30-10- 2025
TV9 Punjabi
Author:Yashika.Jethi
ਬਚਪਨ ਦੌਰਾਨ,ਸਰੀਰ ਅਤੇ ਦਿਮਾਗ ਤੇਜੀ ਨਾਲ ਵਿਕਸਤ ਹੁੰਦੇ ਹੈ। ਵਿਟਾਮਿਨ ਬੱਚਿਆਂ ਦੀ ਗ੍ਰੋਥ,ਹੱਡੀਆਂ ਦੀ ਮਜਬੂਤੀ ਅਤੇ ਇਮਿਊਨ ਸਿਸਟਮ ਲਈ ਬਹੁਤ ਜ਼ਰੂਰੀ ਹਨ। ਆਓ ਜਾਣਦੇ ਹਾਂ ਕਿ ਕਿਹੜੇ ਵਿਟਾਮਿਨ ਦੀ ਕਮੀ ਨਾਲ ਕਿਹੜੀਆਂ ਬਿਮਾਰੀਆਂ ਹੋ ਸਕਦੀਆਂ ਹਨ।
ਮੈਕਸ ਹਸਪਤਾਲ ਦੇ ਡਾ.ਰੋਹਿਤ ਕਪੂਰ ਦੱਸਦੇ ਹਨ ਕਿ ਵਿਟਾਮਿਨ ਏ ਦੀ ਕਮੀ ਦਾ ਬੱਚਿਆਂ ਦੀ ਨਜ਼ਰ ਤੇ ਅਸਰ ਪਾਂਦਾ ਹੈ, ਜਿਸ ਨਾਲ ਨਾਈਟ ਬਲਾਇੰਡਨੈਸ ਅਤੇ ਇਨਫੈਕਸ਼ਨ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਵਿਟਾਮਿਨ ਬੀ-ਕੰਪਲੈਕਸ ਦੀ ਕਮੀ ਬੱਚਿਆਂ ਵਿੱਚ ਥਕਾਵਟ, ਭੁੱਖ ਨਾ ਲੱਗਣਾ, ਸਕਿਨ ਦੀਆਂ ਸਮੱਸਿਆਵਾਂ ਅਤੇ ਬੱਚੇ ਦੇ ਵਿਕਾਸ ਵਿੱਚ ਰੁਕਾਵਟ ਦਾ ਕਾਰਨ ਬਣ ਸਕਦੀ ਹੈ।
ਵਿਟਾਮਿਨ ਸੀ ਦੀ ਕਮੀ ਸਕਵੀਂ ਵਰਗੀ ਬਿਮਾਰੀ ਦਾ ਕਾਰਨ ਬਣ ਸਕਦੀ ਹੈ, ਜਿਸ ਨਾਲ ਮਸੂੜਿਆਂ ਵਿੱਚੋਂ ਖੂਨ ਵਗਦਾ ਹੈ ਅਤੇ ਸ਼ਰੀਰ ਵਿੱਚ ਕਮਜ਼ੋਰੀ ਮਹਸੂਸ ਹੁੰਦੀ ਹੈ।
ਵਿਟਾਮਿਨ ਡੀ ਦੀ ਕਮੀ ਕਾਰਨ ਹੱਡੀਆਂ ਕਮਜ਼ੋਰ ਹੋ ਜਾਂਦੀਆਂ ਹਨ ਅਤੇ ਬੱਚਿਆਂ ਵਿੱਚ ਰਿੇਕਟਸ ਯਾਨੀ ਹੱਡੀਆਂ ਦੇ ਮੁੜਣ ਦਾ ਖ਼ਤਰਾ ਹੁੰਦਾ ਹੈ।
ਵਿਟਾਮਿਨ ਈ ਸਰੀਰ ਦੇ ਸੈਲਸ ਦੀ ਰੱਖਿਆ ਕਰਦਾ ਹੈ। ਇਸਦੀ ਘਾਟ ਮਾਸਪੇਸ਼ੀਆਂ ਦੀ ਕਮਜ਼ੋਰੀ ਅਤੇ ਕਮਜ਼ੋਰ ਇਮਿਊਨ ਸਿਸਟਮ ਦਾ ਕਾਰਨ ਬਣ ਸਕਦੀ ਹੈ।
ਵਿਟਾਮਿਨ ਕੇ ਦੀ ਕਮੀ ਖੂਨ ਦੇ ਜੰਮਣ ਦੀ ਪ੍ਰਕਿਰਿਆ ਨੂੰ ਪ੍ਰਭਾਵਿਤ ਕਰਦੀ ਹੈ, ਜਿਸ ਕਾਰਨ ਛੋਟੇ -ਛੋਟੇ ਜ਼ਖ਼ਮਾਂ ਤੋਂ ਵੀ ਬਹੁਤ ਜ਼ਿਆਦਾ ਖੂਨ ਵਹਿ ਸਕਦਾ ਹੈ।