07 June 2024
TV9 Punjabi
Author: Ramandeep Singh
ਪਾਕਿਸਤਾਨ ਨੂੰ ਟੀ-20 ਵਿਸ਼ਵ ਕੱਪ 2024 ਵਿੱਚ ਆਪਣੇ ਪਹਿਲੇ ਹੀ ਮੈਚ ਵਿੱਚ ਸਨਸਨੀਖੇਜ਼ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਅਮਰੀਕਾ ਨੇ ਉਸ ਨੂੰ ਸੁਪਰ ਓਵਰ ਵਿੱਚ ਹਰਾਇਆ।
ਅਮਰੀਕਾ ਨੇ ਪਾਕਿਸਤਾਨ ਨੂੰ ਸੁਪਰ ਓਵਰ ਵਿੱਚ 5 ਦੌੜਾਂ ਨਾਲ ਹਰਾਇਆ ਅਤੇ ਇਸ ਜਿੱਤ ਦੇ ਹੀਰੋ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਸੌਰਭ ਨੇਤਰਵਲਕਰ ਰਹੇ।
ਸੌਰਭ ਨੇਤਰਵਲਕਰ ਅਮਰੀਕਾ ਦੇ ਕੈਲੀਫੋਰਨੀਆ ਵਿੱਚ ਰਹਿੰਦੇ ਹਨ ਅਤੇ ਮਸ਼ਹੂਰ ਡੇਟਾ ਬੇਸ ਕੰਪਨੀ ਓਰੇਕਲ ਵਿੱਚ ਪ੍ਰਿੰਸੀਪਲ ਇੰਜੀਨੀਅਰ ਵਜੋਂ ਕੰਮ ਕਰਦੇ ਹਨ।
ਸੌਰਭ ਨੇਤਰਵਲਕਰ ਦਾ ਜਨਮ ਮੁੰਬਈ ਵਿੱਚ ਹੋਇਆ ਸੀ ਅਤੇ ਉਹ ਮੁੰਬਈ ਲਈ ਰਣਜੀ ਟਰਾਫੀ ਵੀ ਖੇਡ ਚੁੱਕੇ ਹਨ। ਹਾਲਾਂਕਿ ਇਸ ਤੋਂ ਬਾਅਦ ਉਹ ਅਮਰੀਕਾ ਸ਼ਿਫਟ ਹੋ ਗਏ।
ਸੌਰਭ ਨੇਤਰਵਲਕਰ 2019 ਵਿੱਚ ਅਮਰੀਕਾ ਦੇ ਕਪਤਾਨ ਬਣੇ ਸਨ ਅਤੇ ਉਹ ਟੀ-20 ਮੈਚ ਵਿੱਚ ਪੰਜ ਵਿਕਟਾਂ ਲੈਣ ਵਾਲੇ ਇਸ ਟੀਮ ਦੇ ਪਹਿਲੇ ਗੇਂਦਬਾਜ਼ ਵੀ ਬਣ ਗਏ।
ਸੌਰਭ ਨੇਤਰਵਲਕਰ ਦੀ 10 ਸਾਲ ਪਹਿਲਾਂ ਬਾਬਰ ਆਜ਼ਮ ਨਾਲ ਮੁਕਾਬਲਾ ਕਰ ਚੁੱਕੇ ਹਨ। 2014 ਵਿੱਚ ਇਸ ਖਿਡਾਰੀ ਨੇ ਭਾਰਤ ਲਈ ਅੰਡਰ-19 ਵਿਸ਼ਵ ਕੱਪ ਵੀ ਖੇਡਿਆ ਸੀ।
ਸੌਰਭ ਨੇਤਰਵਲਕਰ ਨੇ ਪਾਕਿਸਤਾਨ ਖਿਲਾਫ 4 ਓਵਰਾਂ 'ਚ 18 ਦੌੜਾਂ ਦੇ ਕੇ 2 ਵਿਕਟਾਂ ਲੈਣ ਦੇ ਨਾਲ ਹੀ ਅਮਰੀਕਾ ਨੂੰ ਸੁਪਰ ਓਵਰ 'ਚ ਜਿੱਤ ਵੀ ਦਿਵਾਈ।