06-03- 2024
TV9 Punjabi
Author: Isha Sharma
ਇਸ ਸਾਲ ਹੋਲਾ ਮਹੱਲਾ ਦੇ ਸਮਾਗਮ 15 ਮਾਰਚ ਨੂੰ ਸ਼੍ਰੀ ਅਨੰਦਪੁਰ ਸਾਹਿਬ ਵਿਖੇ ਸਮਾਗਮ ਹੋਣਗੇ।
ਹੋਲੇ ਮਹੱਲੇ ਮੌਕੇ ਅਨੰਦਾ ਦੀ ਪੁਰੀ ਦੇ ਦਰਸ਼ਨ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਸੜਕੀ ਮਾਰਗ ਰਾਹੀਂ ਵੀ ਅਨੰਦਪੁਰ ਸਾਹਿਬ ਪਹੁੰਚ ਸਕਦੇ ਹੋ।
ਪੰਜਾਬ ਸਰਕਾਰ ਵੱਲੋਂ ਚਲਾਈਆਂ ਜਾਂਦੀਆਂ ਸਰਕਾਰੀ ਬੱਸਾਂ ਵੀ ਇਸ ਰੂਟ ਤੇ ਉਪਲੱਬਧ ਹੋਣਗੀਆਂ।
ਜੇਕਰ ਦਿੱਲੀ ਤੋਂ ਅਨੰਦਪੁਰ ਸਾਹਿਬ ਜਾਣਾ ਚਾਹੁੰਦੇ ਹੋ ਤਾਂ ਸਵੇਰੇ 5 ਵਜ ਕੇ 50 ਮਿੰਟ ਤੇ, 10 ਵਜਕੇ 25 ਮਿੰਟ, ਦੁਪਿਹਰ 2 ਵਜ ਕੇ 35 ਮਿੰਟ ਅਤੇ ਰਾਤ ਨੂੰ 10 ਵਜਕੇ 50 ਮਿੰਟ ਉੱਪਰ ਰੇਲਾਂ ਉੱਪਲਬਧ ਹਨ।
ਅੰਬਾਲਾ ਤੋਂ ਅਨੰਦਪੁਰ ਸਾਹਿਬ ਜਾਣ ਲਈ ਸਵੇਰੇ 3 ਵਜੇ, 6 ਵਜੇ, 7 ਵਜਕੇ 40 ਮਿੰਟ ਤੇ, 8 ਵਜ ਕੇ 20 ਮਿੰਟ ਤੇ, ਸਾਢੇ 11 ਵਜੇ, ਦੁਪਿਹਰ 1 ਵਜਕੇ 40 ਵਜੇ, ਸ਼ਾਮ ਨੂੰ 6 ਵਜ ਕੇ 5 ਮਿੰਟ ਅਤੇ ਸ਼ਾਮ ਨੂੰ ਸਾਢੇ 6 ਵਜੇ ਵੀ ਰੇਲ ਸੇਵਾ ਉੱਪਲੱਬਧ ਹੈ।
ਜੇਕਰ ਤੁਸੀਂ ਦੇਸ਼ ਜਾਂ ਵਿਦੇਸ਼ ਵਿੱਚੋਂ ਹਵਾਈ ਯਾਤਰਾ ਕਰਕੇ ਅਨੰਦਪੁਰ ਸਾਹਿਬ ਜਾਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਮੁਹਾਲੀ ਹਵਾਈ ਅੱਡੇ ਲਈ ਫਲਾਈਟ ਲੈਣੀ ਹੋਵੇਗੀ। ਮੁਹਾਲੀ ਤੋਂ ਬਾਅਦ ਤੁਹਾਨੂੰ ਬੱਸ ਜਾਂ ਕਾਰ ਰਾਹੀਂ ਅਗਲਾ ਸਫ਼ਰ ਕਰਨਾ ਹੋਵੇਗਾ ਜੋ ਕਿ ਮਹਿਜ਼ 2 ਤੋਂ ਢਾਈ ਘੰਟਿਆਂ ਦਾ ਹੈ।
ਬੱਸ ਰਾਹੀਂ ਜਾਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕਸ਼ਮੀਰੀ ਗੇਟ ਤੋਂ ਤੁਹਾਨੂੰ ਚੰਡੀਗੜ੍ਹ ਲਈ ਬੱਸ ਲੈਣੀ ਹੋਵੇਗੀ ਅਤੇ ਫਿਰ ਤੁਹਾਨੂੰ ਚੰਡੀਗੜ੍ਹ ਤੋਂ ਰੋਪੜ ਜਾਂ ਅਨੰਦਪੁਰ ਸਾਹਿਬ ਜਾਣ ਵਾਲੀ ਬਦਲਣੀ ਪਵੇਗੀ।
ਪੰਜਾਬ ਦੇ ਕਿਸੇ ਇਲਾਕੇ ਵਿੱਚੋਂ ਜਾਣਾ ਚਾਹੁੰਦੇ ਹੋ ਤਾਂ ਸਰਕਾਰੀ ਬੱਸਾਂ (ਪੀ.ਆਰ.ਟੀ.ਸੀ, ਪੰਜਾਬ ਰੋਡਵੇਜ਼ ਜਾਂ ਪਨਬੱਸ) ਰਾਹੀਂ ਵੀ ਸਫ਼ਰ ਕਰ ਸਕਦੇ ਹੋ। ਹਰ ਜ਼ਿਲ੍ਹੇ ਦੇ ਬੱਸ ਸਟੈਂਡ ਤੋਂ ਬੱਸ ਜਾਂਦੀਆਂ ਹਨ।