਗ, ਟਿਊਬਲੈੱਸ ਟਾਇਰ ਅਤੇ ਨਵੇਂ ਅਲਾਏ ਵ੍ਹੀਲ ਦਿੱਤੇ ਜਾਣਗੇ ਅਤੇ ਨਵੀਂ Royal Enfield Classic 350 'ਚ 349 cc ਸਿੰਗਲ ਸਿਲੰਡਰ ਏਅਰ-ਕੂਲਡ, ਫਿਊਲ ਇੰਜੈਕਟਿਡ ਇੰਜਣ ਦਿੱਤਾ ਜਾਵੇਗਾ।
ਇਹ ਇੰਜਣ 20.2bhp ਦੀ ਪਾਵਰ ਅਤੇ 27Nm ਦਾ ਟਾਰਕ ਜਨਰੇਟ ਕਰ ਸਕਦਾ ਹੈ। ਇਹੀ ਸੈਟਅਪ ਰਾਇਲ ਐਨਫੀਲਡ ਮੀਟੀਅਰ ਵਿੱਚ ਵੀ ਪਾਇਆ ਗਿਆ ਹੈ। ਇੰਜਣ ਦੇ ਨਾਲ ਵਾਈਬ੍ਰੇਸ਼ਨ ਨੂੰ ਘੱਟ ਕਰਨ ਲਈ ਕਾਊਂਟਰ-ਬੈਲੈਂਸਰ ਸ਼ਾਫਟ ਦਿੱਤਾ ਗਿਆ ਹੈ।
ਬਾਈਕ ਦੇ ਫਰੰਟ 'ਤੇ ਟੈਲੀਸਕੋਪਿਕ ਫੋਰਕਸ ਅਤੇ ਪਿਛਲੇ ਪਾਸੇ ਟਵਿਨ ਗੈਸ ਚਾਰਜਡ ਸਸਪੈਂਸ਼ਨ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਅੱਗੇ ਅਤੇ ਪਿੱਛੇ ਡਿਸਕ ਬ੍ਰੇਕ ਅਤੇ ਡਿਊਲ ਚੈਨਲ ABS (ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ) ਦਿੱਤੇ ਜਾ ਸਕਦੇ ਹਨ।
ਇਸ ਤੋਂ ਇਲਾਵਾ ਰਾਇਲ ਐਨਫੀਲਡ 650 ਦੀ ਕਲਾਸਿਕ ਬਾਈਕ ਵੀ ਲਾਂਚ ਕਰ ਸਕਦੀ ਹੈ। ਕਲਾਸਿਕ 650 ਨੂੰ ਕ੍ਰੋਮ ਰਿਮਜ਼, ਗੋਲ ਸੂਚਕਾਂ ਅਤੇ ਮਿਰਰਾਂ ਦੇ ਨਾਲ ਗੋਲ ਹੈੱਡਲਾਈਟਸ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ।