25-11- 2024
TV9 Punjabi
Author: Isha Sharma
ਮਸ਼ਹੂਰ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦਾ ਦਿਲ-ਲੁਮੀਨਾਟੀ ਟੂਰ ਹਾਲ ਹੀ ਵਿੱਚ ਪੁਣੇ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਇਸ ਕੰਸਰਟ ਦਾ ਇੱਕ ਖਾਸ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਅਸਲ 'ਚ ਵਾਇਰਲ ਹੋ ਰਹੀ ਵੀਡੀਓ 'ਚ ਦਿਲਜੀਤ ਦੇ ਕੰਸਰਟ 'ਚ ਇਕ ਵਿਅਕਤੀ ਸਟੇਜ 'ਤੇ ਆਪਣੀ ਪ੍ਰੇਮਿਕਾ ਨੂੰ ਵਿਆਹ ਲਈ ਪ੍ਰਪੋਜ਼ ਕਰਦੇ ਹਨ ਅਤੇ ਸਿੰਗਰ ਪਿੱਛੇ ਗੀਤ ਗਾ ਰਹੇ ਹਨ।
ਜਦੋਂ ਵਿਅਕਤੀ ਆਪਣੀ ਪ੍ਰੇਮਿਕਾ ਦੇ ਹੱਥ ਵਿੱਚ ਅੰਗੂਠੀ ਪਾਉਂਦਾ ਹੈ, ਤਾਂ ਹਰ ਕੋਈ ਤਾੜੀਆਂ ਅਤੇ ਸੀਟੀ ਮਾਰਨ ਲੱਗ ਪੈਂਦਾ ਹੈ।
ਆਖਿਰਕਾਰ ਗਾਇਕ ਦੋਵਾਂ ਨੂੰ ਜੱਫੀ ਪਾ ਲੈਂਦੇ ਹਨ, ਜਿਸ ਦੌਰਾਨ ਉਹ ਆਦਮੀ ਦਿਲਜੀਤ ਨੂੰ ਕਹਿੰਦਾ ਹੈ ਕਿ ਉਹ ਪਿਛਲੇ 13 ਸਾਲਾਂ ਤੋਂ ਦੋਵੇਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ।
ਵਿਅਕਤੀ ਦੀ ਗੱਲ ਸੁਣ ਕੇ ਦਿਲਜੀਤ ਹੈਰਾਨ ਹੋ ਜਾਂਦਾ ਹੈ ਅਤੇ ਦੋਵਾਂ ਨੂੰ ਜੱਫੀ ਪਾ ਲੈਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੇ ਇਸ ਵੀਡੀਓ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ।
ਉਨ੍ਹਾਂ ਦੇ ਕੰਸਰਟ 'ਚ ਮੌਜੂਦ ਦਿਲਜੀਤ ਦੇ ਇਕ ਪ੍ਰਸ਼ੰਸਕ ਨੇ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ ਹੈ, ਜਿਸ 'ਤੇ ਪ੍ਰਪੋਜ਼ ਕਰਨ ਵਾਲੇ ਨੇ ਖੁਸ਼ੀ ਜ਼ਾਹਰ ਕੀਤੀ ਹੈ।
ਦਿਲਜੀਤ ਦੇ ਕੰਸਰਟ 'ਚ ਹਮੇਸ਼ਾ ਕੁਝ ਨਾ ਕੁਝ ਦਿਲਚਸਪ ਹੁੰਦਾ ਹੈ। ਇਸ ਤੋਂ ਪਹਿਲਾਂ ਪਾਕਿਸਤਾਨੀ ਅਭਿਨੇਤਰੀ ਹਾਨੀਆ ਆਮਿਰ ਨੂੰ ਵੀ ਉਨ੍ਹਾਂ ਦੇ ਸ਼ੋਅ 'ਚ ਦੇਖਿਆ ਗਿਆ ਸੀ।