ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਮਾਦੁਰੋ ਦੇ ਪਾਇਲਟ ਨੂੰ ਖਰੀਦਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਅਮਰੀਕਾ, Secret ਮਿਸ਼ਨ ਦਾ ਹੋਇਆ ਖੁਲਾਸਾ

Photo: TV9 Hindi

ਅਮਰੀਕਾ ਅਤੇ ਵੈਨੇਜ਼ੁਏਲਾ ਵਿਚਕਾਰ ਤਣਾਅ ਆਪਣੇ ਸਿਖਰ ‘ਤੇ ਹੈ। ਡੋਨਾਲਡ ਟਰੰਪ ਦੇ ਸੱਤਾ ਵਿੱਚ ਵਾਪਸ ਆਉਣ ਤੋਂ ਬਾਅਦ, ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਦੀ ਸਥਿਤੀ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਨਾਜ਼ੁਕ ਜਾਪਦੀ ਹੈ। ਅਮਰੀਕਾ ਦੀ ਮਾਦੁਰੋ ਨੂੰ ਹਟਾਉਣ ਦੀ ਇੱਛਾ ਕੋਈ ਨਵੀਂ ਗੱਲ ਨਹੀਂ ਹੈ। ਇਹ ਕੋਸ਼ਿਸ਼ਾਂ ਸਾਲਾਂ ਤੋਂ ਜਾਰੀ ਹਨ। ਇਸ ਦਾ ਸਭ ਤੋਂ ਹੈਰਾਨ ਕਰਨ ਵਾਲਾ ਸਬੂਤ ਹਾਲ ਹੀ ਵਿੱਚ ਸਾਹਮਣੇ ਆਇਆ ਜਦੋਂ ਇੱਕ ਅਮਰੀਕੀ ਏਜੰਟ ਨੇ ਗੁਪਤ ਰੂਪ ਵਿੱਚ ਮਾਦੁਰੋ ਦੇ ਪਾਇਲਟ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ।

ਦਰਅਸਲ, ਇਹ ਪੂਰੀ ਕਹਾਣੀ ਅਮਰੀਕੀ ਏਜੰਟ ਐਡਵਿਨ ਲੋਪੇਜ਼ ਨਾਲ ਸ਼ੁਰੂ ਹੁੰਦੀ ਹੈ, ਜਿਸ ਨੇ ਮਾਦੁਰੋ ਦੇ ਭਰੋਸੇਮੰਦ ਪਾਇਲਟ ਨੂੰ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ। ਏਜੰਟ ਦੀ ਯੋਜਨਾ ਸਧਾਰਨ ਸੀ, ਜੇਕਰ ਪਾਇਲਟ ਮਾਦੁਰੋ ਦੇ ਜਹਾਜ਼ ਨੂੰ ਅਜਿਹੀ ਜਗ੍ਹਾ ‘ਤੇ ਉਤਾਰਦਾ ਹੈ ਜਿੱਥੇ ਅਮਰੀਕੀ ਏਜੰਸੀਆਂ ਉਸ ਨੂੰ ਗ੍ਰਿਫਤਾਰ ਕਰ ਸਕਦੀਆਂ ਹਨ, ਤਾਂ ਉਸ ਨੂੰ ਲੱਖਾਂ ਡਾਲਰ ਮਿਲਣਗੇ ਅਤੇ ਉਹ ਇੱਕ ਹੀਰੋ ਬਣ ਜਾਵੇਗਾ।

ਅਮਰੀਕੀ ਏਜੰਟ ਕਿਸ ਹੱਦ ਤੱਕ ਪਹੁੰਚਿਆ?

ਨਿਊਜ਼ ਏਜੰਸੀ AP ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਡੋਮਿਨਿਕਨ ਰੀਪਬਲਿਕ ਵਿੱਚ ਅਮਰੀਕੀ ਦੂਤਾਵਾਸ ਵਿੱਚ ਤਾਇਨਾਤ ਇੱਕ ਏਜੰਟ ਐਡਵਿਨ ਲੋਪੇਜ਼ ਨੂੰ ਅਪ੍ਰੈਲ 2024 ਵਿੱਚ ਇੱਕ ਮਹੱਤਵਪੂਰਨ ਸੁਰਾਗ ਮਿਲਿਆ। ਮਾਦੁਰੋ ਦੇ ਦੋ ਨਿੱਜੀ ਜੈੱਟ ਉੱਥੇ ਮੁਰੰਮਤ ਕੀਤੇ ਜਾ ਰਹੇ ਸਨ। ਇਹਨਾਂ ਜਹਾਜ਼ਾਂ ਨੂੰ ਅਮਰੀਕੀ ਪੁਰਜ਼ਿਆਂ ਨਾਲ ਫਿੱਟ ਕੀਤਾ ਗਿਆ ਸੀ, ਜੋ ਵੈਨੇਜ਼ੁਏਲਾ ‘ਤੇ ਲਗਾਈਆਂ ਗਈਆਂ ਪਾਬੰਦੀਆਂ ਦੀ ਉਲੰਘਣਾ ਕਰਦਾ ਸੀ। ਇਹ ਉਹ ਥਾਂ ਹੈ ਜਿੱਥੇ ਲੋਪੇਜ਼ ਇੱਕ ਖ਼ਤਰਨਾਕ ਯੋਜਨਾ ਲੈ ਕੇ ਆਇਆ ਸੀ, ਮਾਦੁਰੋ ਤੱਕ ਪਹੁੰਚਣ ਲਈ ਇਹਨਾਂ ਜੈੱਟਾਂ ਅਤੇ ਉਹਨਾਂ ਦੇ ਪਾਇਲਟਾਂ ਦੀ ਵਰਤੋਂ ਕਿਉਂ ਨਾ ਕੀਤੀ ਜਾਵੇ?

ਪਾਇਲਟ ਨਾਲ ਮੁਲਾਕਾਤ ਅਤੇ ਫਿਰ ਰੱਖਿਆ ਗੁਪਤ ਪ੍ਰਸਤਾਵ

ਲੋਪੇਜ਼ ਅਤੇ ਉਨ੍ਹਾਂ ਦੀ ਟੀਮ ਨੇ ਹਵਾਈ ਅੱਡੇ ‘ਤੇ ਮਾਦੁਰੋ ਦੇ ਪਾਇਲਟਾਂ ਤੋਂ ਪੁੱਛਗਿੱਛ ਕਰਨੀ ਸ਼ੁਰੂ ਕਰ ਦਿੱਤੀ। ਅੰਤ ਵਿੱਚ, ਉਹ ਮਾਦੁਰੋ ਦੇ ਸਭ ਤੋਂ ਭਰੋਸੇਮੰਦ ਪਾਇਲਟ, ਜਨਰਲ ਬਿਟਨਰ ਵਿਲੇਗਾਸ ਨੂੰ ਮਿਲਿਆ। ਗੱਲਬਾਤ ਪਹਿਲਾਂ ਤਾਂ ਹਲਕੀ-ਫੁਲਕੀ ਰਹੀ, ਪਰ ਲੋਪੇਜ਼ ਜਲਦੀ ਹੀ ਇਸ ਮੁੱਦੇ ਵਾਲੀ ਗੱਲ ‘ਤੇ ਪਹੁੰਚ ਗਿਆ, ਜੇਕਰ ਤੁਸੀਂ ਮਾਦੁਰੋ ਦੇ ਜਹਾਜ਼ ਨੂੰ ਅਮਰੀਕੀ ਖੇਤਰ ਦੇ ਅੰਦਰ ਉਤਾਰਦੇ ਹੋ, ਤਾਂ ਤੁਸੀਂ ਅਮੀਰ ਬਣ ਜਾਓਗੇ ਅਤੇ ਇੱਕ ਰਾਸ਼ਟਰੀ ਨਾਇਕ ਕਹਾਓਗੇ।

ਵਿਲੇਗਾਸ ਨੇ ਕੁਝ ਨਹੀਂ ਕਿਹਾ, ਬਸ ਆਪਣਾ ਫ਼ੋਨ ਨੰਬਰ ਦੇ ਕੇ ਚਲਾ ਗਿਆ। ਇਸ ਨਾਲ ਦੋਵਾਂ ਵਿਚਕਾਰ ਏਨਕ੍ਰਿਪਟਡ ਗੱਲਬਾਤ ਦੀ ਇੱਕ ਲੜੀ ਸ਼ੁਰੂ ਹੋ ਗਈ, ਜੋ ਕਈ ਮਹੀਨਿਆਂ ਤੱਕ ਚੱਲੀ। ਇਸ ਦੌਰਾਨ, ਅਮਰੀਕਾ ਨੇ ਮਾਦੁਰੋ ਦੇ ਦੋ ਜਹਾਜ਼ ਜ਼ਬਤ ਕਰ ਲਏ। ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਨੇ ਖੁਦ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਜ਼ਬਤ ਕੀਤੇ ਗਏ ਜਹਾਜ਼ਾਂ ਵਿੱਚੋਂ ਇੱਕ ਦਾ ਐਲਾਨ ਕੀਤਾ। ਇਸ ਕਾਰਵਾਈ ਤੋਂ ਵੈਨੇਜ਼ੁਏਲਾ ਭੜਕ ਗਿਆ ਅਤੇ ਜਿਸ ਨੇ ਖੁੱਲ੍ਹ ਕੇ ਅਮਰੀਕਾ ‘ਤੇ ਚੋਰੀ ਦਾ ਦੋਸ਼ ਲਗਾਇਆ।

ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਮਿਸ਼ਨ ਅਸਫਲ ਰਿਹਾ

ਲੋਪੇਜ਼ ਹੁਣ ਸੇਵਾਮੁਕਤ ਹੋ ਗਿਆ ਸੀ, ਪਰ ਉਹ ਮਿਸ਼ਨ ਨੂੰ ਛੱਡਣਾ ਨਹੀਂ ਚਾਹੁੰਦਾ ਸੀ। ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਵਿਲੇਗਾਸ ਅਜੇ ਵੀ ਮਾਦੁਰੋ ਦੇ ਨਾਲ ਉਡਾਣ ਭਰ ਰਿਹਾ ਹੈ, ਤਾਂ ਉਨ੍ਹਾਂ ਨੇ ਦੁਬਾਰਾ ਉਸ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ। ਪਰ ਇਸ ਵਾਰ ਵਿਲੇਗਾਸ ਦਾ ਜਵਾਬ ਸਖ਼ਤ ਸੀ। ਉਨ੍ਹਾਂ ਨੇ ਕਿਹਾ, “ਅਸੀਂ ਵੈਨੇਜ਼ੁਏਲਾ ਵਾਸੀ ਧੋਖਾ ਨਹੀਂ ਦਿੰਦੇ। ਫਿਰ ਲੋਪੇਜ਼ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਮਾਦੁਰੋ ਨੂੰ ਡਰਾਉਣ ਲਈ ਇੱਕ ਨਵੀਂ ਰਣਨੀਤੀ ਅਪਣਾਈ।

ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਵਿਲੇਗਾਸ ਦੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ ਤਾਂ ਜੋ ਇਹ ਦਿਖਾਈ ਦੇ ਸਕੇ ਕਿ ਉਹ ਹੁਣ ਦੋਹਰੀ ਭੂਮਿਕਾ ਨਿਭਾ ਰਿਹਾ ਹੈ। ਅਫਵਾਹਾਂ ਫੈਲ ਗਈਆਂ ਕਿ ਮਾਦੁਰੋ ਨੇ ਉਨ੍ਹਾਂ ਦੇ ਪਾਇਲਟ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਕੁਝ ਦਿਨਾਂ ਬਾਅਦ, ਵਿਲੇਗਾਸ ਟੀਵੀ ‘ਤੇ ਦਿੱਖਿਆ ਅਤੇ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਲੋਪੇਜ਼ ਦਾ ਮਿਸ਼ਨ ਯਾਨੀ ਅਮਰੀਕੀ ਦਾ ਮਿਸ਼ਨ ਅਸਫਲ ਰਿਹਾ।