06-04- 2024
TV9 Punjabi
Author: Rohit
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ ਅਤੇ ਰਾਮੇਸ਼ਵਰਮ ਟਾਪੂ ਨੂੰ ਜੋੜਨ ਵਾਲੇ ਦੇਸ਼ ਦੇ ਪਹਿਲੇ Vertical Lift Sea Bridge ਨੂੰ ਰਾਸ਼ਟਰ ਨੂੰ ਸਮਰਪਿਤ ਕੀਤਾ ਹੈ।
ਇਸ ਪੁਲ ਦੀ ਮਦਦ ਨਾਲ, ਰੇਲਵੇ ਸੰਪਰਕ ਵਿੱਚ ਸੁਧਾਰ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਵਰਟੀਕਲ ਪੁਲ ਸਮੁੰਦਰ ਵਿੱਚੋਂ ਲੰਘਦੇ 2,070 ਮੀਟਰ ਲੰਬੇ ਰੇਲਵੇ ਟ੍ਰੈਕ 'ਤੇ ਬਣਾਇਆ ਗਿਆ ਹੈ ਅਤੇ ਇਸ ਵਰਟੀਕਲ ਪੁਲ ਦੀ ਲੰਬਾਈ 72.5 ਮੀਟਰ ਹੈ।
Pamban Sea Bridge ਲੰਡਨ ਬ੍ਰਿਜ ਵਰਗਾ ਲੱਗਦਾ ਹੈ, ਤੁਹਾਨੂੰ ਦੱਸ ਦੇਈਏ ਕਿ ਲੰਡਨ ਬ੍ਰਿਜ ਬ੍ਰਿਟੇਨ ਦੀ ਥੇਮਸ ਨਦੀ 'ਤੇ ਬਣਿਆ ਹੈ।
ਪੰਬਨ ਸਮੁੰਦਰੀ ਪੁਲ ਦੀ ਲਾਗਤ ਦੀ ਗੱਲ ਕਰੀਏ ਤਾਂ ਇਹ ਪੁਲ 550 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ ਅਤੇ ਇਹ ਪੁਲ 72.5 ਮੀਟਰ ਲੰਬਾ ਵਰਟੀਕਲ ਲਿਫਟ ਸਪੈਨ ਹੈ।
ਇਸ ਪੁਲ ਨੂੰ 17 ਮੀਟਰ ਤੱਕ ਉੱਚਾ ਕੀਤਾ ਜਾ ਸਕਦਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਇਸ ਪੁਲ ਦਾ ਉਦਘਾਟਨ ਕੀਤਾ ਹੈ।
ਪੰਬਨ ਸਮੁੰਦਰੀ ਪੁਲ ਸਮੁੰਦਰ ਵਿੱਚ ਬਣਾਇਆ ਗਿਆ ਹੈ ਅਤੇ ਇਸਨੂੰ ਹਰ ਤਰ੍ਹਾਂ ਦੇ ਮੌਸਮ ਵਿੱਚ ਚੰਗੀ ਹਾਲਤ ਵਿੱਚ ਰੱਖਣ ਲਈ ਸਟੇਨਲੈੱਸ ਸਟੀਲ ਦਾ ਬਣਾਇਆ ਗਿਆ ਹੈ।
ਇਸ ਪੁਲ 'ਤੇ ਚੰਗੀ ਕੁਆਲਿਟੀ ਦਾ ਪੇਂਟ ਵਰਤਿਆ ਗਿਆ ਹੈ ਜਿਸ ਕਾਰਨ ਇਸ ਨੂੰ ਜੰਗਾਲ ਨਹੀਂ ਲੱਗੇਗੀ। ਨਾਲ ਹੀ, ਪੁਲ ਦੇ ਹਿੱਸਿਆਂ ਨੂੰ ਜੋੜਨ ਲਈ ਵੈਲਡਿੰਗ ਦੀ ਵਰਤੋਂ ਕੀਤੀ ਗਈ ਹੈ।