18 May 2024
TV9 Punjabi
Author: Ramandeep SIngh
ਕਿਉਂ ਖਤਮ ਨਹੀਂ ਹੋ ਰਿਹਾ ਹਾਰਦਿਕ ਪੰਡਯਾ ਦਾ ਦੁੱਖ? ਇਹ ਸਵਾਲ ਇਸ ਲਈ ਹੈ ਕਿਉਂਕਿ ਇਸ ਸਮੇਂ ਸਭ ਕੁਝ ਉਨ੍ਹਾਂ ਦੇ ਵਿਰੁੱਧ ਹੁੰਦਾ ਨਜ਼ਰ ਆ ਰਿਹਾ ਹੈ।
ਹਾਰਦਿਕ ਪੰਡਯਾ ਦੀ ਕਪਤਾਨੀ ਹੇਠ, MI IPL 2024 ਪਲੇਆਫ ਦੀ ਦੌੜ ਤੋਂ ਬਾਹਰ ਹੋਣ ਵਾਲੀ ਪਹਿਲੀ ਟੀਮ ਬਣ ਗਈ। ਇਸ ਤੋਂ ਇਲਾਵਾ ਮੈਦਾਨ 'ਤੇ ਮੌਜੂਦ ਦਰਸ਼ਕਾਂ ਨੇ ਉਨ੍ਹਾਂ ਖਿਲਾਫ਼ ਹੂਟਿੰਗ ਕੀਤੀ।
ਇਨ੍ਹਾਂ ਸਾਰੇ ਦੁੱਖਾਂ ਦਾ ਬੋਝ ਘੱਟ ਸੀ ਕਿ ਹੁਣ ਬੀਸੀਸੀਆਈ ਨੇ ਉਨ੍ਹਾਂ ਨੂੰ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਵੱਡੀ ਸਜ਼ਾ ਦੇ ਦਿੱਤੀ ਹੈ।
ਹਾਰਦਿਕ ਪੰਡਯਾ 'ਤੇ ਇਕ ਮੈਚ ਲਈ ਪਾਬੰਦੀ ਲਗਾਉਣ ਤੋਂ ਇਲਾਵਾ ਬੀਸੀਸੀਆਈ ਨੇ ਹਾਰਦਿਕ ਪੰਡਯਾ 'ਤੇ 30 ਲੱਖ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ।
BCCI ਨੇ MI ਦੇ ਕਪਤਾਨ ਨੂੰ IPL 2024 'ਚ ਤੀਜੀ ਵਾਰ ਅਜਿਹੀ ਗਲਤੀ ਕਰਨ ਲਈ ਇਹ ਸਜ਼ਾ ਦਿੱਤੀ ਹੈ। ਪੰਡਯਾ ਦੀ ਇਹ ਗਲਤੀ ਸਲੋਅ ਓਵਰ ਰੇਟ ਨਾਲ ਜੁੜੀ ਹੋਈ ਹੈ।
ਹੁਣ MI ਦੇ ਕਪਤਾਨ ਹੋਣ ਕਾਰਨ ਉਨ੍ਹਾਂ ਨੂੰ ਸਲੋਅ ਓਵਰ ਰੇਟ ਦੀ ਸਜ਼ਾ ਭੁਗਤਣੀ ਪਈ। ਉਸ ਤੋਂ ਇਲਾਵਾ ਟੀਮ ਦੇ ਹਰ ਖਿਡਾਰੀ ਦੀ ਮੈਚ ਫੀਸ ਦਾ 50 ਫੀਸਦੀ ਕੱਟ ਲਿਆ ਗਿਆ ਕਿਉਂਕਿ ਇਹ ਗਲਤੀ ਤੀਜੀ ਵਾਰ ਹੋਈ ਹੈ।
ਹਾਰਦਿਕ ਪੰਡਯਾ 'ਤੇ ਇਕ ਮੈਚ ਦੀ ਪਾਬੰਦੀ ਦਾ ਅਸਰ ਇਹ ਹੋਵੇਗਾ ਕਿ ਹੁਣ ਉਹ IPL 2025 'ਚ MI ਦਾ ਪਹਿਲਾ ਮੈਚ ਨਹੀਂ ਖੇਡ ਸਕਣਗੇ। IPL 2024 'ਚ MI ਦਾ ਸਫਰ ਖਤਮ ਹੋ ਗਿਆ ਹੈ।